¹ Uza iirə te' na punaa bis naa doomei a ulləz, na kamkp pakki mariya i mee Bil pairə mu ya, to̱o̱ ka kam iya wessai rə mu paya? ² Moo ii gə i mee inge iya wessaiyi i zeesək dəl bis paya? Sə na iiyi i bissək dəlgə, ika le' zeeska pangn na yeenan paya? ³ I mee inge aayi a zeesək malaikai bis paya? sakkooma neta zoora attə ya? ⁴ Ina le'eklen zeeska bis neta dəllə attə gə, nok an sə i kam iya i mee Bil pairə mu' ya? ⁵ N do̱o̱ ri'eri sə zur na dəgən. Ura ɓe'ez pu iirə te' sə zeesək uriyangi paya? ⁶ Do̱o̱me kam kan doome bissə maza mee Bil pazzə, bissa rooz yaksə yan ura esə timr paz zok! ⁷ Ina kam uriyangi ar bissə i kink an paa ya. Askə an ina dàà sə i zambun paya? To̱o̱ ika ɓəs baar sə ina zambun paya? ⁸ I bən i zambə uri paya, iya ei boo uriyangiya indəiyi! ⁹ Koo i mee paya iya ipunaa go'num pai i tork gwanta Billəttə paya? Kai esə timr songbrə pa. Kima ki'ei, iya i no̱o̱s langsəs zai, naa zina, naa iya i kisən yara marii, naa kita ki'a i kisən kita ki'i, ¹⁰ rui, dənka bai, bo'ba wakei, iya i də'rə attai, mariya i zambə marii ura kink gwanta Billət iirə te'ez piipa. ¹¹ Riizi ma uri do̱o̱ iirə te'. Ama i neksənpu ookapa i bi'sənpu na' riira Dangwanz Yeeso Kweebaazzəl naa Rumsa Billa aaləz. ¹² ''Koo anya tele a mindən ni,'' ama neta etiti tele go'səke miipa. ''Koo anya tele a mindənni,'' ama n gakp sənza koo unarəz pa. ¹³ ''I o̱o̱s rək nok baar, baar bən nok rek, ''Bil boo wo'sək won ittənən tele. Ama zok nok kima ki'rəm pa. Gobtəra ri'il, zok nok Dangwanzi, Dangwanz bo esək zok. ¹⁴ Bil ruutə Dangwanz roobaamrə ri'zi bən ruuska roobamrə naa gbi'kəma ulləm. ¹⁵ Asee i mee inge zongnna iin a Kweebaazənni paya? N pe'ekpen zoka na kweebaazən sə n kamsə tarabantas ya? kana gau ri' pa! ¹⁶ Asee i mee pa ura daks zok naa tarabantaz az i go̱o̱kənpu muyo paya? Ni pu biisənən rababaazə bonge, ''Ii ittəkə i gakp zok muko.'' ¹⁷ Riizi bo ura daks zok naa Dangwanz az i gaupu muyo Rumsə. ¹⁸ Nogən non kima ki'! ''Kala hakkeiya maz bo'rii tele pa' zoka ullək pa, ama kima ki'e bo'rə hakkei gwandə zokrə. ¹⁹ Asee i mee pa zongnna iin gwaaga Rumsa Ookapassi ura gau iirə te'ez, a i kintə Billə paya? ²⁰ No̱k i yipsənpu naa wees. Noka ri'ik no̱o̱sən Bil naa zoka iik.