¹ Ɗa karghǝ gya ngǝsbi gya gin ɓuruk she mǝ yel ɓill won nǝ ɗerǝghǝni gaami vi yo ɗaŋ mǝ wumi keni yin ɗaŋ,mwaari yi wullǝm tu," Man ɗuni gaami mǝ zhidkǝ gya ngǝshi gya gon ɗaŋ a naa cib tǝ laab karghǝ gya gon ɗi." ² Swad kyad zhipti var yugnmi she mǝ yel dannghǝgugndǝ won ta gaatǝ gaami , gon won atsǝnghǝni ghai. ³ Muryo ɗaŋ cigha tsǝnghǝnes nghai a yal ɗaŋ jaspa tǝ kanaliyan falaŋ ɗaŋ a dlyaaɗi a ngirǝŋ daan ghǝ guŋndeshi. Falaŋes a yal ɗaŋ emeral -na kalkali. ⁴ A daan ngǝ guŋndes nǝ ngirǝŋngǝni tǝ daani gya gon tashi mbǝlǝŋ tliti wumshi,taa caa lǝŋsǝ fyalaŋshi tǝ kurgam kǝ jinari ghǝ guŋndǝ a gaamawasǝŋ. ⁵ Ngǝtn won caa tlaaɗi nǝ fyaali a daanes yi gǝǝmvi ɗaŋ falaŋ von. kubka wud wadtsǝmai cigha cighǝni a ken ngǝ Daanes kubkes ghuŋ cinǝ zhipti ghǝ Cognvon wadtsǝmai. ⁶ A ken ghǝ daanes dǝllǝ ghǝ zha won ɗaŋ ca tlaa nǝ fyaali ɗa ɗani nǝ fyali pakpak. Adlǝk dǝnes tǝ gya laŋshi dannes nǝ ngirǝŋngǝni tǝ gya ngǝtn yo ɗaŋ ci gwaam ci wubsǝ ,cinǝ yiri ɗeɓad ken tǝkar. ⁷ Ngǝtn yo ɗaŋ ci gwaames kǝ keni ayal ɗaŋ zaki kǝ mbǝlǝŋes a yal ɗaŋ gaal,kǝ mayes tsognken wos ɗaŋ ŋaa ghǝ zaar ,saɗɗa kǝ wubshes a yal ɗaŋ dǝllǝkci yo ɗaŋ ca yi tlǝd. ⁸ Ngǝtn yo ɗaŋ tǝ ndǝrshi gwammes ɗaŋ cu wubsǝi ko gyo yir gyomtli lim .Citǝ yir ɓuruk ɗaŋ a kab gǝshi tǝ gaami. Kavid tǝ dzaŋ tǝ ga wulghǝni hŋ tu, "Ndǝkkǝni,ndzǝkkǝni nǝ Daadǝn Cogn murghǝ vartǝ ɓuruk, yani ghuŋ a ta yi ɗa yanighuŋ ciɗa yawon ,yani ghuŋ womani." ⁹ A kili yo ɗaŋ gya ngǝtn ghǝ gwames caa luughǝn zhimghǝni tǝ nyargyo ɗaŋ cigha tsǝtnnghǝnia dulghǝ daanes ,muryo ɗaŋ ci gwam ɓannɗǝŋ kǝ zhaaɗ-zhaaɗi, ¹⁰ mǝn yo ɗaŋ nǝ mǝn varaŋsǝi tashi mbǝlǝŋ tliti wubshes tǝ man zub a ken ghǝ muryo ɗaŋ cigha tsǝtnnghǝni a daanes. Tǝ man zubni yatl tǝ mbuu muryo ɗaŋ ci gwam nǝ ghǝ ndok-ndoki,ti yi shin gya kurgam ghǝ guŋndǝ wasǝŋies a ken ghǝ daan ngǝ guŋdes ti yi wultu, ¹¹ "A ndaraghǝni daadǝn wopm tǝ Cognvon wopm kab luughǝn tǝ zhimngǝni tǝ vartǝ. Nǝ duryo tu kyani ghuŋ kǝ ndǝr ngǝtn ɓuruk ,tǝ sughǝni waa ghuŋ gya ngǝtn ciɗa ɗaŋ kǝ ndǝrshi."