¹ "Tushi angẹni ọna yini ichọọchi Isadisi chẹre ẹ kạ: 'Ọnọni ọnọ vi irẹyi ẹzẹna zi ifẹ ishimba Oshomoshi ọnri ụzọmi ishimba chaụvọ; " Maa yẹ isẹnụụ mẹ. Aza venee re kụ waa mẹshẹ nini, ama we fu su nini. ² Sha kwẹẹtẹ fini ara nini, du we deni tụ isẹnẹ vọ ụkata nini fụvọki ọ vaa jantụụ su, fụvọki ụkọrọ awụ nin ọzi nyi ọgụrigụ inọvidi Oshomoshi ami. ³ Fụvavo, tamayi irẹyi Oshomoshi ọnụụ re dọ, dụụ dọ wụ nini. Si ọ mụkọrọ, du we rinẹ varama nin. Ama, aaviki wa zi sha kwẹẹtẹ nini, mvaa vẹ vene oyi, wa zaa yẹ ẹfi ọnim va sii vẹ vaa kwẹẹtẹ tu wu nini. ⁴ Ama ọ nyi irẹsha azẹnyi ana vi anrẹkụra Isadisi ọni ita aanini razi nyi ẹvụvụ. Ẹni ọni ẹmi rụ wa va gẹẹ zụsẹ, dee chire aurụ ọvụọvụ, fụvọki ẹ me ̣tẹrẹ. ⁵ Mvee chire ẹzẹna ra fụrẹkụ auru ọvụọvụ, me zee nyeeyi irẹsha aani fini Iwe Ẹshẹ vụụvụrụ, dim ze showu irẹsha aani inọvidi Ada ami ọnri angẹni aani. ⁶ Ẹzẹna ra nyi ụtọ, o batọ tụni irẹyi ọni Ifẹ Ọnini aa kaa yi ichọọchi nini."'" ⁷ "Tushi angẹni ọna yini ichọọchi Ifinadẹfiya chẹrẹ ẹ kạ: 'Ọnọni ọnọvi irẹyi ẹzẹna vi Ọnini ọnri irẹiza --- ọ za ikọkọrọ Idevidi chaụvọ, aaviki ọ naa oze, ọzi nyi ọzene zuu gu o; aaviki o gu oze, ọzi nyi ọzẹna zụụ na a. ⁸ "Maa yẹ isọnụụ mẹ nin. Re! maa na oze shaa yụ wụ da; ọzi nyi ẹzene ve zu gu o. Maa yẹ ki wa zi vọọ nyụkata nin, tuavọtuavọ wa wụrẹyi tụmirenu nin, we zi yi irẹsha ami tẹtẹ nin. ⁹ Re! Ẹnẹna si ẹngwụ bẹrẹ iragụ Isinagọgụ Eshu, ẹnẹna shi ẹngwụ aanini Iju ama ẹ zi vi Iju; akikọnọ, apinẹ ọnẹẹ nyi. Mvaa me ̣wa ki ẹ va vakuẹtẹ inọvidi awụ, doti ẹ yẹ ki mee sirẹyi awụ. ¹⁰ Fụvọki wa si ụmọ ọnim si yụ wụ kụ wa nyi ọsiẹngwụdọ ọnri ụmẹnẹ, mụkọrọ, mvee sere wụ ini ẹfi azamare ọna vaa vẹ inẹẹsụ ẹshẹ keekere vaa zama ẹnẹna yini ẹshẹ ọnọni re. ¹¹ Mva firaa vẹ. Sụvọ za isẹnụ nyi ẹtẹrẹ, doti asọ nyi ẹzẹna vaa dọ wụ nin ade na. ¹² Mvaa si ẹnẹna fụrẹkụ mẹ ọtụ ini itẹmpụrụ Oshomoshi ami, dọ razaa finaani. Mvaa chẹrẹ irẹsha Oshomoshi ami tụni ẹngwụ aanini, irẹsha irẹkụra Oshomoshi ami (Ijerusanẹmụ ọwọwa one chi vẹ fụri ẹbẹẹba idi Oshomoshi ami) ọnri irẹsha ami ọwoọ̣wa. ¹³ Ẹzẹna ra nyi ụtọ o batọ tụni isẹni Ifẹ Ọnini aa kaa yi ichọọchi nini.'''" ¹⁴ "Tushi angẹni ichọọchi Inaodesiya, chẹrẹ ẹ ka, 'Ọnọni ọnọ vi irẹyi Aami, ọna vi onivenu irẹiza ọna dọrenu, ọna si mẹ oshirẹsụ tụri isa bo ọni Oshomoshi mẹ. ¹⁵ Maa yẹ ọnụụ si mẹ; maa yẹ ku ̣wa zi ngwụra, wezi fuofu. Mi yeen si kụ wa ni ọnya --- waa ngwụra dụụ ngwụra, wee fuofu duu fuofu! ¹⁶ Fụvọki ọngwụra vẹẹrẹ ọnụụ vi --- wa zi ngwụra, we zi fuofu --- maa vaa tọmọ wụ vasha fineenu ami. ¹⁷ Fụvọki waa kaa ki, 'Opisa ọnim vi, maa nyi ogu ọrụrụ, ọi kụ nyi isọnim kue si.' Ama wa zi yẹ ki ẹwụ ọni ụzọngwa za fu, di ayi awụ aa va aza, dụụ vi onriwa, ogueyi ọnri anafụafụ. ¹⁸ Batọ tụni iweọji ami: Shi igoonu one fu akuru shi finụvọ ami, dụ wa zụ vara opisa; shi auru ovụọvụ bẹnẹbẹnẹ du we chire e ku ụshiọnyi afụafụ awụ; shi oriọkụmẹ du ̣wa si ọ muna iri awụ doti we zu si o reẹtẹ. ¹⁹ Aza bo ọnim sirẹyi aani ọnim pa, dim zu ̣wa ọme ̣sẹrẹ ki ẹẹ mẹshẹ aanini. Fụvavọ mụsọfira du we rinẹvarama. ²⁰ Re, ma dinẹ tụni ọpanfuoze, di mee fu oze. Aaviki ọ nyi ẹzẹna wụ ọngwẹ ami, dọ na oze yi mi, mvaa ngwụni ireshi aani, mvee pe e risari, don ze pe mi risari. ²¹ Ẹzẹna ra fụrẹkụ, mvaa si ụmọ yi ọ ki ọ yatụ pe mi tụni ogede ami, vene ẹmi mẹ zẹ fụrẹkụ dim yatụ pe Ada ami tụni ogede aani. ²² Navọ ẹzẹna ra nyi ụtọ, o batọ tụni isẹni Ifẹ Ọnini aa ka yi ichọọchi nini."'"