¹ De' apu tomsə yam, n oro kai mu'us go̱'numma Billəm rəm səna laapa. ² Nok doo bongee, de' bella ellirə n ke' to moorə, naa ublaa n kweekənnak, ogum, ublaa Omik, ogum ri'iak , ublaa ak ublaa kweekarəkki. ³ E de'es ina waarən ɓarə koo uza rə mu, uza rə mu' pa, Nok a ii tomsa aas kana gau ina zukkan nak pa. ⁴ De' pu ri'zi meegəsin pu endə zullo nok tomtiya eei, aa seniya Ulloyi kam, ni e kamsən zur ak naa gberka baar naa geeka zok naa ma'aska zok. ⁵ Naa ɗu'ut, naa dogduka, naa gbaagəska na' gberka baalə, naa gəbən ruska piipa, naa wodu. ⁶ Tsarki rə te',meegiskəna naa gbeska baar, naa go'num, rumsa Omissə te' naa gapta Omiit iika rət. ⁷ Aa seeniyaiyi ullə paka zəmakrə, rekarə gbi'kəma Billəttəm. Epunaa fonkaaza go'numrəz na' go'narə naa na' ukirə. ⁸ A kam toms naa wessa we' naa wessawe' pa, gbaaka naa zantəm, i de'aa, naa ri'ik pat aa mariya naa eska timr aiyi. ⁹ E kam tomsa ni i meek ak pa, e kam toms ni e werk wennak ama! haa ri'ak epunaa zengns. A kam toms ni mariya i bisiy yak, ama bisa ikpa rəssi pa. ¹⁰ E kam toms na suksa baar, ama epunaa yaksa zok, ni iya naa zammai ii marinak ni ipu naa unnak pa, sə kinin unnak. ¹¹ E doosən pu ina an pat zəmazi irə Koronti , naa timtəya a ai i gbe'rum pu. ¹² Eyi e mu'sun pa, ama iyi i mu'sə. ¹³ Ri'ak naa ser, yerən, ni n pagnən yangik, gberən timtəya ii Omi'o̱. ¹⁴ Una kana daksən naa iya i Ii timpai pa, gamntan ari, iya omipa, iyag naa iya omi paiya? daksəka zura palli pi'sə osa naa tegra ya? ¹⁵ Geekinka pakki pisə Kweebaaz naa setan ya? anni daks ura esə timras naa gə ura esə timr az paya. ¹⁶ An daks rora Billəl naa buuga do'ozzək ya? ama aa gwaaga Billəkki ni Bill dook, ni n gakpin irə te'ka te'ek, n pu ri'gittə iirə te', n gakp Billa iil, i gakp mariya mii. ¹⁷ Noka ri'ik "keetin iirə te' a gau naaziz" , dookaa Billək, kaa pa' ina seen pa, sə n kween. ¹⁸ . N gakp Daa moi iirə, yanga kita ki' naa yanga yaara mari, dookaa Billək daa paariz.