¹ Inaani dim re uye inavi ọnya, dọ jinẹ fiini irefu. Ọ nyi ọpani ẹẹwu ọnri irẹsu shimba. Do ku ade ọnyọnya tuni ọpani ẹẹwu ẹnẹ, da chẹri irẹsha anyisi tụni irẹsụ aani ọnyọnya. ² Uye inavi ọnọni ọnim re, ọ si mẹi agava. Dọ nyi afụ Irada, irenuu ani dọ si mẹ irenu Idu. Di uye inavi ọshimi ọnọ si ụkata aani yọ, ọnri ogede aani, ọnri ụmọ aani ki ọ si mẹ ijọva. ³ Dọ simẹiki a wụ ọnya ini irẹsu uye inavi ọnọ da, ama da zẹ mẹ ki anava ọbani aani ọ vi. Ẹshẹ keekere vọno sheyi, dẹ vatụra uye inavi ọnọ. ⁴ Dẹ zaa fii fẹkẹ idragọni ọnọ fụvọki ọ si ụmọ aani yi uye inavi ọnọ. Dẹ zaa fii fẹkẹ idragọni ọnọ bẹrẹ ẹ, dẹẹ kaa ka, "Ene vene uye inavi ọnọn kẹ?" ọnri "Ene ve zuu pe e vụrẹvụ kẹ?" ⁵ Aa si irenu yi uye inavi ọnọ, ọna vazụụ ka ofoto ọnri isa anyisi. Da sioze yọ ki ọ si ufẹ ẹbẹrẹva tụra ẹẹva mẹ ụmọ. ⁶ Inaani, di uye inavi shaa renu, dọ ka isaanyisi shi Oshomoshi: ki isa anyisi shi irẹsha aani, izẹni ọ ra, ọnri ẹnẹna ra ineeku. ⁷ Aa sioze yi uye inavi ọnọ ki o pe anọdọwụ nini kurẹkụ doti ọ fụrẹkụ aanini. A zẹ si si ụmọ yọ tụra irẹsụ anda, aza, irarẹ ọnri irẹkụravabẹ bo. ⁸ Ẹnẹ ẹna yẹshẹ bo vaa fẹkẹ ẹ; ẹnẹnọvi ki azẹ zi chẹri irẹsha aanini tuni Iwe Ẹshẹ, fụri ụmẹ ana fụrẹ mẹ ẹshẹ, ini iwe Ẹshẹ, ọna vi ozi atẹmẹ ọna wụ da. ⁹ Ẹzẹna ra nyi ụtọ, o batọ. ¹⁰ Aaviki ọ nyi ẹzẹna vaa zaachire, ọzizachire ọna vaa zaachire. Aaviki ọ nyi ẹzẹna vaa si itakovi wụ, itakovi ọna va sii wụ ọ. Ọnọni vọna si shi ẹnẹna vi ọza ọnini ki ẹ navọ dẹ nyi ọsiẹngwụdọ ọnri ọdọwụ ini irẹyi Oshomoshi. ¹¹ Inaani, dim re uye inavi ọsa ki ọ jinẹ fiinẹtẹ. Ọ nyi ọpani ẹẹva vene oziatẹmẹ, dọọ karẹyi vene idụragọni. ¹² Dọ si ụmọ uyi inavi ipaapa mẹ ụkata ini ọvidi aani, dọ mẹ ki ẹtẹ ọnri ẹnẹna yinẹẹsụ ẹtẹ ̣ki ẹẹ sụbani yi uyi inavi ipaapa --- ọni anava ọbani aani si vi. ¹² Dọ si ụmọ uyi inavi ipaapa mẹ ụkata ini ọvidi aani, dọ mẹ ki ẹtẹ ọnri ẹnẹna yinẹẹsụ ẹtẹ ̣ki ẹẹ sụbani yi uyi inavi ipaapa --- ọni anava ọbani aani si vi. ¹³ Dọ mẹ isa oshishozeyi ọbani. Dọ vana zẹ mẹ ki ira o chi fụri ẹbẹẹba va ngwụ ẹtẹ inọvidi aza. ¹⁴ Dọ ji anẹshẹ vene zirẹngwụ ami ana si oze yọ ki ọmẹ. Dọ kaa yụ wa ki ẹ tụra ụmama ọnẹva sii si ụbani yi uye inavi ọna nyi anava tụ izẹna ya ka itakovi, ama do rezi su. ¹⁵ Aa sioze yọ ki ọ si ifẹ yi ụmama uyi inavi, di ụmama ọnọ ọkarẹyi, dọ mẹ ki aza bo ene reyi ki ẹne ̣zaa fẹkẹ uye inavi ka wụ wa. ¹⁶ Dọ zẹ si ụkata mẹ ki aza bo, shi oweyi, shi ọbani, opisa ọnri oniriwa, shi ọrishi ọnri ozireshi, ki ẹ dọ ọtẹrẹwa tụni ụvọri aanini navẹki ini ibe. ¹⁷ Ọzi nyi ọzọnzọnyi ana zụ na isa ọnọ nyi, navẹki ana zụ shi isa, ọchishi ki ọ nyi ọtẹrẹwa uye inavi ọnọ, ana vi irika ọna dinẹ yi irẹsha aani. ¹⁸ Ụvira ọna va sii za irẹyi ọnọni. Aaviki ọ nyi ọzọnzọnyi ana nyi ọyiyẹ ana ngwụnẹ, ọ navọ ọ za irika uye inavi ọnọ vabẹ bo. O vee re ki isa ọnọn zika vabe, vi irika ọza rẹyi irẹsụ. Irika aani vi 666.