¹ E geerə gen pangn gbe'se gbe iire paa gee rura ki' pii iirə te'ka, irin goosa pii menkirə te' pas. E gee gen uza iirə te' kisən kiiza daa ulləzəz. ² I təg zur! Askən ika gau naa soou paya? Ura bo'rə irəm neta ri'eti keesək zok mooire te'ka. ³ Ko noka npu angpa zokrə rook, rumsə npu ang n artə n zeespu bis ura bo'rə ri'eriz, ni n pu erik. ⁴ Ina dakən ar muko riira Dangwanz Yeeso rəllə, rumsa miis pu eri naa gbi'kuma Dangwanz Yeeso rəm n artə n zeesapu ura ezi bis. ⁵ N bo'rə ri'eri sə n esə seetan mazzi nok wo'suka zokrəz, nok sə rumsa ulləs naa kwee zok ublaa Daa Yeeso zakənakrə. ⁶ Təka zura iil go'pa. A see i meepa yiistiya topaz uzi yas buurodiya gbi'zaz paya? ⁷ Neksən yiistiya dooza ində zokrəz nok sə i gau ookapa, nok sə i gau ni buroodiya punaa yiisti pazak. De i artə i de'sapu maza aarə naasa ga'karəz Dangwanz yeesorə. ⁸ Noka ri'ik a bo'rə naasa esi naa buurodiya yiistiya doozazzə pa, yiistiya gabta go'pat naa a enkurəz. Gobtəra ri'il a bo'rə naas naa buroodiya yiisti piipaz a bo'ka in timr muloz naa dookaa zəmak. ⁹ N biisən rababazza miizə minge kai daks zur naa laaba ki' eipa. ¹⁰ Ko topa n sundə laaba ki'ei a dəlləi pa, koo iya naa keerəs ai koo iya i kweerə net marirəi, koo iya i noos mai ai, doolezi i kee iire tə'. ¹¹ Noka ri'ik npu biiskəndə uriyangi kai daks zur naa ura i deru ungwanz ura pu gabta kima ki'rət pa, koo ningbaaz, koo ura duu langsəs, koo ura də'rə mariz, koo bo'baaz, koo ura kweerə net zuk zukaz. Kai regə koo rek naa irəm maza ri'ezi pa. ¹² Ni rigazi sə n zeesək iya ipu ikiliisiyarə roo pai ya? Gobtəra ri'il, moo iyii i zeesək iya ipu ikiliisiyarə paya? ¹³ Billi zeesək iya ipu aarə pai bis. ''Nennən engkabaaz iirə te'ka.''