¹ She mǝ yal gaami kǝ muri tǝ dǝŋ kǝ muri nǝ duryo tu gaami kǝ kenes tǝ dǝŋ kǝ kenes taa latsǝi ɓuruk, dǝllǝ ghǝ zha won manyi ɗaŋ. ² Mǝ yel dǝllǝ ghǝ yatl won ɗaŋ yi dzǝk-dzǝk , Urshelima kǝ muri gyo ɗaŋ a shiɗi tsogn gami a cognvon taa ɓumtsǝ ti ɗaŋ gǝd muri yo ɗaŋ taa caa tǝ lǝŋsǝ mǝn ɗaŋ ca ɓuɓ turwos. ³ Mǝ wum dǝllǝ ghǝ yer vari wondi a daan ngǝ guŋndes a wulghǝn tu,"Yellǝn! lǝb tsǝnngǝni Cognvon yi gha gibkǝ zaarsǝ wo tsǝtn ɓashi . Ta na nǝ zaarsǝ wos,Cognvon ngǝtn wos wo tsǝtn ɓashi wo ndǝr naa nǝ Cogn wasǝŋ. ⁴ Wo sadshi zhellǝm wasǝŋ mǝni, mǝskǝni man yi ɗaŋ, ko raa ghǝ ji ko ngwarghǝni ko buŋngǝn hǝŋ. Ngǝtn ɓaanndǝŋi taa laatsǝi ɓuruk ⁵ Muryo ɗaŋ cigha tsǝnngǝn a daan guŋndes a wultu,"Yeli ma ndǝr ma sular ngǝtn ɓuruk nǝ muri." A wultu," dlyaad ginin nǝ duryo tu cinǝ ngǝtn ghǝ caaghǝn raa kǝ naa jom-jomi." ⁶ A wullǝm tu,"Ngǝshi gya gini ta fishi wasǝŋǝi! myani ghǝn minǝ ghǝ keni myani ghǝn minǝ ɓaanngǝnes,kǝ keni tǝ ghǝ kari. Murghǝ zhakɓatlkǝni ma vǝrtǝ zha ɓem kaɓkǝ dǝllǝghǝ gǝrǝŋ zha ghǝ raai. ⁷ Muryo ɗaŋ ya tlyaa gaameshi yani ghuŋ wo ci dull ghǝ gya gini ɓuruk ,ma naa nǝ Cogn wos ,yani wo naa nǝ ŋaatn. ⁸ Bed tǝ gii mǝn vǝrtǝ tǝ mǝn nyaŋgaskǝn caaghǝn raa tǝ mǝn ngǝtnghǝ nyaŋ tǝ mǝn tlaaghǝni zaarsǝ tǝ mǝn fighǝni mbǝllǝ tǝ mǝn zugn yighǝni tǝ mǝn waar tǝ mǝn ɓyerni ɗeɓad lǝb tsǝtn ghǝni wasǝŋ wo naa a gibkǝ dǝllǝghǝ mburuŋ wud ɗaŋ caa ci nǝ ghǝ ɓanngǝni hǝŋ. Mǝskǝn kǝ mbǝlǝŋighǝnɗi. ⁹ Namboŋ a gibkǝ zhipti shinngǝn Cogn watsǝmaiyi a man ɓasǝm ,gyo ɗaŋ yir kod watsǝmai nǝ yuŋnngǝni tǝ kusǝŋsǝ ɓaadi watsǝmai kǝ ɓanngǝnii,a wultu, "Man ɗuun . Ma zhidkǝ gǝd muri,gǝɗi ghǝ ŋaa tǝǝm." ¹⁰ She a mbimi a zhipti tlǝri a dǝllǝ ghǝ wur won nǝ fubni zhiɗɗǝm yatl yo ɗaŋ yi tǝ dzǝkkǝni Urshelim ghǝndi cigha shighǝni ɗi tsogn gami a Cognvon. ¹¹ Urshelima citǝ luughǝni Cogn ,caa tlaa ɗaŋ puuskǝ tǝmzǝli ,ɗaŋ kutu puuskǝ yasta ɗaŋ caa tlaa kalkal. ¹² Citǝ dǝllǝghǝ goŋgad nǝ fupmni tǝ gya kembil dzub tliti mbǝtlǝŋ tǝ zhipti shingǝn Cogn dzub tliti mbǝlǝŋ ɗa gya ɓilles. Ta dlyaad sǝmdǝ wusuli ghǝ mǝǝri Israila dzub tliti mbǝlǝŋ ɗa ken ɓilli. ¹³ A te bandi gǝshi kembil mayi ghai,te bandi gami Kenɓill mayi, tǝ banndi napti kembilli mayi. ¹⁴ Daaɗ goŋgad kǝ nalghǝni yatles citǝ dadi dzub tliti mbǝlǝŋ , taa dlyaad sǝmɗǝ dzub tliti mbǝlǝŋ kǝ dǝllǝŋsǝ shingǝnidzub tliti mbǝlǝŋ kǝ ŋaa tǝǝm. ¹⁵ Muryo ɗaŋ a wul vi tǝ myaan citǝ shirǝŋ ɓuɓtsǝ ghǝni na jinariyai nǝ duryo tu tǝ buɓtsǝ yatles ghai tǝ kembilles tǝ gyaa goŋgad wos. ¹⁶ Yatles fupmghǝni wos tǝ woŋghǝni wos nǝ ngǝtn namboŋi . A mbumtsǝ yatles tǝ shirǝŋ mɓumtsǝghǝni yi mil zangu dzub tliti mbǝlǝŋ kǝ tlǝǝghǝni tsogn wos( woŋghǝni wos tǝ tlǝǝghǝni tsogn wos tǝvfupm ghǝni wos nǝ ngǝtn naboŋi). ¹⁷ A ndǝr mɓumtsǝ goŋgad woshes yi yashi kuri nomboŋ tashi wubsǝ tliti wubsǝ ɗaŋ gyo ɗaŋ ŋaa zaar caa yi mɓumtsǝ ghai(gyo ɗaŋ zhipti shinghǝn Cogn ma caa yi mbumtsǝ ghai cik ɗaŋ ). ¹⁸ Tǝ nal goŋgad yatles tǝ yasfa yatles gos yi tǝ jinari caa yal ɗaŋ puskǝ ɓalli gyo ɗaŋ caa tlaa tǝrɗtǝrɗi. ¹⁹ Tǝ ndǝr dadkǝ goŋgaɗes kǝ yatles tǝ puus kǝ mbuni .Kǝ keni nǝ yasfa kǝ mbǝlǝŋies nǝ saffir kǝ mayes nǝ agat kǝ wubshi nǝ emerald, ²⁰ kǝ nandami nǝ onis kǝ limmes nǝ Sardiyus kǝ wadtsǝmayes nǝ kirisalat ,kǝ tantanes nǝ beril,kǝ toknandames nǝ tofaz, kǝ dzubes nǝ kirisofaras,kǝ dzub tliti namboŋies nǝ yakita ,kǝ dzub tliti mbǝlǝŋies nǝ ametis. ²¹ Kembil dzub tliti mbǝlǝŋ citǝ pus ndarani dzub tliti mbǝlǝŋ. Dǝllǝŋsǝ tǝpm kǝ yatles ci gwasǝŋ gos tǝ nǝ jinari vii wos ɗaŋ kutuŋ ɓaa ,nǝ boka ɓalli. ²² Mǝ yel dǝnngǝ Cognvon ɗa gib yatles hŋ nǝ duryo tu Daadǝn Cogn von murghǝ vartǝ ɗebad tǝ ŋaa tǝǝm wos yaŋshi ghuŋ cinǝ dǝnghǝ Cokes. ²³ Yatles caa su dzaŋ tǝ lǝpm tǝ zhid yaal ɗa ɗami hŋ, nǝ duryo tu zǝkǝni Cogvon caa yal ɗa yatli ,kubka wuɗes kuni wos nǝ ŋaa tǝǝmes. ²⁴ Mǝn ɗǝŋ ta rii a lǝb yali ghǝ yatles. Guŋsǝ ghǝ mǝn ɗǝŋ ta lǝǝr zhighǝni wasǝŋ ɗi ɗa gibi. ²⁵ Kemɓiil wasǝŋ caa yetl shi a dzaŋ hŋ ,kavid ɗaɗani hŋ. ²⁶ Ta lǝǝr zhimghǝni tǝ luughǝni men ɗǝŋ ɗaŋ nǝ Yahudawa hŋ ɗa gibi, ²⁷ Ngǝtn ghǝ ŋyaŋ won working​ nda ɗa gibi hŋ . Ko muryo ɗaŋ caa fi ngǝtn ndzun tǝ ngaaghǝn mbǝrni,she mǝn yo ɗaŋ taa dlyaad sǝmdǝ washi a gibkǝ tagarta rai kǝ ŋaa tǝǝmi ngǝtn wos.