¹ Ama ri'ak n duugus mində kanarə, n zak irə gebən naa gbaksa timr pa. ² Nok mii, mina laks timr naa ii, neezi zak sə yapsən timr ya? ³ N biisən ni n bo̱'rukənnak mina zaa irə, kamina kin suksa baar iya I too zok yagəi n pu Iikirə yas, yaksa zoka miik yaksa zoka iik. ⁴ Nok n biisən naa go̱o̱time naa gə gbakska timr naa gə me'ma miirə go'sumam kana kantəm gomba pa. ⁵ Ama maza kamtək gomta baar, kamtək miirə kotto pa, ama na rii gə, na gə sə gapsəkən irə yas pat. ⁶ Ni ɓenka tò a i ɓengsi maza, mari genɠa i go'sapu. ⁷ No̱k ri'ik zeesəka na gau ra'aska naa gə gbaksa timr, noka sə pe'səm naa suksa baar go'suma. ⁸ Nok ri'ik, n pu orukəndə marirə te, yiisunu iika. ⁹ Nok ri'ik, sə n biisən nok sə n gwegən, sə n mee koo i yii iikəngka koo ande ya. ¹⁰ Mona ra'səsee kooneya hakei, mii bən ra'səskən maza ezi, ina n re'sapunni ni mii n ra'səsən pu koo anya, è re'sapu moo kweebaazə mù. ¹¹ Nok ri'zi, setan kana kinə pa, kana gau ni iya ii mee neta ulləi yattak pa. ¹² Daa Bill gberəsaa pu sogna ublaa n zakən tarsus n bo'kən wa'azi a kweebaazəz. ¹³ Timra miil kis pa, nok n oks ur waza moi iz Titus ari pa. Nok ri'ik, n daati n getə Makadoniya. ¹⁴ Ama n isə Bill usuko, ura kweebaazə koo beneya yeraa pu, nok paka tingkak meen kik koo ara ya. ¹⁵ Nok ri'ik, a gau pu kweraa tingka Billə mù kweebaazə, gəə naa iya Bill desi pui. ¹⁶ Mariya i artə i wo' pui, daatəm a werk rə zaka werk rə, sə iya ipu naa zengsai i dakənni zengs rekarə zengse. ¹⁷ Nok ri'ik a gau ni mariya iya i yingə paka Billək nok kinka. Na ri'ik naa oka timr oməi, ni i tomtun Billə mu'uk, è pag kweebaazə te.