¹ Noka ri'ik de' epunaa tomsa go'numma Billəm rəs, ni gwan a kween yirku ak, zengs keesəsaa pa. ² Una kassə naa neta sumsumrət naa deksa zullot pa, dang kaam rə paa, koo suku me, koo mu'uska kam gbaala paka Billək omi pa, koo yii ina omin kaaka'allə, a yii zutəya aai Billə mu' koo neereya. ³ Koo paka tingka na pu gbe'sin kik, gbe'es zok aarə pa, ama nok iya i wo' pui. ⁴ Noka ri'ik maza i duu az gbe'sapu timtəya aii nok nok ri'ik i le'ek oka osa paka tingkak kweebaaz zək pa, apu go'sa rumsa Billəs sək. Nok è doo paka endə zulləkki pa, ama kweebaaz Yeeso danggwanz zək, é naa zutəya ai senniyi nok Yeeso. ⁵ Nok è doo paka endə zuləkki pa, ama a kweebaaz Yeeso dangwanz zək, ee naa zùtəya aai seeniyi nok Yeeso. ⁶ Nok Bill gwanzi doo gee, "oosa na oko tegrarə te" sə oko ora timtə rəkrə nok səna esə oosa, meegəska gbi'kəma Billəm Yeeso kweebaaz zəz. ⁷ Go'num apu wom zongnən an səna yii a Billəmmi a aami pa. ⁸ Ipu gbeskə baalə billit soma'so, ama naa ri'ik pat i kinə den pa. Ipu seerəkere ama naa ri'ik pat zengs keegəse pa; ⁹ Koo ni gbenə baar ak pat a gau mariya mu'us nai pa; ni mesnəə diik pat ama wo'os pa. ¹⁰ Koo benaya apu wer erəma Yeeso rək zongdo, nok sə oosa Yeeso rək na okum arə zongdə. ¹¹ Nok aa apu naa zengs ko benaya apuna kweeka irəm werka Yesso rək, nok sə zengsa Yesso rəs na okum ora zongdə. ¹² Noka ekiki werpu ri'gəttə are paa, ama zengs pu tomsə aare paa. ¹³ Ama apunaa rumsa musəs eska timlə ni pin biisəninnak: "n esə timr, sə n doo" n sə timr sə gəə n doo pak. ¹⁴ A meemen ura ruus dangwanz Yesso az gə, ruuska gbai naa ur, sə kama gwandə mu'un. ¹⁵ Koo anaya yas moozi, nok ni go'num yasən marik, iika useeko paggə pu gbi'kəma Billəmrə. ¹⁶ Kaa gau, sə zok na tapsa pa, koo benaya koo noka zonngna aan gosa marəm rə laasi pat naa ri'ik rumsa aas koo benaya ipu gənkində oka pa. ¹⁷ Nok waa gberka baara ara loo assəska pa al ulli go'rus nooska gengga gbaam pa assən riigət kənak. Neta nor ogatti i gwenəpa, ama sei neta nor okpat. ¹⁸ Neta nor ogat pu kaakarə, ama a nor okpat pu timlə.