¹ She zhipti shinngǝnnes giɗǝm laar ghǝ zhak raai, njul njuul. A ta ya shiiɗi a daan guŋndu ghǝ Cogn tǝ kǝ ŋaa tiim. ² A dlei dlai datǝpmnghǝ giɓ yatles. Ko kummbai gyo kǝ laares gwaas ghǝ raai ghai, caa guur guri dzuɓ tliiti mbǝtlǝm, ca guur ko lǝpi gyo. Patsǝ gwaashes nǝ kǝ fuuɗkǝn ɗǝgn. ³ Ta man laŋ ɗa hŋ. Daan guŋndǝ ghǝ Cogn tǝ kǝ ŋaa tiimes wo naai ɗa giɓ yatles, monsǝ ta fi tǝ laa mǝn. ⁴ Ta yel yir wos, sǝm wos wo naa a gaamken wasǝŋ. ⁵ Ta man fi kaviɗ ɗa hŋ; Ta man suu mbaaghǝn kuɓka wuɗ ɗa hŋ ko kǝ dzaŋ duryo tu Daadǝn Cofn wo mbaa ɓashi. Ta tsǝtn kǝ ndok ndoki. ⁶ Zhipti shinngǝn Cogn wullǝm tu, ''gǝŋnyi gin nǝ kǝ caaghǝn raa tǝ jomi. Daadǝn, Cognngǝ zhipti ghǝ mǝn laa Cogn, shinndar zhipti shinngǝn wos to zhiɗ monsǝ wos ngǝtn ɗaŋ ciɓ taa man fi.'' ⁷ ''Yaal! Mǝ gha manngǝnɗi kyaɗ! Mbuuni nǝ gyo ɗaŋ a sǝǝ kǝǝm gǝŋ ngǝ konngǝn ngǝtn jaan kǝ tagarta gin.'' ⁸ Myan, Yohana myan minǝ gyo ɗaŋ wum mǝ ndǝr mǝ yel ngǝrshi gya gin. Ɗaŋ mǝ wum mǝ yelshi, Mǝ motsar gaman a ken yasǝŋngǝ Zhipti shinngǝn Cogn mǝ mbuutǝ, zhipti shinngǝn yo ɗaŋ a zhiɗǝm ngǝrshi gya gin. ⁹ A wullǝm tu, ''Ɓak fi hŋ! Mǝni mon ɗaŋ kyan, tǝ yestǝ wa mǝn konngǝn jaan, tǝ gya gyo ɗaŋ tǝ laaɓ gǝŋngǝ tagarta gin. Mbuun Cogn!'' ¹⁰ A wullǝm tu, ''Ɓak waɗ gǝŋngǝ konngǝb jaan kǝ tagarta gin hŋ, duryo tu kiles a tuliɗi. ¹¹ Gyo ɗaŋ nǝ zaar zaari hŋ, tǝ ciken tǝ ghai. Gyo ɗaŋ ca wum kǝǝm hŋ, tǝ ciken ghai. Gyo ɗaŋ ci ni zaar zaari tǝ ciken tǝ fiighǝn zaari. Gyo ɗaŋ ci ndzǝkni, tǝ ciken tǝ ndzǝkkǝn.'' ¹² ''Yaal! Mǝ gha man ngǝnɗi kyaɗ. Ngǝtan ɗaŋ ma vǝr yi ɓasǝm, mǝ vǝr konu a bamvi ngǝtn to ɗaŋ a fi. ¹³ Mi nǝ Alfa tǝ Omega, ken tǝ kaar, daaɗi tǝ ɓanngǝn. ¹⁴ Mbuuni yan nǝ gya gi ɗaŋ tǝ coɓ luuŋsǝ wasǝŋǝi nǝ yo tu tǝǝ tu dǝǝl tǝǝ ci a gwaas ghǝ raai tǝ ndǝr tǝ ndai ɗaŋ yatles a te kenɓil. ¹⁵ Ɓǝdlǝm nǝ kaɗaŋshi, mǝn tlyaaghǝn voraŋ, mǝn mbǝllǝ mǝn tlaaghǝn zarsǝ, mǝn mbǝllǝ tǝ guɗ zarsǝ, tǝ ɓuruk gyo ɗaŋ ca suu ngaggǝn mberni. ¹⁶ Myan, Yesu, ma shiin zhipti shinngǝnnatn tǝ tlyaam zha mǝn ɓaski nǝ dur ngǝrshi gya gin kǝ vin ladi. Myan mini tlǝtǝri tǝ usuli Dauda, caar wo ɗaŋ ca mbaa tǝ ɓintli.'' ¹⁷ Zhipti tǝ gǝɗ mures wultu, ''Man!'' Ga gyo ɗaŋ a wummi tǝ wultu.. ''Man!'' Ɓuruk gyo ɗaŋ zha ɗuuti, tǝ man, tǝ ɓuruk gyo ɗaŋ caa suu, tǝ kaɓ zhak raayes gaɗe. ¹⁸ Mǝ tlyaa zha tu konu gyo ɗaŋ ya wum gǝŋngǝ konngǝn ngǝtn jaan kǝ tagarta ginǝn ni; Ǝŋ gon daɗakghai, Cogn wo daɗaktǝ buŋngǝn yo ɗaŋ nǝ dlyaaɗkǝn a dulgam tagarta gines. ¹⁹ Ǝŋ gon ya nyolar gǝŋ won a tagarta ghǝ konngǝn ngǝtn jaanǝn, Cogn wo nyolar ɓakmi woshi a gwaas kǝ raai tǝ giɓkǝ yatl ndzǝkni yo ɗaŋ tǝ dlyaaɗ a dulgam tagarta gines. ²⁰ Gyo ɗaŋ a tlyaa zha ngǝrshi gya gini, ''Eh'' Migha manngǝnɗi kyaɗ, Tǝ naa cik! Man, Daadǝn Yesu! ²¹ Gyalghǝ Daadǝn Yesu tǝ naa tǝ konu waan. tǝ naai cik.