¹ A ma'sa pu noosəka zura mool bənya? e Ii wassikaa ma'karəz iirə pa, ni mari i meen ak. ² Ii naa zu'təya Ii bən ii waasikaiyai eyi, biisənin erə timtərə, sə e meegisin sə e zangə moi irə te'yas. ³ A gapsapu wassikaiya kweebaaz biisini aarə timtə rə, e bii naa ink pa (Sebər) ama naa Rumsa Billəs naa zengsas. I bii Billə paa ama i bii mazzə timlə. ⁴ An uni de'ta Oomit naa ser pat Billə mu' keetika rə kweebaazə. ⁵ A puna le'ka una andə zullo pa,Naa no̱ka doosənaa arə te' sə pe' koo anya keetə aarə te. Ama de' gapsapu ri' le'kaa aak keetə diga Billə. ⁶ Billi genaa seniya i meegisin nai, alkawala pezzazə, alkawala az gəbə a biinzazzi pa, ama Rumsa Billəs, nok biit eu inzi, ama rums esə zengs. ⁷ Tomkpa tomsa kamtik werkas, ni i biin bilərə paak, zaa naa nooska haa sə Isra'ilai i le'ek sə i og muuga Muusa rək Oomi o' pa, uni no̱k nooskaa pu ullə muug ro ki, nooskaa assak. ⁸ Anni re'sa paka gbi'kəm naa noooska tomsa Rumsə bo'ros ya? ⁹ Nok na tomsa ɓa'aska rəs na puna noosik, arazi re'sa paka gbi'kim naa tomsa ooms go'ok ya? ¹⁰ Sənim piipa, ina i gen noosinin nan doo an, punaa una nooska kik es pa nok ni nooskaa eki assə pu. ¹¹ Sə a assapu an na punaa nooska, anni re'sa paka gbi'kima ina gapsa pun ting ting kin ya! ¹² De' apunaa meegiska, apuna de'kaa Oomik. ¹³ Puni Muusak pa, ura doks muuga ullə sə, mariya Isra'ilai i le' ɓapsa oka muuga ullək oomi pa. Reka nosəka ullək pu askəndə. ¹⁴ Sundumiya iirəi i gbe'esapu. Zakarə wongka yaluwa ewi, de'ipu zangik rabaabaza doozzazzə. I gbe'ru pa, nok kweebaazə zi tan i gbe'ru pa. ¹⁵ Koo wongka ma, Muusa na pu zangik re yaluwa ewi pu iire timtire Ama. ¹⁶ Ama maz na yerə dangwanzzə muuga ullok taarum pu. ¹⁷ Daa Bil uzi Rums. Ara Rumsa Daa Billes pin ak keeka pu roo. ¹⁸ Ri'ak pat aa muum doks zok pam, a ok gbi'kima Daa Billem. Aa pat ri'ak naa muuma gbe'es zok pam, a og on nooska Daa Billək. A pu kink aska rə karə nooskaa akrə, diga bilaa akrə rekare bila ukarə ɓes, ni gwan diga Daa Billəz, ura gwanzi Rumsaz.