¹ urẹ sotọ nebhọ, ibhiobẹn, ibha aghọnghọn bhẹki Ijesu, nimẹn resabọ kikie gẹn ọna jibha ọzewẹ ye ọnọghọbhẹn rẹjibhẹn, obhẹnọ rẹji ibha. ² Bhọn ẹwan bhe ena awa, eneluebhiebe, bhọn ẹwan bho obene luebhi nebhagba. ³ Ranmude ima ele na ruẹle enega bhe ẹkẹi elibhi nọkhiale nọso Osẹnobulua, ne ri Ijesu Kristi hio, nebha degbenian efuegbe. ⁴ Ọrẹjairiọ, imẹn tobọbhẹn dẹ sabọ degbenian efuegbe. Imiẹn ọria ọle de sabọ degbenian efuẹnghe, iman mama nọ. ⁵ Ukpẹdẹ nọze elẹnlẹn ada luẹbhin, be ọria nọni Isirẹl vae, bhu uwẹn uibejami, ọria ihebrew jejee reje bhọ osu uhi Ifarsis. ⁶ Agiọ bọ ọhubhudu, imẹn kpokpo otuẹ nọso Osẹnobula, agiọle khiali bhọ ọsu uhi imẹn bhọn kẹe. ⁷ Ọkpanọn ebi imẹn miẹnbhọ rẹbhe, Imẹn zele obọ ranmudi Kristi. ⁸ Ọsẹbhọn ata, ejayẹna ivn ghere bhe hanho,ranmudi ẹwan nọsi Ijesu Kristi gbera enirebhe. Ọle imẹn zebhi rebhe obọna, imẹn ye ghele ebhisoso, benimẹn ada mi Ijesu bhe elele. ⁹ Beni imẹn ada aribhole, imẹn da abhọn ikhiale ọsebhẹn nọ nu uhi vae,ọkpanọn nọn nu uriobhọ vae bhi Ijesu, ikhiale nọno obọ Osẹnobulua vae bhu uriọbhọ. ¹⁰ Imẹn honnimẹn lẹn - ọn lẹn bi ahu ukpanọ bhidi nọsọle bi ikolu nọsi iloya nọsọle, nimẹn ye dia bọle bu uyu bhin nọsọle. ¹¹ Iriọ arẹmiẹn imẹn kiyẹ kpanọ sibhidire. ¹² Ọyiọ si imẹn ki mie enibhin nato. Ọ miẹn ki gbabhi, ọkpanọn, imẹn zoeriodalr mimẹn muọnlẹn ọne bhin nọzele Ijesu da mubhẹn. ¹³ Ibhio imẹn bhs riate imẹn muọnlẹn foh, ọkpanọn, ebhin ọkpa imẹn lu, regbera dalo buọne bhẹn nọri bhodalo. ¹⁴ Imẹn siriodalo sikẹ eba zeghebhẹn gho ne elele nimẹn damẹn bhu ata tie no Osẹnobulua tiebhẹn bhi Ijesu Kristi. ¹⁵ Iman rebhe neki wanre ibha jima arinian ria eria,uwẹ aria ebhin bhu uwẹdẹ kẹ, Osẹnobulua de rọle maẹn. ¹⁶ Eborẹjayẹ, ebima kirẹ abhọn, ibha jima muọnlẹn bhan nọsẹn ¹⁷ Ibha arẹ ghe khọkhọ bhẹn, ibhiolo gbẹlo kotọ nọsẹn bhẹghe ebhọn nelu beni ibha daghe ima lu. ¹⁸ Ene khian bunbhin, eni nimẹn keatamalẹn,ejayena , ẹlo eviẹ imẹn kirẹ tama bha nian bi iyian osoru uwuwe nọsi Ijesu Kristi. ¹⁹ Uria urẹ sotọ nọsele, ẹkẹ nọsele ẹbọ nọsẹle, ẹkhọ oriri nọsele, ebhin nebhọ ọnagbọna ọkpa eleria ẹbhn en. ²⁰ Ọkpanọn, ẹgua okhun isibhan, nima dayẹ khe ọmiẹn bhanfan, Ijesu Kristi ne Ebianlẹn bha. ²¹ Ọle di fiegbe nọsẹn bhan denọ jiọ bhegbe nọdiabi egbe oriri nọsọle nọle rahu nọsọle ma nọre siebhin rebhe riotọ negbe nọsọle.