¹ Gin nǝ kǝ zhipti shinngǝn Cogn yo ɗaŋ ci Afisus: Gya gin nǝ daɗsǝ yo ɗaŋ caq ngaɓ caar wattsǝmai a taghǝ zaari wos. Gyo ɗaŋ ca rii a dlǝk kuɓkǝ wuɗ kǝ jinari wattsǝmai. ² Ma yisǝŋ ngǝtn yo ɗaŋ ka fu, tǝ dǝllǝ kǝ kaa tǝ mbutarghǝn raa, tǝ tlyaaghǝn vw. Ma yisǝŋǝi tu kya lya lyaa tǝ kusǝŋsǝ zarsǝ hŋ,bma yisǝŋǝi tu ka diiɓ gya gi ɗaŋ caa wul tu cinǝ dǝllǝŋsǝ mǝn shinngǝn, beɗ tu cighai hŋ, ka ndǝr kǝ yisǝŋǝi tu ca ngaa mbyerni.'' ³ Ma yisǝŋǝi tu ka dluuvwa ka ndǝr kǝ buŋ monnda nǝ durghǝ sǝǝmǝn, ⁴ beɗ a polǝm hŋ duryo tu ka ga suughǝn wa kǝn keni. ⁵ Ɓitalǝn kyaɗ a lǝǝɓ yo ɗaŋ kǝ ɗaɗghai. Kaɓ ndaɗkǝn wai a fi ngǝtn yo ɗaŋ kǝ taya fi kenu. She kya kaɓ ndaɗkǝn wai, ma man ɓaskǝ ǝnnda ma mbi kuɓka wuɗes a lǝǝɓ gaaghǝn wos. ⁶ Beɗ tǝ gi kǝ yir gin kǝ nyaŋngas kǝn yo ɗaŋ gya Nikolautans tǝ fi, gyo ɗaŋ myan beɗ mǝ suu hŋ. ⁷ Gyo ɗaŋ yir kǝǝm tǝ wumngǝtn yo ɗaŋ zhipti var ca fuu mǝn vin ladi. Gyo ɗaŋ a fu fyali, ma vǝrtǝ dǝǝl tǝ cu a giɓkǝ gwaas kǝ raai gyo ɗaŋ yigha lǝǝɓ tsǝtnngǝnngǝn Cogn.''''' ⁸ Dlyaaɗ gin nǝ zhipti shinngǝn vin ladi ɗaŋ ci Smyrna. Gya gin nǝ vi ghǝ muryo ɗsŋ ci ken tǝ kaaru, gyo ɗaŋ a ta mǝshi ǝnnda a shishi gwaam ɗa: ⁹ ''Ma yisǝŋ buŋngǝn waanibtǝbdwanndǝ, beɗ tǝ gi tǝ tuughǝn mavyisǝŋ mǝn yo caa malar sǝm tu cinǝ Yahuda, beɗ tu ci nǝ yanshi hŋ. Cinǝ vin ladi kǝ Shetan. ¹⁰ Ɓak ci vǝrtǝ buŋngǝn yo ɗaŋ wobman ki mǝn hŋ. Yaalǝn! Shetan ca ŋalghǝn tǝ kuur gya gin waani giɓ jarun, duryo tu tǝ diiɓ ki, tǝ cik ka buŋ nǝ kǝ mbuɗkǝn duɓ. Naan tǝ raaghǝ mbuuni hal mǝskǝn, tǝ cik m vǝrki kurgaamngǝ raai. ¹¹ Gyo ɗaŋ citǝ kǝǝm tǝ wum ngǝtn yo ɗaŋ zhipti var ca fuu mǝn vin ladi. Gyo ɗaŋ ya fi fyali ta tǝntǝ hŋ a mbuɗkǝn mbǝtlǝmi. ¹² Dluaaɗ gin nǝ zhipti shinngǝn ɗaŋ ci vin ladi vhǝ Purgamum. Gin nǝ tsǝr vi yo ɗaŋ citẹ dǝllǝ sǝɓǝr yo ɗaŋ citǝ vi mbǝtlǝm a ko te gyo. Ma yisǝŋ lǝǝɓ yo ɗaŋ kya tsǝtnngai, ɗonngai, a lǝǝɓ yo ɗa Shetan ca tsǝtnngai. Beɗ tǝ tu ngaɓ sǝǝmatn tlya tlyaa. ¹³ ''Ma yisǝŋǝi gu kǝ ci vi tǝ yisǝŋngǝnetn hŋ, ko a kili ghǝ Antifas muryo ɗaŋ a yisǝŋ mi, gyo ɗaŋ tǝ ɗutǝ a dlei waan, ɗonngai, a lǝǝɓ yo ɗaŋ Shetan ca tsǝtnngai. ¹⁴ Beɗ tǝ gi mǝ yir ngǝtn njwaatn ɗaŋ a vuun ramǝn tǝ kyaabi, kǝ yir gya gon ɗaŋ ta ngaɓ tlya tlyaa giɗkǝnngǝ Balaam, gyo ɗaŋ tǝ giɗ Balak