¹ Mii Bulus naa zura miil, n pu Orukəndə, rekarə tiisəka zur, naa takpa timra a kweebaazəz, mii maza n weng zur paz, bəlla n pin irə te'el, ama n punaa gbam mina pu irə pourə pa. ² N pu oorukəndə, mina pu iirə pourə, ama n pu okrə, n iik in gamnaa naa de'et, bəlla n pu dingkənkə naa ii, iya i pe' bone apu gapt gapta zokrottə te. ³ Koo nok apu ri'gətta zokrottə, a pe' ya'am zokro pa. ⁴ Nok,neta a gwaam ya'am at, a zokrotti pa, noka ri'ik, neta ya'am rə at a Billətti, puna gbi'kəma waagəskən neta Setan dəmmat. I ɓéés ɓén ina kamtə ding kəng kaa kamtə kepsi kak. ⁵ Gəbən e waagəska wan, ina kamtə gbesəm naa meekaa Billək, e gə e kam kan sundəmiya paipat,rekarə gbaakənkaa kweebaazə rə. ⁶ E go'rusapu zok iya i ke' to' pai, ke'ka to'a ii, ina gapsapu . ⁷ Gwenən ina i de'es dənɠɠa iirə mu'un, uza na gapsa pu boo' a Kweebaazzəzzi, ni boo, gə naa sundusun zura gwandəl, bonge, ni bo a, Kweebaazzəzzi. Aa yam apu ri'. ⁸ Koo mina ii daam, naa gbi'kəm pisaam, a Daa Bil esaam, noka e go'ruskənninak, noka waagəska pa, n geek deksa zur pa. ⁹ Kana gau ni n pu piksikəndə na rababaiya miiyak pa. ¹⁰ Nok mari uri i doo gee, rababai ulləi zemazi naa gbam, ama okarə nollə punaa gbam pa, naa gə paka ullək kwee geekarə paa. ¹¹ Daan mariya ai ina meegəs, ina a doosən rababai rə roon, bəlla apu ang pal, kwerkənka kwen, ni ana kapu ang, sə aka bo'on ak. ¹² Ee, bo e daks zur naa maz pa, koo kwe'gəska zura eel, naa iya i noos zura illai, ama ina gwegə zura gwanirəl naa gwani, ipu naa meegəska pa. ¹³ A bo'ok daam sə assəkin gbam pa, nika go'onnak, a go'ok daam sə assəkən gbam pa, nok ri'ik, a go'ok ri'zi, ni gwan ina Bil tosaa ana bo'rən, ɓapsaa reks iirək. ¹⁴ Ama e yii zu'teya eei haa assən gbam pa ni ee reks iirə denpak, ama eyi e ma' reksəka iirə naa paka tingkak kweebaazək. ¹⁵ E yii daam sə assən gbam nok tomsa uri rəssi, nok ri', epu de'eskində nok eska timra iil, na bagə, nok ar tomsa aas na bagə haa, wessa we' keskaa ullək rə. ¹⁶ E ii ri' ' noka e kamkpin paka tinkak, rekarə ata iirə mu'uttə, e yiik daaam nok tomsa uza rə buttos pa. ¹⁷ "Maza go'rə daamaz, na go'rə' Daa Billə" ¹⁸ Nok maza teg zura gwandəllaz, uzi i zanu pa, noka ri'ik sei ura Daa Bill zanuz.