¹ Noka tomsa iya naa go'num, Omis too n ka biisin ii. ² N meemen ni gapsinnin rekimrə'ek, ni n go'run yaksa zok mariya Makadooniyai rə mu'. N dooti pu Akaya i gaɓɓisapu diga wira arrallə. Yaara iit tospu uri , i tor tomsə. ³ N tomtə uriyagi a miiya, bo'ta yaksa zoka eek gau iirə paa zuk, nok iima i gau naa gebsəm, ni i bo'kak. ⁴ Nok na ri'pa, maz uza, na duutə diga Makadooniyaawai rə te', na duutə, gə na oks ana gaɓɓis pa, zur dekkaa, n dook una pa, nok n punaa de'etta Omit Iirə paa. ⁵ Sei n too ton, n ka tomtə uriyangi, ina zaa iirə, bəl na gə bo'rum, ina gaɓɓis, ina i doks ingə bo esəkan. Uni gau ri, nok sə ina gaɓɓis, nok na gau ina se'simrən, ina kwe̱e̱rək zok pa. ⁶ Paka rookki, ura ta' topaz, kink topa, ura ta' naa sundumeya sə'səmrəz, kink sə'səm. ⁷ Koo neya na esə ni i eskən gwandə timlək, ama kana es na gootimə pa, nok Bil Ii in mariya i esə esək naa timr mulloi. ⁸ Bil punaa gbi'kəma eskənin ina ar a irə i iin an, nok i gakp naa kinka koo bila pakrəya, i king kin gen genɲa. ⁹ ni pu bisinin ak, "Gə ina pisin an ina masəsə mariya pisi pai" king kaa iik ɓank pa koobənaya. ¹⁰ Ura esə ura ta' dok'taz, gwanzi gəə esə reka nok rek, gwanzi gəə eskən sə bagsən dokta zengsət, esək gəbən sə be'titkən dokt nok ta'ka. Tosək kinkaa go'numrək sə bag. ¹¹ I eska en koo bilaa pakrəya, nok sə i kin eska gbi'nən, esəka i esə eski, gakp iika usuko zi Billə na'rə. ¹² Nok tomsa go'numrəs as, nok tooka ina iya ookapai rumsəi, I in kotto pa, haa sə bak iika usuko Billə oomi O. ¹³ Nok i gwegən pu, i meegəsənin pu, Tomsa assə, gə i noosək Bil, i noosək Bil nok i yii I Iisapu, naa paka tingkak kweebaazək, gəə i noosək Bil, rekarə eskaa geɠɠak Iirə. na neeya pat. ¹⁴ Okaa iik gapsi pu, rekimre', gə ipu weerikəskəndə, i go'rə ri' nok go'numma Billa naa gbi'kəm, iirə paal. ¹⁵ Iika usuko naa gau Billə, naa esəka ullə yiika piipak.