tǝ zhiɗ kuskǝ ngǝtn yi ɗaŋbwo ca mǝri Isar'ila tǝ ndaaɗi, gyo ɗaŋ wo ca shi tǝ ci ngǝtnngǝ cighǝn yo ɗaŋ ta tuur cogn ɲamtsǝ mǝn hal tǝ ndǝr tǝ mbuɗ tǝ guɗi zarsǝ. ¹⁵ A datǝpi gi saɗ ɗa kǝ yir gya gin ɗaŋ ta ngaɓ tlya tlyaa giɗkǝnngǝ Nicolaitans. ¹⁶ Gaan kusǝŋsǝ ngǝrshi gya gu. Ǝŋ kyaa gaa hŋ, kyaɗ, ma man ɓaski ma ndǝr ma ndaki nǝ manndǝ tǝ sǝɓǝr vi mbǝtlǝm ɗaŋ yigha vetn. ¹⁷ Muryo ɗaŋ yir kǝǝm tǝ wumi ngǝtnyo ɗaŋ zhipti var ca fuu mǝn vin ladi. Gyo ɗaŋ a fi fyali, ma vǝrtǝ manna yo ɗaŋ ma ga, ma ndǝr ma vǝr puus fyali tǝ sǝǝm muuri nǝ dlyaaɗkǝn gha puushes, nǝ sǝm yo ɗaŋ gon yisǝsŋ hŋ she muryo ɗaŋ yan a tu.''''' ¹⁸ Dlyaɗ gin nǝ zhipti var ghǝ vin ladighǝ Tiyatira. Gya gin nǝ tsǝr vi ghǝ ŋaaghǝ Cogn, gyo ɗaŋ ci tǝ yir ɗaŋ riisǝŋ wuɗ tǝ yasǝŋ ɗaŋ puus yo ɗaŋ taa wwutlti, ca tl kal kal. ¹⁹ Ma yisǝŋ ngǝtn yo ɗaŋ ka fi, suughǝn wan tǝ caaghǝn raa wan tǝ laa ɗaŋ kya fi tǝ tkyaaghǝn vwa monnda. Ma yisǝŋ ngǝtn yo ɗaŋ ka fi ɗaŋngǝnni, a moɓ gyo ɗaŋ ka ta fi keni. ²⁰ Beɗ tǝ gi a polǝm a gǝrshi gya gin hŋ. Kǝ sǝǝkǝǝm gǝɗi, Jezebel, gyobɗŋ caa cim gamahi tu dǝllǝ murghǝ shinngǝn. A giɗkǝn wos, ca mormonsǝn tǝ fi mbǝllǝ tǝ guɗ zarsǝ tǝ ndǝr tǝ ci ngǝtnngǝ cighǝn yo ɗaŋ ta tuur cogn ŋaamtsǝ mǝn. ²¹ Ma vǝrtǝ dǝǝl tǝ ndǝr tsǝtnngǝn woshi, beɗ tǝ gi a uu gaaghǝn fighǝn kusuŋsǝ ngǝtn woshes hŋ. ²² Yeli! Ma gǝmtǝ nǝ mbuɗkǝn tǝ kuskǝ gonngǝn mǝn, hal tǝ mǝni yo ɗaŋ ta mbuɗ cimtǝ, ma gǝmshi dǝllǝ kǝ buŋngǝn mǝn, she de caa ga kusǝŋsǝ ngǝtn yo ɗaŋ caa fi. ²³ Ma tlaa mǝri woshi, tǝ cik, kaɓ vin ladi ta yisǝŋǝi tu nǝ myan ɗaŋ mya paŋ raaghǝ zarsǝ tǝ ɓitalghǝn wasǝŋ. Ma vǝr ko gyo waan ngǝtn yi ɗaŋ ca fi. ²⁴ Kyaani ɗaŋ kǝ ɓan kǝ na Tayitira tǝ mǝniyo ɗaŋ tǝ kaɓ giɗkǝnnes hŋ, tǝ yisǝŋ ngǝtn yi ɗaŋ gya gon ca cimtǝ tu kusuŋsǝ ngǝtnngǝ Shetan hŋ, kyaani, mya wulki tu, 'Ma gǝmki ngǝtnngǝ laaɓkǝn mǝn hŋ.' ²⁵ Tǝ cik, a na ciɓ aa dlǝǝr tlya tlyaa, hal hal she mya sumɗi. ²⁶ Murghǝ ɗaŋ ya fi fyali, ca ndǝr fi ngǝtn yi ma fi hal ɓabngǝn ɗǝgn, yani ǝŋ ma vǝrtǝ guŋndǝ ghǝ yatl ɗeɓaɗ. ²⁷ Wo fi guŋndǝ wos tǝ shirǝŋ dwaam, ɗaŋ shaŋɗi yatl, wo kwaɓshi washi byelaklak. ²⁸ Ɗaŋ gyo ɗaŋ mǝ kaɓɗi gha Daagǝtn, ma vǝrtǝ caar ghǝ taghǝ ɓintli . ²⁹ Muryo ɗaŋ yir kǝǝm tǝ wum ngǝtn yo ɗaŋ zhioti var ca fuu mǝn vin ladi.