¹ Amiẹn isudu ribhi Kristi,amiẹn egbefubhẹn rebhọ na ahuẹbhọn egbe rẹre, amiẹn icolu ọso oriọn ribọ, itọhan bi ẹkẹ ẹjẹjẹ. ² Ena re eghọnghọn bhẹn kiọn ọnọkhua bi sabhọ ọkhọ ọkpa, akia a bhọn ahuẹbhọn egbe ọkpa, okugbe bho oriọn bi akia bhn uriebhi ọkpa. ³ Ẹrẹ ẹgẹngẹn bi eku lue ebhi soso, ọkpanọn bhi idegbere uwẹ aghẹ ẹbho be enenẹ ẹ. ⁴ Ibha soso e a khuọ ọsẹbha ọkpa ọkpanọ uwẹ yẹ guanọ ọbhẹn nọsọ ọboẹ. ⁵ Abhọn nọ ọkhọna ni Ijesu kristi bhọn. ⁶ Arẹ miẹn inian ọniẹnlẹn bo Osẹnobulua, ọbha ghegbọle bo Osẹnobula na ghọle iriọ. ⁷ Ọkpanọn ọda zegbọle obọ niẹlẹn bọ ọviẹn,ada biọle bi imaneria. ⁸ Ọle da degbe yu, ọre kiọn ọnọhehọ rẹsẹghe nọle rẹ yu, ọnu uu nọle yu bho oru - uwuwe. ⁹ Bẹnọkija iriọ Osẹnobulua da mam tuẹnlẹn okhun re elin nalẹn nọ gbera elin rbh. ¹⁰ Bena ada miẹn aki suelin Ijesu iguẹ rebhe ki gbehianre ọsene ribho okhun bi ene bho otọ bi eno bhe ẹtẹ otọ. ¹¹ Unu rebhe kitale Ijesu Kristi Ebianlẹn rẹ jiọ nọso Osẹnobulua na Aba. ¹² Benọjairiọ, enimẹn huẹbholẹn, benu uwẹ rehẹnbhọ, ọyi isiria bhẹn ọkpa ọkpanọn iriọ mam nọbhi Ikke bhẹn, tobuẹ rẹ ẹni nọse ma bhofẹn mu bi iguobhegbe. ¹³ Ranmude Osẹnobula tọbọle wẹna bhu uwẹ nọrẹ lui iholo nọsọle bi ebhin esi nọyiọle. ¹⁴ Ẹguẹ ẹzo gugan bhe ebhi soso nu uwẹ lu., ¹⁵ Bẹnọ uwẹ ada kiẹn ọnabha miẹba nenegale obo bi ọnọ khiale, imọn nọso Osẹnobulua negbale, bhe ẹkiọ ọnagbọna nebhi ebe vanlẹn agbọre nọbhẹn,nbibha da bha bu ukpa bhọna agbọna. ¹⁶ Muọnẹbhọn unienbhi bhọn nọsẹn bena ada miẹn ẹdẹ ni Ijesu avae imẹn kia sobọbhudu ghe une nimẹn ru bi esọnimẹn miẹnlẹn imẹn bha miọnlẹn bhi ihoho. ¹⁷ Arẹ miẹn agbebhẹn bi eba re rẹzoese rẹjẹ ewena si urẹbhọ nọsẹ bha, otibhẹn bhọ imẹn debabha rebhe ghọnghọn. ¹⁸ Iriọ ibha ayẹ redeba bhẹn gbikhiẹn ghọnghọn. ¹⁹ Ọkpanọ, imẹn bhọn ikhueloghe bhi Ijesu ne Ebianlẹn nimẹn rẹ jin Itimoty jjin bha bhẹghe nọbha regbe,bene imẹn ada a bhọ isudu ẹghe nimẹn arẹlẹn ebebhi bhe ejibha ye. ²⁰ Imẹn bhọn ọriaobhebhe nọdia bọle, nọria ẹbhọn bha ẹghe rebhe. ²¹ Ranmude erebhe ọsegbele ọkpa ekhu ọgiọ si Ijesu Kristi. ²² Ọkpanọn ibha lẹnbhin ibọle khuasẹyẹ, ranmude bọ ọmọn bi abale iriọ ọrẹdeba bhẹn da bhin itẹbhọn Osẹnobulua. ²³ Imẹn ho nimẹn jiọle bu bhare ẹghe nimẹn arẹ daghe ebe bhi da diaye rẹ jin bhẹn. ²⁴ Ọkpanọn, imẹn riọbhọ bhẹkẹ Osẹnobulua ghe imẹn tobọ bhẹn deke bubhare. ²⁵ Ọkpanọn, imẹn riale okie bhi nọ gbale nimẹn reji Epafoditus kie ji bha.Obhiobhanọ, nima koko wẹna, bi nima kokiẹn eyokulo,nokiẹn egboniadia bi oviẹn nọsẹbha rejin ibhẹn. ²⁶ Ọdẹ kiọn ọnọ ọkhọle agbọn ekpokpo, oguanobhi nle ari bhe ejibha rebhe ye, ranmudee ibha họnbhi ọle rẹkhọn bhọn bhin. ²⁷ Bhọsẹ ẹbhọn ata ọler ẹkhọn bhọn bhi ọrẹ da yu. Ọkpanọn, Osẹnbulua da bhọn itohan ghọle,ọyiọle ọkpa, ọkpanọn,imẹnye, benimẹn dada abhọn ọbalọ bhu uk ọbulọ. ²⁸ Ọmama buọle bhudu nimẹn jiọle, bẹna ada miẹn ẹghe nibha akie miọnlẹn, ebha ki aghọnghọn, ọbalo nọsẹn bhẹn kisiriotọ. ²⁹ Bha re eghọnghọn nọso Osẹnobulua gbo obokhian ni Epatofitus, ibha a dọghọ nẹ ẹbho nedia iriọ. ³⁰ Ranmude ẹbhọn Ijesu zẹle norẹ da yu,ọbha aghu ọniẹnbhi nọsọle gabhẹn ọda lue ebibha resabọlu bhẹn.