¹ Bulus tómbaaza Yeeso kweebaz naa iikaa Billək naa doowiya aaz Timoti zakarə ɓaara Billəllə, apu Koronti naa mariya wessai á ipu Akayai. ² Gonum naa gapta Oomit, Daa Billa aalət, naa Kweebaaz Yeeso rə. ³ Usəəko gapsapu ullo paa,ura Billəz,naaDaa aaz Yesso Kweebaz, Daa naa yurkuz ,Billa de'saarəl. ⁴ Ura de'saarəz kala gbərka baara allə, noka aama a de'sikən iya i gbərk baarai, naa irəm de'ta Bill de'si naa rət. ⁵ Ni aa ma a ɓərin baar Oomi ak, ni kweebaz ɓər ak ri'zi bo ama a da'sək saari, rekarə kweebaazə. ⁶ Ama koo a tor gbərka baallə nok wermaa iiki, koo ina wermə ma noka werma iiki, ora gwaa a bəskən baar ak, gbərka baara ē torunnal. ⁷ Eska timra eel moi erəi naa gbam, nok ē meemən nii daksən zur naa ee gbərka baar lək nok ri'ik i gbaakənka yirkuro te'. ⁸ Uri yangi ē ii ora i məkinak pa' nok bo̱ta i tor ba'suwa ee ē tootən buta Asiyattə. Nok ri'ik ē gettə zok go̱'ma go̱, zəma zə. Haa ina roon ar gbama eem. Haa ē kees timra eel enge ē seek pa. ⁹ Haa ē gee ni i zeesəskee bisa ikpa rəs ak, a ennini nok ri'ik kaa esə timra aal andə zullo pa, sei dei Billə ura ruus roobaiyaz. ¹⁰ Uzi keesa wərka gō'pakrə kaakarə, gəbən keesəka kən, uzi gəbən a ii na keesaa haa wonka. ¹¹ Ii ma po'nəə naa wəərək nok mari gənɠa, si ina ii'sə Daa Bill usuko. Nok ee, nok bəlla i səsinee eel,ii weerək gənɠa. ¹² Do̱o̱ta aat uti timra aal esə en seedaaku, ge gapsaa gapta Oomit dellə naa timr mulo naa Bil, diga iirə pa ɓeekaa aak ni a mara wiizək pa, sei dei no̱k go'numa Billəm. ¹³ E biisəkən biita ina zangət si i megəskən pa, sei ina ii zanggən nok n mee i meegəsapu. ¹⁴ Ni gwan ma'karə i meegəsinee puk, kaa i lee'ek go̱'ka do̱o̱t naa ee ni eema e le'ek len go̱'ka naa ii ublaa Daa aaz Yeeso, zaa de'rəmkpi naak. ¹⁵ No̱k n meesapu riik, aa sə n ma'an zakaa irə ak, leegə i kin səsəm dən itti nə. ¹⁶ Iika miikrə n ka kooto irə Maakadoniya, gəbən si i keesə mina rigək Yaahudiya. ¹⁷ Mina sundə bəlla n ii boka ri'ik to̱o̱ n ka go̱'ro neta mara wiizət bo̱'rotya , si n ka ii owwo koo ooya bella mullollo ya? ¹⁸ Ni gwan Daa Billa seerəme piipak,maza megisinaazzi owwo naa o̱o̱ piipa. ¹⁹ Nok waza Billəz Yesso Kweebaaz ura i doosun paka Billək inni rə paa deu andə zullo mii naa Sillaaz naa Timoti o̱o̱ koo owwo zipa ama ullo timlə o̱o̱ zi. ²⁰ Nok alkaawaliya Billəi ullo timlə o̱o̱zi nok, ullozi na gaurizi pii. Noka noosəkən Billak. ²¹ Ni ura doosaa paka tingka Billək rekarə iirə Kweebaazzə, si ra'sisaa, Bil uli. ²² Ni gwan be'en gumb ak, bonge aah booyii essa meeka na Rumsa ullos, timtəya aiyrə nok meegiskəna ina bo'ok mu'ka ang an. ²³ Ama n der Bill nok sina gau seedakuwa miirə timləz n mu'us reka Korontiyawa nok n ii ingka dinsən tò. ²⁴ Gbikəmmi e goro nok eska timra iil pa, e rigə naa ii nok yaksa zoka iik, ni gwan eska timra iillak.