¹ E ii ika mee, uriyangi, naa, go'numa gwaagama Billəm Makadoniya. ² Naa gweekaa gbi'kak ɓerka baalək, ipu zaama go'pammrə, dingtǝ net geng geng, esǝk naa faska na'. ³ Nok n meemen i esǝpu ina a le'ekan, naa iikaa iik. ⁴ Naa ooruka gbi'kak, naa na'aska, ni, naa mariya i duu Billai. ⁵ Ri'zi bo'rum, ni a Iin ak pa, noka ri'ik, i ma' eska zutəya Ii Daa rə na ika Billək. ⁶ Noka ri'ik, n po'gusǝn Titus ura ma' kweeka tomsaz, na gbams tomsa go'num rǝ esi indǝ te'ka. ⁷ I be'ettǝ pu koo andǝya pat, naa eska timlǝ, naa pakrǝ te, naa meeka, naa to̱msa go'massǝ te, naa gbaakaa iik nok ee. Nok ri'ik meen i be'es pu tomsa assǝ te. Naa esǝk. ⁸ N doon ri'ak, kana goo ni n pi'in pinnaki pa, nok ri'ik, sǝ n gwegǝ eska timra iil, naa yaara mariya i seetǝi rǝ. ⁹ Nok n mee go'numa Daa Yeeso kweebaazǝm, koo og ri'ik ur maza naa ina na'rəzazi, sə gau sə yere maza naa zaamaz, nok zama ulləmrə sə ina kin ina na'rən. ¹⁰ Ri'ak Neta eti rǝ te,n dooskǝn don ina po'kǝnnan, wira arallə i ma'ka go'ka una pa, ama i sundǝ naa go'ka, rekimrə'. ¹¹ Ri'ak, sei ɓamsən tomsa i ma'a go'kas, ni gwan i yaan go'ka bəlla aa eli rə, yaan i kamtə gbamska rook, deu le'kaa iikrə. ¹² Ina punaa eska gbam to̱msa assə, ina Ominni, pu kweennin ni, zəmaze gapsa pu Omi, naa ina pisə mazan, naa ina pisa pan pa. ¹³ Nok tomsa as , noka n mo'səskə uri, sə uri ina kinə semma pa. Noka ri'ik too aka kinə geekinka. ¹⁴ Kinkaa iik, bəlla allə, tokski ton ina i Iin, ri'zi bən, nok, kinkaa iik, le'e len bo'oski ina I iin, nok ina kinə geekinka. ¹⁵ Ni pu ni i biisənnak, maza toogəs neta tuuroz soowa ulləu gbamkpa, ura toogus topaz una pii sə le'eu pa. ¹⁶ Iika usuko Billə ura tor Titus sə, timlə rekimrə, gbaakaa iikrə, ni n punaa ur rekarə Iirə ¹⁷ Nok kweeka orukaa eki kottopa, zaa iiirə nok iikaa ullək. ¹⁸ E tomu naa doowiya ulləz, ura i zanu gwaaga Billəkrəz, tomsa ulləs dooka paka rababaazək. ¹⁹ Nok neta at tan pa, haama mariya Billəi i teegutu səna ri'gə naa aa, sə ena kam tomsa go'numrəs noosəka Daa Billəs, sə yii go'numma bo'kam, naa eska zura po'karəl. ²⁰ Ee nog koo uza kana esəə sal pa, nok go'numa e pe'em. ²¹ Iikaa eeki, e go'ok neta okapat, nok Billə mu' tanpa, ama marirə mu. ²² É tom doowiya eez naa əə, e gweksupu, e oksu Omi, e oksu bo'ok tomtirə genɠa, ri'ak ma bagə yaar, nok iika gbikak puna ur rekarə iirək. ²³ De' Titus doowiya miirə ri'gəttəzzi, gə doowiya tomsa miis nok iik, nok doowiya aai i tomti diga gwaama Billm rə, ii bo ina gbi'nanni kweebaazzə. ²⁴ Noka ri'ik yiisini gbaakaa iik, iibo, i yiisə mariya Billəi, do̱o̱ta eet nok Ii.