¹ Ina ka iisəke ingə ika gbes baar naa, me'emrə te' topa, nok zəmaze i ɓes ɓen baar naa mii. ² N punaa keerəsa iis, n pu naa keerəsa Billəs rekarə iirə. Nok n pe'sən pu doka kiimrəz ya'az muzo, sə yii ni waa nuuza oomizak kweebaazəz. ³ Ama ser nok n punaa ser iirə paa, leege ni biks seerin Hauwa'u naa gbakuwa ulləu ak, sə sundəmeya irəi Oomi, i kee i daa tomtəya iirə Oomi kweebaazəi. ⁴ I ra'səsin pak uka, zaa gəəsən Yeeso uza som, na a i kwees pu, koo paka tingkak uka som, sə ina kweepa, gbeska baara iil go'gon. ⁵ Nok n mee mingə n pu sa'ka pa, rekarə iya i deri Tombaiya gbi'kiyai rə. ⁶ Koo de' i kubrusəne mii, dooska mari pak pa, le'nə kubruskəna miik pa, naa bilaa pakreya pat, gəbən naa neta ettirə te' edoosun pu ina an. ⁷ N bo'rə aibezi de' n noo zura miil pa, nok sə ina noosən akya? de' n doosun paka Billək kotto gə. ⁸ N kweerə neta mariya Billə uri rət, sə n kwee eska iik, nok n bo'səkəni tomsak. ⁹ Bəlaa n pin naa iil, n gəə n oks zura mindəl, nok n moos uza pa, uriyangiya i keetə Makadoniyai, i bo'sə ina n iin, n kees zura mindəl noka, mo'səskənak iika, ana reks te' n densə uza gums pa,n rek mu' naa bo'kaa ri'ik. ¹⁰ Zemze' ni kweebaaz pin miirə timlek, n rəəsək diika di' naa yaksa zoka miik pa, buta Akaayattə pat. ¹¹ Sə nok anya? noka n iinin pak ya? Bil mee n bo'rə bon. ¹² Ama ina n pu bo'okrən, n bo'ok ri'zi nok n le'kən iya i Ii laarika, Billa ni aal i iirə, i bo'on yaksa zok n rek mu' naa bo'ka, sə n le'en iya i sundə kwesəka zur naa, aa ina i noosən zuran dəi. ¹³ mariya ri'eyi tombaiya songb rəiyi tombaiya seer baamrəi, i yes zu'təya Ii tombaiya kweebaazəi. ¹⁴ Nok ina mesəmrənni pa ,nok setan yes zura gwandəl ni tombaaza Oosarəzak. ¹⁵ Nok ri'ik məspa, seniya ulləi ina yes zu'təya Ii ni tombaiya go'numrəiyaki; ɓapsa iikrə, i kinkin faasəma tomsən. ¹⁶ N doo gəbən, uza kana sundə bongə mii me'essi pa. Mona Ii pe'mə ni me'essak, n teg zur pa. ¹⁷ Ina n pu dookrə teka zullə naa gbam an, keetə daa Billə paa, ama n pag ni me'essak. ¹⁸ De' mari genɠa i teg zur zokrə roo, mii bən n teg zur. ¹⁹ Ama gəbən baar na yaksa zok, mariya i me'ei rə iinaa zu'a ii i ɓe'ɓen. ²⁰ Gəbən i ɓes baar, naa ura tosən senəu rez, ora uza tegən zur naa be'səm, kam toms naa ii, noka kinkaa gwandək zullək, na teg zur bo arrin an, səna be'en muug rə. ²¹ N pu dookrə, zur degaa pu, noka e le'nee bo'a rə r'ik. Noka riik, uza zok na yagu, n pag ni me'sak, mii bən zok yake yan. ²² Ii Ibraniyaawai, mii gbai ri'zi Isra'ilaawaiyi ya? mii gbai ri' Ii zeewiya Ibrahimrəiyi ya? mii gbai ri' ²³ Ii tombaiya kweebazzəiyi ya? (n pag ni n kee mində hakilo rə) n ari an yam, n anni ang bo'ka tomsa iis telə, n ari an torka pusunarə, aa eri pat re'sa piipa, N tor gbasuwa werk reuwrə genɠa. ²⁴ N kwee foptət zur naa komna naa piti muzo pat den gbenaarə Yahudaawairə na'rə. ²⁵ I vobde naa gbalət den taanə. I to'gə naa bile de' muko, n tor ɓasu rə den taanə gbark rə roo, ubla wiisə sə ar Oosə ɓenarə te. ²⁶ N tor ɓasurə womuttə roo, ɓasuwa rui rəwrə, ɓasuwa keetə mariya miirəu rə, ɓasuwa menki reu rə, ɓasuwa dəlləu rə, ɓasuwa wo'seu rə, ɓasuwa gbenaareu, ɓasuwa zeewiya song rəi rə. ²⁷ N oks zura miil n pu tomsa gombaarassə te' ru' genɠa n rus pa, wodu naa ɓengba rə te' wodu a riika maa̱m reu rə te' tam a kandəm reu rə te. ²⁸ Og ina eni pat, gums pu miirəkoo benaya, nok gbeesa baara ro'təya Billəi rə pat. ²⁹ Nezzi wengpa, sə mii n gau maza weng pa ullə paapa paya? nezi n bo'su, sə deu de' sə una kassə naa ur paya? ³⁰ ̈Mina geek yaksa zok, bo geek nok ina dang ka'nən bendə paa. ³¹ Bil bən daa Kweebaaz Yeeso rəl ura kwee noosəka haa ting tənnaz, meemen n bo'rə songbi pa. ³² Gwanza kisə gwanta Dimaskat Arisat, pi sə ina zo' dəlla Dimaskal nok sə ina kame. ³³ Ama n zutə popsənarə gbenzə roo kongza dəlləzzə, sa' n gbis irə na'rə.