¹ Ri'ak neta n biitattə: ''Go'gon ara maz gakkpən kiiz pinpak.'' ² Nok kima ki' uki bo'rə sə gee, koo neeya na kam kiiza ulləz, kita kiz boo naa ya'aza ulləz. ³ Yara maz na esə kiiza ulləz ina to̱o̱ kiiman, riizi boo kita kiiz naa esə ya'aza ulləz ina to̱o̱ ya'azan. ⁴ Kita kiiz punaa gbi'kəma ro'kən naa zoka ulləkrəm pa, sei ya'aza ulləz. Ri'zi bən yara maz puna gbi'kəma ro'kən naa zoka ulləkrəm pa sei kiiza ulləz. ⁵ Uza iirə te' kana ro'on uza pa, sei naa iika gwanirə te' rekarə zoor ularə. Nok sə i gau naa weerək. Sə gəbən i dakən ində te', nok sə Seetan kana səərən sə i laks pa. ⁶ Ama paka n doosənak nok geekənkaki ama n pi'ən pinzi pa. ⁷ Koo neeya naka puni miik. Ama koo neeya punaa esəka Bill esəu. Koo neeya naa a ullək, ura az naa esəka ak, ura aaezi naa aaeki. ⁸ Ina n ogan iya ipunaa kiim dənpai naa tuuki to̱o̱ton ika gau naa kiim pa ni miik. ⁹ Ama ina le'ek kamska zu'teya iirəi pa, ina ree kiimrə, dikka ina ree kiimrə nàà i gakkpən winkak. ¹⁰ Ri'ak iya ipunaa kiimmai dookaa ak a miiki pa, ama Dangwanzi kita kiiz kana markən naa ya,aza ulləz pa, ¹¹ (ama na markənpu naa ya'aza, na gau ri' naa riipa ina geekən naa ya'aza ulləz) ura ya'zaz bo kana fas kiiza ulləz pa. ¹² Iya seetəirə miizi npu dookrə, Dangwanzi pa uza na punaa kiiz ura esə timr paz səna ii bo gakp yam, kana fasu pa. ¹³ Kita kiiz bən na punaa ya'za esə timr paz səna ii bo gakp yam kana markən naa urpa. ¹⁴ Nok ya'za esə timr paz kiiza ulləz pu ookapa ullə mu', kita kiiza esə timr paz ya'za ulləz pu ookapa ullə mu'. Naa ri'eri pa yangiya a i ii gakkpa yangiya ipu okapai. ¹⁵ Ri'zi iirə te' ura esə timr pa ezi na iipu markənka, sei ina markən. Go̱o̱sa ri'esirə te' yara maz koo kita kiiz ura esə timraz pi'ku sə gau ullə paa pa. Bill deeraa ana gau gabta wessat. ¹⁶ Mooa kiizaz moo a me̱e̱men koo moozi a kweek ya'za mooz paya? Ri'zi bən moo a ya'zaz koo moozi a kweek kiiza mooz paya? ¹⁷ Nok ri'ik koo neeya na gau gapta Dangwanzə esut, naa Bil dennuttə. Ri'zi bən n de'es dookaa ikiliisiyarə yas. ¹⁸ Uza pii sə i deru ura nau zok paz piiya zoka i deru na esə timraz ya? Kana yii zura gwandəl naupa. Ura nau paz piiya zoka i dennən eska timlək ya? Kana gau naa nakɓpa pa. ¹⁹ Nakɓpa unani pa, ura nau paz bən unani pa. Ina wessan uni koo neeya na duu dookaiya Billəi. ²⁰ Koo neeya na de' ara Bil de'sunukrə na esə timr. ²¹ Apu senzəz zoora Bil denna ak ya? A eni kana moosa pa. Ama mona kink kin gbiska bo'rum. ²² Ura Dangwanz deru pu senzəz az Dangwanz keesupu senuwa ulləurə. Ri eri bən ura i deru pu keesənzəz az senza Kweebaazəzzi. ²³ I yipsənpu naa wees, kai gau seniya marirəi pa. ²⁴ Uriyangi ni i oksənaa sə i dətnaa eska timlə ak, a de' eri. ²⁵ Iya ipunaa kiim den pairə gee, npunaa ina dookarən diga Dangwanzə pa. Npu dooskən paka kweekənakrə naa go'numa Dangwanzəm naa eska timr. ²⁶ N og to̱o̱ton, maz na gau ni pinnak nok ɓerka baara pu zakrəl. ²⁷ A punaa gweraa kiimrək dukrə ya? kaa laa ɗa'aska pa. Apunaa gweera kiimrək dukrə paya? Kaa laa kiiz pa. ²⁸ Ama mona kamsapu kiiz gə, a bo̱'rə hakkeiyi pa. Ri'zi bən ura ree kiimrə dən paz naa ree kiimrə bo'rə hakkei pa. Ri'zi bən iya ipu naa kiimai ipunaa ɓərka baar somaso gamnaa iikrə, iika miikrə gə n ya'arisən. ²⁹ Uriyangi npu dooskəndə: bəl seepu topa. Diga ri'ak rekarə mu' iya ipuna ki'ii ina gau ni ki' pisipak. ³⁰ Iya ipu wərarəi ina gau ni i go̱'pak, iya ipunaa yaksa zokai ni zok yagi pak, iya i yiu unai ni ipunaa unapak. ³¹ Iya ipuna go̱o̱sa dəllasai, kai naa esə gbam paa pa.No̱k go̱o̱sa dəllə as ɓankɓan. ³² N ii minge ika gau naa gbagəska zok. Maza punaa kiiz paz na de'ez zok duuka Dangwanzə ni yaknu zokak. ³³ Yara maza punaa kiizaz na de'es zok gbaaka neta dəlləttə, ni yaksəkən kiza ulləz zokak. ³⁴ Timra ulləi markən. Kita kiizia punaa kiim pas ko waa nuz na de'ez timra ulləl Dangwanzə, ni gakkpən oonzəz zokrək naa zəngsək. Ama kita kiiza punaa kiimaz de'es zok neta dəlləttə, ni yaksəkən ya'aza ulləz zokak. ³⁵ N doosən ri'eri noka n po'kənənnak, noka n gbeskənən paka ak pa, ama noka doosəkən ina wessan ak, noka i duukən Dangwanz naa timr mulək. ³⁶ Uza na sundə sun bonge bo bo'sə kiiza pu laakurəz ina go'pan, ura kiizaz na assapu wi'a kiimrəi na bo'rə ina goosən, laas pa ina kamkɓən kiim. ³⁷ uza naa doo bonge, bo de'sapu wessawe', səna le'len kamska zur na sundumeya ulləi, kiskən waza kiiza pu laakurəz sə rədiiz pa. bo'rəkbon wessa. ³⁸ Noka ri'ik, ura kam kiiza lauwaz bo'rəpu ina wessan, ura kamuspa bo ar an bo'rəka wessakrə. ³⁹ Gweraa kiimrək pu kita kiizə dukrə ya'aza ulləz napunaa zəngs gə. Ama ya'za ulləz na wər gwera eki piipa le'eklen reka kiimrə ura iiu azzə, ama sei ura punaa Dangwanz as. ⁴⁰ Ama miirə iikarə, na gau ri' ark an yaksa zokrə. Miirə sundumerə gə npunaa Rumsa Billəs pa.