¹ A gbaakən, diga apuna alkawali a neksə zogrima ammrə, ina pi' zoka aak sə se̱e̱n naa rumsa aas. Daan a laa Omin (Tsarki), naa seeraa Billək. ² Esmee bila , a go'sə uza ina go'pan pa, e ro'on uza koo ina e pe' ina omin uzarən pa. ³ N doo minge, n be'sin bənzi sə n doo ina an pa, nok n doosən pu ɓala, ində timtərə, a biik yam. ⁴ N punaa de'rəngkpa moorə sə n dangrə naa moi ii, sə n yi'is naa gbam, n yi'is naa gbam naa yaksa zok, naa ina pat a doon. ⁵ De' e zaa Mekadoniya, nok ri'ik, zogromma eem engəspa, e pi' gbeska baar pat e gbii diga te'ka naa ser gwanirə timtərə. ⁶ Ama Bil ura go'rə wəngriske iya i nisə pai, sə wəngrisaa aa, zakaa Titus sək. ⁷ Ama nok zakaa Titus səkki tan pa, sə Bil wəngrisa pu pagrəma nok kwee Iirəm, de' doosəkaa, gbaakaa iikki baar gaomda iil, naa suka gəkpaa iik miirə paa, eska timra iil, naa yaakaa iik,eska timrs iil, nok mii zok yagə haa. ⁸ Koo rababaaza miirə n biituz na gomun baar, n yer mees pa, ama na og rababaaza n biituzzi, gomun baar n yer mees pa, baar gomda iil topa zi. ⁹ Ri'ak zok yagə, nok ipin baar gomdok pa, ama nok suksa baara iil kamtəpu pu'kana'. Baar gomda iil yerə pu ar noosək rə, noka ri'ik, una kana yaasin kotto pa. ¹⁰ Nok suksa baara diga Billəl kamtəl, kamtə ra'səska naa gəbən kinka kweeka, naa erka mees pa. Ama gomta baara pu neta dələttə, uti kamtə werk. ¹¹ Gwenən eska gbamma Bil esə wessa we'em, naa suksa baar keetə andə te'kal. Anni zi re'saa iirə gbi'kak, i esən gbam paa ak, sə i yii ipunaa ina sarinan paya?, anni re'sa suksa baara iirə gbi'lal, sera iil, naa timra iil, naa eska gbama iim, na gba'kuwa irə i ogau, i go'sapu go'num!, koo andeya tele, i yii zu'teya ii mariya naa hakkei pai, ri'gǝttirǝ te'. ¹² De' n biitən pu, n biitən bo nok iya sarii pa, koo n biitǝ nok ura saruz pa. N biitǝ nok yaara iit, na reks Billǝ mu'ka. ¹³ Noka ri'ik, sə timtəya ei i kween sə bo zak yagə, nok Titus yag zok nok zengsa iis zaa eerə ee pat. ¹⁴ Nok ina yaksa zokrənni, nok ur iirə n kink daksəka zur pa, naa ina go'pan, naa ina e doon, iirən zema yaksa zoka eek Titus sək, gapsapu zǝma. ¹⁵ Zengsa ulles bo pu irə ara a dookak pat bəlla pu sundukən go'numma iimrə ii pat gəbən ni kweenuk naa ser naa ningka zok. ¹⁶ N pu yaksa zok go'ma, na eskaa i esnə timra iil ak naa geeka sa'pa, Iirǝ te.