¹ Ipọlọ bi Itimoti, eguọmandia nọsi IJesu Krsiti, rẹ ji ẹbho nekhiale nọso Osẹnobulua bhi Ijesu Kristi nẹ ribhi Ifilipi deba enegbẹloghe bi idikinsi. ² Giamiẹn eseọhe ẹkhan ẹẹ bi ọfure nọ dabhi obọ nọsi Osẹnobulua na abamanlẹn bi Ebianlẹn ni Ijesu Kristi vae. ³ Imẹn khuẹnmo Osẹnobulua ẹgherebhe ni imẹn rẹyebhare, ⁴ Ẹgherebhe nọn sẹ bhẹn rẹ ji bha, ida ni ọni erọnmọn bhi ẹkẹ eghọnghọn, ⁵ Ranmude uda deba imẹn bhi ọni ẹmọnli Osẹnobulua rẹ da bhi ẹdẹ nọ ọhẹnhẹn rẹ sẹ bhi ọnẹghena. ⁶ Imẹn mọnli isidu bhi ọni eminlinna ghe ọle nọ suẹn iwẹna esili bhi egbe nọsẹ, ọsẹ yẹ ha lue ọle sotọ nọ rẹ dọ sẹbhi ọnukpẹdẹ nọsi Ijesu Kristi. ⁷ Ọi khẹke ni rẹ ha mọnlin eria nọsẹ nia rẹ da ibha, ranmude, ibha rimẹn bhi ọkhọle. Ibharebhe deba imẹn bi ẹkẹ esiọhẹ bhi ẹghele ni imẹn rẹ ha ribhi ighan bi ẹghele ni imẹn rẹ ha gui ẹzọ bi ni imẹn rẹ rẹman ọni ẹmọn Osẹnobulua. ⁸ Osẹnobulua hi ọsali nọsẹ mẹn, bi eji imẹn rẹ giuanọ bha, bbhi ẹkẹli ẹjẹjẹlẹ nọsi Ijesu Kristi. ⁹ Ọna hi erọnmọn nọsẹ bhẹn, be jia da miẹn ihuẹmẹngbe nọ sẹ bha ki mudia gbera bi ejọkadia bhiẹkẹ ilenmilin, ¹⁰ Be eji uwẹ ada riọ bhi ebe gbale, be ejia da miẹn uwẹ ki tanli ọkhọle aa bi okan ne ẹẹ ni Kristi ri vae. ¹¹ Uki vuọn bhi ikpẹ ọsi ikhiale nọ vae bhi obi Ijsu Kristi rẹ ji ọriri bi ugẹnlẹn mi ọsi Osẹnobulua. ¹² Iguanọ nibha lẹn ibhio, ghe ebesunu da imẹn ri ẹmọnli Osẹnobulua diọbhi odalo. ¹³ Ranmudọna ighan nọ sẹbhẹn bhi krsiti da zegbere bhi ikenegbe idibo n ribhi ni ẹguale bi ọrebhe. ¹⁴ Ọibune bhi ni ibhio da mọnli isudu rẹ tẹ Ebianlẹn ranmude ighan nọsẹ mẹn, eda mọnli isudu nerẹ ti emọnli Osẹnobulua bhẹkẹ izebhudu. ¹⁵ Eso da gene tẹ emọnli kristi bhi ẹkẹ okpoye bi it ẹnegbe, eso da tale bhi ọkhọli esili . ¹⁶ Ọnọki ikekena da lui ọle bhi ahuẹmọnegbe elẹnlẹn ghe ai imẹn bhe ena ranmude ẹmọn nọsi Osẹnobulua. ¹⁷ Ene ki iyalo ni da tẹmọnli Kristi bhi ekhu ọsegbele ẹyi ọsi ẹmọn ata. Eda khọkhọ ọna di riọ ọbalọ gimẹn bhi ighan. ¹⁸ Bẹ ọna bhọ khin? ọkpanọn uwẹdẹ nakirẹ tale, ọkhọli esili nọ la ọsili nọ la ọsi ọbe, ọbhọ tẹlẹmọnli Kristi, ọna rẹ mẹn ghọnghọn. Ehe, ighọnghọn . ¹⁹ Ranmude ọna dẹ rẹmẹn miẹn uhọnmọn bhi ẹkẹ erọnmọn nọ sẹ bha bi urẹkpa ọsi oriọn nọsi Ijesu Kristi. ²⁰ Ọna mẹn khẹ ni imẹn da yẹ mọnli ikhualoghe ghe, ẹkhọle da lomọẹn, ọkpanọn, bhẹkẹ izebhudu, aki mui oriri ji Kristi bhi egbe nọsẹ bhẹn, iyẹnlẹn la iyulu. ²¹ Rẹjimẹn na rẹ ha yẹnlẹn ọsi Kristi, narẹ yu kie elele. ²² Aha miẹn yẹ yẹnlẹn, ẹsọn ọsi irulu nọ rẹji mẹn, imẹn bha lẹn eni imẹn la zẹ. ²³ Ena veva kaka mu imẹn. Ehi ọrimẹn bhi ọkhọle ọle hi ni imẹn rẹ kpanọ dọ deba kristi, ọna mẹn nẹ, ²⁴ Orẹ dia inian, imẹn yẹnlẹn khẹke nẹ ranmudi ibha. ²⁵ Bi eji imẹn lẹn ọna, imẹn lẹnlẹn, i di ha yẹnlẹn, ni deba ibha, bhi uwanre nọsẹbha bi eghọnghọn bhi ẹkẹ uriọbhọ. ²⁶ Be jia da miẹn bha ki miẹn imẹn rẹ ha dẹ ẹgbọ bho obọ nọ si Ijesu Kristi, ẹghele ni imẹn la gbokie bubhare. ²⁷ Ọkpa yẹnlẹn bhi uwedẹ nọ rẹkhan emọn osẹnobulua nọ si kristi bejiada miẹn imẹn bulu ibha re la ibha vae, mẹn ki họn ibha mudia nọnsẹn bhẹkẹ oriọn ọkpa, bhẹkẹ ọkhọle ọkpa na rẹ ze ẹkhuakhua kugbe bhi uriọbhọ ọsi emọn Osẹnobulua. ²⁸ Eji ofẹn ele muẹn bhi uwedẹ nọkirẹ ha khin, ene neẹ gbegbe. Ọna hi iyama ọsi ọfuan nọsi ele bi ẹni nọ ọsẹ - obọ nọsi Osẹnobulua ọna da vae,. ²⁹ Aiwore ọna niẹ ọsọhe ranmudi Kristi, eyi narẹ riọ bhọle ọkpa, ọkpanọn nayẹ ranmudeọle loya . ³⁰ Ibha yẹ ha mọnli ekpokpomẹn ni ibha daghe, bhi egbemẹn bi nibha họnlẹn rẹtẹ imẹn.