¹ Dlyaad zhipti shinnghǝn Cogn gyo ɗaŋ ci viin ladi Sardisus mǝǝn tu: 'Gya gin ngǝ viighǝ gii ɗaŋ caa num zhipti watsǝmai ngǝ Cogn tǝ caar watsǝmai yi."Maa yisǝŋ ngǝtn yo ɗaŋ kaafi , kaafi sǝǝmi tu ki gwaam bed tǝ gii kinǝ mǝskǝn. ² Shishi aa tlyaa mod ngǝtn yo ɗaŋ a ɓan naa , ɗaŋ tǝ mǝǝshi ,durghǝ tu laa waa cinǝ yuŋgǝn a ken ngǝ Cognŋan hǝŋ. ³ Bed tǝ gii ɓital ngǝtn yo ɗaŋ kǝ wumi ɗaŋ kǝ kab bed. kab ndaadkǝn waa aa laab ngǝtn yo ɗaŋ kǝ kaaɓii. Bed tǝ gii ǝŋ kyaa shishi kuci hǝŋ ,ma man ɗaŋ mǝǝr kayisǝŋ kiliyo ɗaŋ ma man ghǝ mǝǝn hǝŋ. ⁴ Bed tǝ gii gyaa gon ɗa njwaan gib Sardisus ɗaŋ taa dip luu wasǝŋ hǝŋ. Ta caa luu fyaali,tǝ riin lanŋsǝ ɓasǝm durghǝ tu taa kǝǝmii. ⁵ Gyo ɗaŋ ya tu mbarzaŋyita caa tǝ luu fyaali mǝǝn,ma saad sǝǝm wos a tagarta rai hǝŋ,ma cim sǝǝm aken Daagǝn ,a ken zhipti shinngǝn wos bed. ⁶ Gyo ɗaŋ ci tǝ kǝǝm tǝ wum ngǝtn yo ɗaŋ zhipti caa fuu gya viin ladi. ⁷ "Dlyaad zhipti shinghǝn Cogn gyo ɗaŋ ci a viin ladi ngǝ Filadelfiya mǝn tu,'Gya gin ngǝn ci vik gii ɗaŋ ci jomi tǝ ndzǝk a ngab piss ɗǝrǝghǝn ngǝ Daudai , ya ɗǝrǝi gon caa kǝǝm yetl, ǝŋ yaa dlǝpi,gon caa kǝǝm ɗǝrǝ hǝŋ. ⁸ "Maayisǝŋ ngǝtn yo ɗaŋ kaa fi, yeli , maagaa mbill nǝ ɗǝrǝgǝn a ken waa gyo ɗaŋ gon wo kǝǝm dlǝǝm hǝŋ. Maa yisǝŋ tu kitǝ tlyaagǝn njwaatn,bed tu,bed tǝ gii kǝ laab ven , kǝ nyaŋgas yisǝŋgǝn sǝman hǝŋ. ⁹ Yeli ,gya gyo ɗaŋ nǝ ghǝ viin ladi ngǝ shetan ,gyaa gyo ɗaŋ caa wul tu cinǝ Yahudawa bed tǝ gii cinǝ Yahudawa hǝŋ,a bam vi gii caa nga nǝ mberni . Ma caa shi tǝ man zub a yasǝŋ wa, ta yisǝŋǝi tu myaa suughǝ. ¹⁰ Tun ɗaŋ kǝ dluu vwaa kǝ laab mborken , ma ɗyaarghǝɗi a kili diipkǝni ɗaŋ wo man ɗǝgǝn mǝǝn ɗeɓaɗi , durghǝ tu tǝ diip mǝn tsǝnngǝn ɗǝŋ ɗeɓad. ¹¹ Mi nga maangǝn ɗi kyaad . Num ngǝtn yo ɗaŋ kǝyir tlyaatlyaa ,gon tǝ kab kǝ tage guŋdǝ waa mǝni hǝŋ. ¹² Gyo ɗaŋ ya tu ɓakkǝnni ,ma naalartǝ nǝ jenndǝm a dǝn Cogngan, wo nyol gaatii hǝŋ . ma dlyaad sǝm Cogngan ɓastǝ,tǝ dǝllǝ yatl kǝ Cogngan (Urshelima muri ɗaŋ caa shiɗi gaami a Cogngan) tǝ sǝm muren. ¹³ Gyo ɗaŋ citǝ kǝǝm tǝ wum ngǝtn yo ɗaŋ zhipti caa fuugyaa viin ladi tǝ wumi. ¹⁴ Dlyaad zhipti shinngǝn Cogn yo ɗaŋ ci a viin ladi ngǝ Lawudikiya mǝǝn tu," ¹⁵ Gyaa gin ngǝn ci vik Amin jenndǝm tǝ murghǝ tlyagǝn zha na jom-jomi ,gyo ɗaŋ ca fi guŋdndu a ngǝtn yo ɗaŋ Cogn ndǝǝr. ma yisǝŋ ngǝtn yo ɗaŋ kaa fii ,tu ki vaavaa hǝŋ ki njirǝrǝ hǝŋ. Ma suu tu kiyi vaavaa ko njirǝrǝ. ¹⁶ Nǝ gii ,durghǝ tu ki dlei-dlei kǝ vaa hǝŋ kǝ njirǝ hǝŋ-aa naam ɗaŋ mǝ patsǝ ngǝi ɗi a veen . ¹⁷ Kyaa wul tu ," Mi tǝ tungǝn,mi tǝ ngǝtn taas monda myaa suu ngǝn won ɗa hǝŋ" Bed tǝ gii ka yisǝŋ hǝŋ kinǝ ngǝn gwaandǝ ,murghǝ dwaandǝ,kinǝ dwaan nǝ muli bed. ¹⁸ Sǝǝ kǝǝm a veen ɗaŋ ma sǝǝd kǝ ɗiib jinari gyo ɗaŋ taa coɓi tǝ wuud ɓasǝm durghǝ tu a caa gama luu fyali ɗaŋ caa tlaa kalkal durghǝ tu aa ca luu gamawa,a waad ndzuutn dlii waai,tǝ miir durghǝ tu a kad a yir waa a yaali. ¹⁹ Myaa kuɓar ɓuruk gon ɗaŋ myaa suu,myaa kuubshi kandiyo ɗaŋ ta tsǝtn ɗa. Nǝ durghǝ gii larghǝ ngai a kab ndadkǝn wa. ²⁰ Yeli mi gha dlirghǝn a ken ɓill mya ɗughǝn ɓiles , gyo ɗaŋ yaa wum yerati ,ya ɗǝrǝ ɓileshi ma nda ɗi ɗaatǝ dǝǝn ma ci ngǝtn cighǝn cimtǝ, yani wo ci tǝ myani. ²¹ Ɗeɓad gyo ɗaŋ ya tu ɓakkǝni,ma vǝǝr tǝ dǝǝl tǝ tsǝtn tǝ myaan a daan guŋndan. ²² Gyo ɗaŋ ci tǝkǝǝm tǝ wum ngǝtn yo ɗaŋ zhipti caa fu gyaa viin ladi.