¹ Gapsapu n go'ok yaksa zok, ama n kin una roo pa, n rek mu' naa rudum, naa Rumtiya Billǝi diga Daa Billǝ. ² N meemen maz uza ura pu Kweebaazəz, ura wi' komna naa narkəi a i assai, koo zokrǝ, koo zok ro roo pa, n meepa, Bill mee i pèsu, paari ora taakak rə. ³ N mee maz uza koo zokrə roo , koo zoka gook rə, n mee pa, Billi mee. ⁴ Ura i pesu rekarə paari gwanta Billətə, ura gee neta sumsum tat, maz ka le' dooka pat. ⁵ Nok ni ura ezi zi sə n gee yaksa zok, naka nok zura mindəl gə n ka gee yaksa zok pa, sei dei nok yabru a mindəu. ⁶ Minaka ii segɓǝme ar, ka gau me'em, nok n dook ina Omin. Ama n nok yaksa zok, noka ri'ik uza sunduk una, a ar ri'eni mirə sə ar og miirən koo gee miirə paan. ⁷ Gǝbǝn n nok yaksa zok, napu ri', ni ruduma genɠam, bota n gau naa teka zur, i esǝ net mindǝ zokrǝ, tombaaza Setan dǝz ɓǝsǝ baar, nok sǝ kan teg zur go'suma pa. ⁸ N Orə Daa Bil den taanə nok, səna marə naa ina eni. ⁹ Ama doosə gee, go̱'muma miim daks dan nok ora gbam piipakki, sə i og yiika gbi'kəma miirək, nok ri'ik bən n bak yaksa zok, nok yabruwa miiu sǝ gbam yi'. Nok ri'ik, dikki sinǝsegɓime naa dangka'nima miim, nok gbi'kəma Kweebaazǝm na gau naa mii. ¹⁰ Nok ri'ik, n go'gon nok Kweebaaz, naa yabruwa miiu rǝ te, koo be'səm, koo ɓeeka baar, koo winsa rǝ te' koo mo'oska. Nok koo benaya, mina berǝ n kinkin gbam gǝbǝn. ¹¹ N bo̱'rə pu me'em kam! ama ini i pi'e sə n bo̱'rə, too ika zanə, nok n yaps iya i deri tombaiya gbi'kiyai, koo noka mii una ni pa. ¹² I bo̱'rum ang tombaiya Omit ipu irə te, naa yirku, naa neta mesəm rət naa neta gbi'ta gbi'it e bo̱rət. ¹³ Naa bilaa pakki i keks iya i esə timr pairəya? koo mii n reks sə n kaa seen paya? ra'səsee hakəiya ai. ¹⁴ Gwenən n go̱rusapu zok zakarə irə dəna taanandə, n gapskən gumsus pa, nok n Ii unaa iin pa, n pu iikəndə. Nok yangiyi i bo̱sək daai pa, daayi i bo̱'sək yangiya irəi Omi. ¹⁵ Mii gəə n wo̱sək won ina pisə na'rən yas, Naa bəlla miil naa yaksa zokka Omik nok zengsa iis. Mina bagə iikən gə i ya'rək yan iika miik ya? ¹⁶ Mina kaa mu'sun pagə, asee ika doo inge n go̱səbo gbe̱'kuwi, n kin pu zu'təya irəi naa bila a səri miirək. ¹⁷ Iya n tomtəi erə ai, n bo̱'sən ina go'pan, naa uza irə te'ya? ¹⁸ N orə Titus na ree irə, naa doowi uza, Titus bo̱'tən ina go̱'panya? è bo̱'rə ina munən ni paya? è duu bilaa mukokki paya? ¹⁹ I mee inge diga doo gbaakənka eek ekam te irəya? ri'zi pa e pag pu Billə mu, e doopu anya pat noka i kinkin gbam ak. ²⁰ N seerəmsən bo̱ta n zaa irə, sə n oksən ni n innak pa, bən i oksə gəə ni in I iinakpa, koo i oksək senəm, keeris, suksa baar, iika zur, naa geeka pak pa. ²¹ N serəmsen bo̱ta n getə, sə Billa miil gennə dii irə mu. N serǝmsen bo̱ta suks baar nok mari genɠa iya i go'rǝ hakeiyai, zakare ri'ak, iya pu'na pai diga gamnaa Omikrǝ pa, laaka ki'naa laaka yaari, naa tomteya brekimrǝ'ei, a i bo'ri pa.