¹ I dangwani esə seniya ii ina wessan gə i yaksi zok, i maa i me̱e̱ ipu naa dangwanz paa. ² Ren muu naa eska gbam we̱e̱rəkrə. Gamn naa zoka we̱e̱rək rək naa ika useiko. ³ We̱e̱rə yam nok e, nok sə Bil na gbəərə bila nok paka ki, n doo sum suma zəma Dangwanzəm. Nok a anni sə npu gwettə. ⁴ We̱e̱rən nok sə n le' dooka wessa ni n bo'rək. ⁵ Riigən riigətta wessat naa iya ipu gooi, tomən naa bəl. ⁶ Paka ik kobənaya naa gau paka gonəm rək. naa gau paka tingka gekarək, nok sə i mee ni i iisəkən koneyak. ⁷ Nok neta at miirə, Tikikus dooskən don ur ungwanza miizi senurə e pu yam Daa Billə. ⁸ N tomtu irə nok a neta etti nok sə i mee ina pu arə paan nok səna gbəsən temtiya ii. ⁹ N tomtu naa Onisimus a n yerdus sə gə n gbaa'uz, boo pu ində te' sə i dooskən ina bo'rum ang. ¹⁰ Aristakus dowiya mirə i ɓaye yam az pu dəəskəndə naa Markus unwaza Barnabas rəz ( uza ullə paazi sə i doosən naa zaa i kwee'u) ¹¹ Na gə Yeeso ura i deru Yistusaz iyai yi gani muyo iya napsepu tomsə nok gwanta Billət. i gau pu ra'ask maam rə miirə. ¹² Abafaras pu dooskəndə ur maa pu muzo erə te' gə senza Kwebaaz Yeeso rəzzi . ko bənaya weerən wessa wə, nok sə i gau yiisniyi zəma zə sundumeya Billəi rə. ¹³ N seidusən a boon toms irə pa naa timr mulə. Nok mariya ipu Lawudikiyawai naa Hirafolisai. ¹⁴ Luka gbaaba rumbaaz naa Dimas ipu dəəskən də. ¹⁵ Dəəsən ungwaniya Lawudikiyai, naa Nimfada, naa mariya i me̱e̱ Bil ullə gwaai. ¹⁶ Bəlla i zangə wasika irə te'el, sei ina zangu mariya i es timr Lawudikiyai rə, megəsən i zangəsapu wasika Lawudikiya. ¹⁷ Doosən Akibas, ''Na gən hakkilo naa tomsa Billə, kweetə boo bo'ok as. ¹⁸ Dəəska a mində na'rəkki Bulus sundum naa sargaiya mii, go'nəm gau na ii