¹ Mǝ yaal a kili yo ɗaŋ ŋaa tǝǝmes ɗǝrǝ namboŋ a giɓkǝ ngǝtn dlǝpmngǝn wattsǝmaiyi, shemǝ wum namboŋ a giɓkǝ ngǝtn raai wuɓsǝi a wul tǝ yer won ɗaŋ tu nǝ fyalaŋ, ''Man!'' ² Ɗaŋ mǝ yaal, she zhwaki fyali won ghǝnni, murghǝ kilarghǝnni ci tǝ taghǝnngǝ murghǝ mbarzaŋnyi duryo tu tǝ fi mbarzaŋnyi. ³ A kil yo ɗaŋ ŋaa tǝǝmes ɗǝrǝ ngǝtn dlǝpmngǝn kǝ mbǝtlǝmes, mǝ wum ngǝtn raai kǝ mbǝtlǝmi wultu, ''Man!'' ⁴ She zhwaki gon nyolɗi ɗa nǝ zheli ngazhǝwu murghǝ kilarghǝnnes gos tǝ vǝrtǝ dǝǝl tǝ mbi raa wusni a ɗǝgn, duryo tu zarsǝ wos tǝ tlaa dlǝŋsǝ wasǝŋ. Murghǝ kilarghǝnni gin tǝ ta vǝrtǝ dǝǝl gita. ⁵ A kili yo ɗaŋ ŋaa tǝǝmes ɗǝrǝ ngǝtn dlǝpmngǝn kǝ mayeshi, she a wum mgǝtn raai kǝ mayes a wul tu, ''Man!'' she mǝ tel zhwaaki jii, murghǝf' kilarghǝnnes citǝ ngǝtnngǝ ɓǝǝɗkǝn mbǝtlǝm a taas wos. ⁶ She mǝ wum yer won ɗaŋ tu yini gha giɓkǝ gya ngǝtn raayi wuɓsǝi ca wultu, ''koɗ alkama namboŋ a bamvi mayi a bamvi wurɓa vyaaghǝn, beɗ, koɗ alkames mayi a bamvi dinari. Beɗ tǝ gi malarǝm miires tǝ zhak farndu dǝnnes hŋ.'' ⁷ A kili yo ɗaŋ ŋaa tǝǝmes ta ɗǝrǝ ngǝtn dlǝpmngǝn kǝ wuɓeshi mǝ wum yerghǝ ngǝtnngǝ raayi kǝ wuɓshes a wultu, ''Man!'' ⁸ She mǝ yel zhwaaki na zhak ɓitlari. Murghǝ taghǝn wosbtǝ vǝrtǝ sǝǝm tu mǝskǝn, nyamri ca laaɓ tǝ beɗ. Tǝ ta vǝrshi vartǝ a namboŋ a dǝni wuɓsǝ kǝ ɗǝgn, tǝ ɗu gita tǝ kusǝŋ, tǝ giir, beɗ tǝ gya tluŋsǝ namtsǝ kaɓkǝ dǝgn. ⁹ A kili yo ɗaŋ ŋaa tǝǝmes ɗǝrǝ ngǝtnngǝ dlǝpmngǝn kǝ nandameshi, a daɗkǝ bagadi, mǝ yel gya raaighǝ mǝn yo ɗaŋ tǝ tlaa nǝ durghǝ vk Cogn, tǝ tlyaghǝn zha yo ɗaŋ tǝ mbi. ¹⁰ Tǝ ngwaar tǝ yer tlya tlyaa tu, ''She dzaŋngyo, kyan murghǝ vartǝ ɗeɓaɗ, murghǝ ndzǝkkǝn tǝ jom jomni, ǝŋ ka ɗǝǝl vi mǝn ɗǝgn mǝn, aa ndǝr a mbi bamvi voraŋ wopi ye? ¹¹ She tǝǝ ta vǝr ko gyo wasǝŋ luu fyaali tǝ ndǝr tǝ wulshi tu tǝɓuɓ nǝkǝ dǝǝl njwatn, hal she lǝǝɗkǝnngǝ gya kamndǝ wasǝŋ a laaghǝ mon, tǝ gya yestǝ wasǝŋ tǝ gya watsǝ wasǝŋ ɗaŋ ta tlyaashi wasǝŋǝi ya tuli ɗaŋ yo ɗaŋ tǝ ta tlaashi wasǝŋes. ¹² A kili yo ɗaŋ ŋaa tǝǝmes ɗǝrǝ ngǝtnnǝ dlǝpmngǝn kǝ limeshi, mǝ yaal she dǝllǝ zhighǝkǝn yatl ghǝnni. Dzaŋ ta sui nǝ jii diɓ ɗaŋ luk jii, she gunyi lǝpm ta naai ɗaŋ voraŋ. ¹³ Gya caar ɗaŋ ci tsogn gaami tǝ ndaaɗ ca dlaa guuri wos ɗi gya gyo ɗaŋvtaa nyaŋ hŋ, a kil yo ɗaŋ yetar naagurakɗi ya zhighǝɗtǝ. ¹⁴ Gaami malaru ɗaŋ tu nǝ tagarta yo ɗaŋ tǝ karghaɗtǝ. Tǝ jaalar ko wuuri gyoi tǝ ko donnga lǝǝɓ zha gyoi a lǝǝɓ tsǝtnngǝn wos. ¹⁵ She guŋsǝ ɗǝgn tǝ zarsǝ mbuuni tǝ giŋsǝ mǝn manndǝ, mǝn tuughǝni, mǝn vartǝ, tǝ ɗeɓaɗ konu, mon tǝ murghǝ sǝrghǝde, ta waaɗi a gya mbok puus tǝ dǝlǝkkǝ gya puus wuur. ¹⁶ Tǝǝ wul gya wuures tǝ gya puushes tu, ''Ndaaɗǝn ɗi ɓasmi, waaɗǝn mi wopiɗi a yir ghǝ dashi ɗaŋ ca tsǝtn a daanngǝ guŋndǝi, tǝ tliti yer ghǝ ŋaa tǝǝmes. ¹⁷ Duryo tu dǝllǝk dzaŋngǝ tlitiyer wasǝŋ a tuliɗi. Nuughǝn wo ɗya dlǝǝri yo?''