¹ Benọkija iriọ, ibhiolo bhẹn nimẹn huẹbhọnlẹn ne yẹbhẹn, nekiẹn eghọnghọn bi aruejie nọsẹn bhẹn, ibha mudia nọsẹn bhi Ijesu ikokhian bhẹn nimẹn huẹbhọnlẹn. ² Imẹn bhin Ẹuodia, imẹn bhia nelẹn abhọn okhokpa bhi Ijesu. ³ Ehe, imẹn bhiẹ, uwẹ nima koko wẹna nokiẹn ọriesi, nu rẹkpa eni ikhuọna nedeba bhẹn wẹna bhi itẹbhọn osẹnobulua bi Iclẹmẹnti bi ene kẹle rebhe niman ko wẹna, ne elin e ribh ebu enienbhi. ⁴ Aghọnghọn ẹghe rebhe bhi Ijesu, gboyẹ, ima sẹyẹtale aghọghọn. ⁵ Jin idegbere nọsẹ kie ebẹ ẹbho rbhe dagh, Ijesu kisir. ⁶ Ejiọ ọkhọẹ abhọn ekpokpo bhe ebhi soso, ọkpanọn, bhe ebhireghe i nerọnmọn, utama, bi mu ekhuẹbhẹn,u a rẹ atama Osẹnobulua ebu uwẹ guanọn. ⁷ Eni ọfure nọso Osẹnobulua nọgbera ẹwan rebhe ọkia riẹ bhọ ọkhọ bi eria nọse bi Ijesu Kristi. ⁸ Urẹsotọ nẹbho, ibhiolo, ebekirẹ akhin nọkie ọsesi, ebekirẹ akhin nọbhọn ọghọ, ebekirẹ akhin nọ gbale, ebekirẹ akhin nọ khiale ebekire akhin nọ - yiẹẹ,ebekire akhin nọbhọn usiesi, amiẹn ekpẹn ribhọ, amiẹn ugẹnbhin ribhọ, ena uwẹ aria bhe eria. ⁹ Eni bhi na ma uwẹ e bi nare niẹn bi nu uwẹ họnlẹn nuwẹ daghe bhi imẹn ubhe alu, Osẹnobulua nọsọ ọfure kine bha rebhe dia. ¹⁰ Imẹn mama aghọnghọn bi Ijesu ranmude ibha fiokho denọ ejayena ẹbhọn bhin kirẹtẹ bha, bha rẹka mama rẹtẹbha ibha khẹ, ọkpanọn, ibha bha mio otafubhẹn nibha rẹ rẹkpa bhẹn. ¹¹ Imẹn bha tena ranmude, imẹn guanọ ebhin, imẹn kilẹn bhi ebi imẹn a rẹ abhọn okhọn bhẹn bhi ebe kirẹ asunu dabhẹn rebhe. ¹² Imẹn lẹn ebo oboghe khin imẹn yẹ lẹn ebọkin sabhọn ebhi bhobọ, bhu uwedẹ rebhe bi bhebhi rebhe imẹn kilẹn bhi ebarẹ ziegho ọhanbhẹn yẹ bi eba rẹle eba yẹ,amiẹn ọbunbun bi soiribhọ. ¹³ Imẹn desabọ lue bhi rebhe bhobi Ijesu nọ rahu bhẹn ¹⁴ Kiregbera ọna, ibha luọnọsẹn nibha rẹ rebhin jibhẹn ẹghe nọrẹ kaka mubhẹn. ¹⁵ ibha ni Ifilipian rebhe lẹn bhi ẹghe nimẹn rẹla muẹnbhẹn Osẹnobulua hẹn jiọ bhi Imasẹdonian, otuẹ soso bharẹ kpabhẹn gbera ibha,nare koke eebhi kugbe renọria. ¹⁶ Ẹghe nimẹn rẹ a ribhi itẹsalonian ibha da ju ukọ rebhi jin bhẹn ugba ohẹnhẹn ugba zeva. ¹⁷ Ọyiọsi huẹn guane bhi nọse bha, ọkpanọn, ọne ebbhi nu uwẹ areọ bha aza nọ a kie elele rẹjiẹ. ¹⁸ Imẹn mie ebhi rebhe nibha rẹjimẹn, ibha wọ rẹgin bhẹn ọsesi ẹghe nimẹnmie ebibha reni Ipatioditus rejin mẹn. Netiohi ọsesi, ẹsele na miẹnlẹn nọtiọ Osẹnobulua bho. ¹⁹ Ọkpanọn ,Osẹnobulua nọsẹn bhẹn kirẹ nuwẹ ebu uwẹ guanọ rebhe be efe nọsọle bho oriri nọsi Ijesu Kristi. ²⁰ Ejayna oriri kiọn ọso Osẹnobulua na aba rẹnẹ ẹdẹdẹmẹndẹ rẹsẹ ẹdẹdẹmẹndẹ. Isẹ. ²¹ Jin ọfuele ọbhọ nekhiale rebhe neso Osẹnobulua bhi sijesu Kristi, eni ebhio nerrbhe ijimẹn ye jio otuẹbha. ²² Ẹbho nekhiale neso Osẹnobulua nebhẹna jiotuẹ bha, osikẹi one ribhe uwa nọsi isiza. ²³ Ese ọhẹ nọsi Ijesu Kristi ni Ebianlẹn ni oriọn bha dia . Ise.