¹ Dən taazaa az n pu zakrə irə, mari ina de' ittəkə koo taarəkə, pakki de'sapu. ² N doosapu diga sa'ka naa iya i bo'rə hakeiyai, aa iya i seetə bəlla n pu naa ill zakaa ittikək, gəbən n pu dookrə, mina puuto zaka, n ya'riski pa. ³ N doosun ina an nok ipu laak deeska ina Kweebaaz doo diga miirə su'rə. Ur kookuzzi pa iirə mu' noka ri'ik, ura naa gbi'kəmazzi iirə te'. ⁴ I kpaau yabrurə te' ama puna zengs nok gbi'kəma Billəm, nok a punaa gbam ullə paa, ama a gakp naa ur nok gbi'kəma Billəm arə te. ⁵ Gwegən zura Ill gə leegə ina pu naa gwan gə, gwegən zu'təya Ii, I meegəs ingə Yeeso kweebaaz pu irə paa ya? pii sei dei ina ii naa Ii pa. ⁶ N pu de'ka mingə, oksuk i Iisapu. ⁷ N pu weerək Billə, minge i oksukun naa hakei pa. Na n orə noka a yiikən a regə gwe'kaaki pa, noka ri'ik, n pu werəkrə go'on ina Omin, koo noka ni a yii a kasə pu gwek'kaakik. ⁸ Nok a le' bo'ka una, a dingkənka zema ze'endə pa, sei dei a bo'ok nok zema. ⁹ E gee yaksa zok, nok dang na ka'ee, Ii bo go'on gbam, e pu weerəkrə, gəbən nok gbamsəkaa iik. ¹⁰ N biisən neta at n pu irə pourə pa, nok bəlla n piik, n gakp ro' baaz pa, n ii kanpa tomsa naa gbikəma Daa Bil esəm noka n taagəskənnak pa, sei dei n wonkpun. ¹¹ ɓapsarə, uriyangi, zok na yagən, bo'on toms nok wengska zok, geekən ində te' gamn gapta Omit, sə Billa gbakarəl naa gabta Omiital gapk naa ii. ¹² De'eskən naa rumsa Omis kuk'kpinkarəs. ¹³ Mariya i duu Billai i pu. ¹⁴ Go'numma Daa Yeeso Kweebaaz, gbaaka Billək, naa daksəka zura rumsa Omiisəllə na gau naa Ii.