¹ She mǝ yel ɓallǝm gonɗi Cognvon,tǝ vartǝ kwasarghǝn. Ɗani zhipti shinghǝn Cogn watsǝmai tǝ kusuŋsǝ giir watsǝmai gyo ɗaŋ cinǝ kusuŋsǝ giir kǝ kari duryo tu yaŋshi ǝŋ tlitiyer ghǝ Cogn wo ɓanghai. ² Mǝ yel ngǝshi gon ɗaŋ a gid kutu nǝ dǝllǝ ghǝ zha ɗaŋ ca tla kalkal nǝ lǝghǝn tǝ wud . Dlirghǝn a ɓilghǝ dǝllǝ ghǝ zhes ,nǝ gya gyo ɗaŋ tǝ fi fyali gha tlu namces tǝ taghǝn wos tǝ ghǝn mobda ɗaŋ caa dlir nǝ sǝmwos. Tangab kindi ɗaŋ Cogn vǝrshi. ³ Caa waghǝn ngil ghǝ Musa mon ghǝ Cogn,ngil ghǝ dagubzhi. Dellǝŋsǝ ghǝn yo ɗaŋ kya fi tǝ ghǝn ghǝ kwasarghǝn ǝŋ nǝ la wa . Daadǝn gyo ɗaŋ cinǝ zaar var. ⁴ Nǝ nu ǝŋ wo ci vǝrtǝ wa hǝŋwo? Kyan ngǝtn wa ǝŋ ki tǝ dzǝkkǝni. Zaarsǝ dǝŋ ɗeɓad ta man zub a ken wa tǝ mbuu ghǝ nǝ durghǝ ngǝtn ghǝ mbuni ɗaŋ kya zhid." ⁵ Ɗaŋ gya gin tǝ latsǝi,mǝ yal she mǝ yel ta ɗǝrǝ vin ladi ghǝ mǝni yo ɗaŋ tǝ fi fyali a gibkǝ Cognvon. ⁶ Ɗoŋgai a gibkǝ lǝb yo ɗaŋ a mob dzǝkkǝn ,zhipti shinghǝn Cogn wadtsǝmai tǝ man tǝ ngab kusuŋsǝ gonghǝni wadtsǝmai. Ta caa lǝŋsǝ wasǝŋɗi ndarara tǝ lǝŋsǝ gyagon nǝ fyali pakpak tǝ dlu vwa wasǝŋǝi,jinari agǝb wasǝŋ. ⁷ Namboŋ a gibkǝ mǝn gwam ghǝ ngershes ɗaŋ ci wubsǝi a vǝr zhipti shinghǝn wadtsǝmai kwalad kǝ jinari wadtsǝmai nǝ huŋngǝn tǝ tlitiyer ghǝ Cogn gyo ciɗa gwam hal zha-zhad. ⁸ Vin lades a ta yuŋghǝi tǝ yaŋ ɗaŋ a dlamɗi gha lughǝn Cogn hal tǝ tlyaghǝn wos. Gon wo ɗya hǝŋ hal she kusuŋsǝ gonngǝni wadtsǝmayi kǝ zhipti shinghǝniya nai jom-jomi.