¹ Ri'eri zi too ika pe'aa, seniya Kweebaazəi naa iya zo' sumsənka zəma Billək. ² Haa ri'ak es i ii ura zo' araz naa kam amana. ³ Miirə gə ina topanni ina ka inge iyii i gweke ko uri iya bis bisai. Nok miima n gwek zura mindəl pa. ⁴ N mee una n bo'rə go'pa mində zullən pa, naa eki pat n yii mii maza wəssas zi pa. Da Bil gwanzi gweke. ⁵ Noka ri'ik kai zees bis usa diga bəl za dən pa, nagə gətkaa Daa Billək. Ura ketətək neta pu sumsənta təgrarət sə keetətək sundumeya timterəi. Sə koo neeya kink faasum Daa Billə. ⁶ Ri'ak uriyangi, neta mində pa n doosun at n riigəs na zura mindəl naa Afolos no̱k ii no̱k sə i kubrə ina i doo enirə, ''Kai as ina pu biisənən anpa. ''Nok uza iirə te'ka kana təg zur naa kubruska uzaa ulləzək rək pa. ⁷ Neezi ogən ii ipu gbese ɓe' naa uriya? Anni pisa sə i esaa enzi paya? Ina esaa enzi gə nok an sə a təg zur ni i esaa enzik paya? ̀ ⁸ Diga diima i kinsapu ina i iin! I artə i kinsapu ina na'rə! I kinsapu gwant naa meeka eek pa! Miigə n ii minge i gau gwant, haa sə a gakp gwant na ee. ⁹ Miirə sundumerə gə n mee minge Bil de'saa manzaniiyi ni mariya i zeesipu bissa wərkrəi yak. I yerəpu ni wərkak ina gwenkarə dəllən. Nok i yerəpu ina yiinan dəllə naa malaikairə, naa marirə mu yas. ¹⁰ Ee mə'i nok Kweebaazə, ama i bo mariya i ɓe'eiyi Kweebaazə. Epunaa yapru, ama i bo mariya naa gɓamaiyi. Ii i noosən, ee boo i noosee pa. ¹¹ Haa es bən epunaa wodu naa gbəngba, epu kandiyi, ipu du'keerə, gə epunaa gwaam pa. ¹² E kam, toms naa nata endət. Ina də'aa e sə'si. Ina ɓəse baar e wengs zok. ¹³ Ina ribdee e pag naa tiiska zur. E yerpu, sə gə i ogee ni buura dəllək ina səənan koo neerəya. ¹⁴ N biisən ina an nok n dəgskənən zurak pa, ama noka n dooskənən pakak uriyangiya mində n iini pai. ¹⁵ Ko ina punaa lami mu' komna Kweebaazə, naa ri'ik tele ipunaa dai gənɲa pa. Nok minzi daa iiz Kweebaazə paka tingkakrə. ¹⁶ Noka ri'ik npu oorukəndə kubrun miirə. ¹⁷ Noka ri'ikki sə n tomtən Timoti, urwaza n iu az eska timr Daa Billəz. Uzi sunduskənən bilətta miirə Kweebaazət, ni n kubrusən ko araya ikiliisiyarək. ¹⁸ Ri'ak uri yii təka zur ni n zak mooi iirək pa. ¹⁹ Ama n zak zan ri'ak iirə Bil na ii. N wəgəsək sə n og gɓama iya i teg zur eirəm. ²⁰ Nok gwanta Billət duu paka su'rək kottə pa, sei naa gɓam. ²¹ Moo ii, i ii anya? Mina zaa naa gbala ya ko gbaakənkarə te' naa rumsa geekənkarəs ya?