¹ Ɗa kaari gini mǝ yel zhipti shinngǝn Cogn wuɓsǝ ɗaŋ cigha dlǝǝrghǝni a banndi wuɓsǝ kǝ ɗǝgn, ɗaŋ tǝ dlǝlar yetarii wuɓsǝ kǝ ɗǝgn tlyaa tlyaa nǝ durghǝ yo tu yetar tǝ vaɗ ka ɗǝgn tǝ dǝllǝ zha tǝ gwaas hŋ. ² She mǝ yel zhipti shinngǝn Cogn cigha manngǝn ɗi te banndi gǝshi, gyo ɗaŋ ci tǝ rǝtsǝghǝni taas kǝ Cogn murghǝ raai. A cim tǝ dǝllǝ yetar kǝ zhipti shinngǝn Cogn wuɓsǝ ɗaŋ tǝ vǝr shi dǝǝl tǝ vǝr forǝm ɗǝgn tǝ dǝllǝ zha. ³ Vǝrǝm forǝm ɗǝgn tǝ, tǝ dǝllǝ zha, tǝ gwaas hŋ, hal she myaa ɗu rǝtsǝghǝni taas kǝ Cogn ngai a gamken ngǝ monsǝ kǝ Cogn wopm." ⁴ She mǝ wum lǝǝɗkǝn gya gyo ɗaŋ tǝ rǝtsǝ shi Ci 144,000, gya gyo ɗaŋ tǝ rǝtsǝ shi ɓurug a kaɓkǝ usuli zarsǝ kǝ Isar'ila: ⁵ Zaŋngu dzuɓ tliiti mbǝtlǝm ɗaŋ tǝ rǝtsǝ kǝ taas Cogn a zarsǝ kǝ Yahuda, zarsǝ zaŋngu dzuɓ tliiti mbǝtlǝm kǝ zarsǝ Ruben, zaŋngu dzuɓ tliiti mbǝtlǝm kǝ zarsǝ kǝ Gaɗ, ⁶ Zaŋngu dzuɓ tliiti mbǝtlǝm kǝ zarsǝ kǝ Asher, zaŋngu dzuɓtliiti mbǝtlǝm kǝ zarsǝ kǝ Naptali, zarsǝ dzuɓ tliiti mbǝtlǝm kǝ zarsǝ kǝ usuli kǝ Manassah ⁷ Zaŋngu dzuɓ tliiti mbǝtlǝm kǝ zarsǝ kǝ Simion, zaŋngu dzuɓ tliiti mbǝtlǝm kǝ zarsǝ kǝ Lawi, zaŋngu dzuɓ tliiti mbǝtlǝm kǝ zarsǝ kǝ Issakar, ⁸ zaŋngu dzuɓ tliiti mbǝtlǝm kǝ zarsǝ kǝ Zebulun, zaŋngu dzuɓ tliiti mbetlǝm kǝ zarsǝ kǝ Isufu, she zaŋngu dzuɓtliiti mbǝtlǝm kǝ zarsǝ kǝ usuli Banyami ɗaŋ cinǝ rǝtsǝghǝni kǝ taas kǝ Cogn. ⁹ A kaari ngǝrshi gyagin ɗaŋ mǝ yaal, she jwaamngǝn zarsǝ ghǝni gyo ɗaŋ murghǝ kwaanngǝn ngai hŋ a te ko zarsǝ gya gyo ɗaŋ taa yisǝŋ Cogn hŋ, kǝ riisǝŋ zarsǝ kǝ riisǝŋ mari mari a dlǝǝrghǝni a ken ngǝ guŋndu a ken ngǝ ŋaa daaguɓzhi ɗaŋ cii tǝ lǝŋsǝ felaŋshi tǝ patsǝ dabino a taas waasǝŋ, ¹⁰ Caa ciim tǝ yer tlyaa tlyaa : "Kaɓkǝni nǝghǝ Cognvon wopm ɗaŋ cigha tsǝtnngǝni a daan ngǝ guŋndu tǝ ŋaa Daaguɓzhii!" ¹¹ Ɗeɓaɗ zhipti shinngǝnes ta dlǝǝr tǝ ngirǝŋ dǝn ngǝ guŋndu ɗaŋ mǝn varaŋsǝ tǝ ngǝtn yo ɗaŋ Cogn ndǝr ɗaŋ ci wuɓsǝ, ɗaŋ tǝ mbuɗni tǝ vwaa tǝ tsogn ken waasǝŋ a ken ngǝ daan ngǝ guŋndu tǝ mbuu Cogn, ¹² caa wul tu, "Tǝ naa cig! Zǝkkǝni tǝ zhimngǝnivtǝ yisǝŋngǝni tǝ nyaarghǝni, tǝ luughǝni, tǝ vartǝ, tǝ tlyaaghǝni tǝ naa nǝghǝ Cognvon wopm zhaaɗ zhaaɗ. Tǝ naa cig!" ¹³ She namboŋ a giɓkǝ mǝn varaŋshes a ceɗǝm, "Gyagin nǝ gya nuu ɗaŋ citǝ lǝŋsǝ felaŋshi yo, tǝ bwaaɗi te ɗo?" ¹⁴ Mǝ wul tǝ tu, "Maalǝm, Kaa yisǝŋǝi," she a wulum tu, "Gyagin nǝ gya gyo ɗaŋ tǝ nywaal ɗi gha dǝllǝ ghǝ forǝm. Taa coɓ lǝŋsǝ waasǝŋǝi tǝ sular shi waasǝŋǝi nǝ felaŋshi a giɓkǝ voraŋngǝ ŋaa tǝǝmes. ¹⁵ Nǝ durghǝ dei gini ghǝn cigha ken ngǝ daan ngǝ guŋndu Cognvon. cigha mbuughǝn wos kaviɗ tǝ dzaŋ a giɓ dǝn wos. Yaan gyo ɗaŋ cigha daan guŋndu wo naa nǝ cogn jwaagn a dulgama waasǝŋ. ¹⁶ Ta man wum kusuŋ tǝ zhak mbaltkǝn ɗa hŋ. Dzaŋ wo vaashi hŋ, tǝ ngǝtn vaaghǝni gyo ɗaŋ ca vaa. ¹⁷ Nǝ durghǝ tu ŋaa tǝǝmes ɗaŋ cigha dlei ghǝ dǝn ngǝ guŋnduos wo naa nǝ murghǝ lyaaghǝni waasǝŋ, ɗaŋ wo dlǝǝr tlǝǝr shi a lǝɓ won ɗaŋ ca nyolar zha kǝ rai ɗi, ɗaŋ Cognvon saaɗshi zhelǝm mǝnii ɓurug a yir waasǝŋ."