¹ Ijesu maa paraafụ, do re ogụri ọnọvi ka avọ aa mẹ maa. ² Eziafụ aani ẹ fọ ọ ka, "Irabayi, ẹnẹ chamayi kẹ, ọnọrụ ọnọni navẹki ẹnẹna maa, ana mẹ ka maa ogụri?" ³ Di Ijesu voshi ka, "aivi ọnọrụ ọnọni, navẹki ẹnẹna maa ẹẹ chamayi. Ama, fụvi di azụ zirẹngwụ aani sụkọrọ Oshomoshi zu. ⁴ Mi bẹdọ mụkọrọ ọzẹna tụ mi ini ụmọọdụ, fụvọki irafụ aa vẹ ọni ọzọnyọnyi rai kụ zụa mụkọrọ. ⁵ "Ẹmi a vi ẹtofei ẹshẹ ini ụmọni mi yi nẹshẹ."̇ ⁶ Inaama ọni Ijesu karẹyi ẹnẹni da, ọọ jatẹ tụ inẹtẹ, dọ siọ mẹ ụvụ, dọ kụo mụna irii. ⁷ Dọ kaa yọ ka, "Waa na, na fụenyi ini adagụ Isinoamụ (ọni ọshafụsha ani vi: ọtitụ)." Dọ ọnọrụ ọnọ na, do fụenyi, do kụe retẹ. ⁸ Ẹfiavọ, di anadụbo ọnọrụ ọnọ ọnri ẹnẹna bidi ree, ọọ maa pisa, aa fẹngwụ ka, "Aivi ọnọrụ anạ bidi yatụ tụ iẓọni, dọ pisa aavọ yi?" ⁹ Azẹnyi ka, "Ọni yọọ" Di azẹnẹsa ka, Eeye, oo ve nee.̣ Ama, do tụoshi ka, "Ẹmi yọ."̇ ³² Ẹshẹ mẹ fụrẹ vẹrẹ, azẹ zi wi wụ yẹyẹ, ki a sha iri ọza one gụ iri fini inọ ọnyani jinẹ vẹ. ³³ Ọza ọnọni ra zi fidi Oshomoshi vẹ, ọizụa mẹ isọnyọnyi." ³⁴ Di ẹ tụoshi ka, "Ini aichama ọbani ana ya ma wụ, dụ waa zụ yi isa?" De nee na jinẹ. ¹³ Dẹ si ọzọnọ ene bidi gụri vetụ Ifarisi nin. ¹⁴ Ọkụshi Isabaati ọni Ijesu tụvụ, dọ siọ sha irii. ¹⁵ Ụmọnọ, di Ifarisi nini zẹ fọ ọ ka, ọ mẹmẹ shawụ irii kẹ? "Ọọ kụ ụvụ mụna mi irii, dim na nyina, dim kụ ve retẹ ọmẹyani." ¹⁶ Di Ifarisi ẹnyi ka, "Ọzọnọni ọzi fidi Oshomoshi vẹ fụvọka ọzi si ọkụshi Isabaati tẹtẹ yi ụkọrọ." Di azẹnẹsa ka, anaichama mẹ va zụụ mụkọrọ oshishozeyi ẹnẹni?" Dẹ si ga tụ oze ẹẹva. ¹⁷ Dẹ zẹ fọ ogụri ọnọ̣ ka, Sụ ka inọpati aani, ọmẹvi ka ọnọ sha wụ iri aani.̣ Di ezene bidi gụri ọnọ ka, "Ọkisẹ ọnọ vi." ¹⁸ Ani Ijuu ẹnẹ ẹ zi dọ zẹ ka ọzọnọni oo bidi gụri, ọọ zi vi ẹfi ẹnẹ vaa shi ọnya aani ọnri ada aani, dẹ fọ ọ wa. ¹⁹ Dẹ fọ ada ọnri ọnyi aani ka, "Ozi awụ nini wayọ, ọnụ kụ wa maado gụri? Amẹ maawa yọ?" Ọmẹ mẹ vee retẹ ọmẹyani." ²⁰ Di ẹnẹna ma tụoshi ka, "Yaa yẹ ka ozi ayi yi ọnri ka o gu iri fini ininẹ. ²¹ Ọ mẹmẹ vee retẹ, ya zi yẹ. Ẹzẹna sha irii, ya zi yẹ. Fọọ nini. Ọikụ vi ozoweyi, ọ vaa zụ voshi yi ẹngwụ aani." ²² Angwashi ọni ọnyani ọnri adani si tụoshi, fụvọki ani Ijuu ẹẹ si ọma vi ọnya ka, azẹna ra kaa ki Ijesu vi Ikristi vana vaa dụ fini Isinagọgụ. ²³ Fụvavọ, ọni ọnyani ọnri adani si ka kẹ fọ ọ, ọikụ vi ozi weyi." ²⁴ Dẹ zẹ varama shi ọnọrụ ene bidi guri ini ụpọfụva, dẹ kaa yọ ka, "Si ụga yi Osho-moshi. Yaa yẹ ka ọnọrụ ọnọ anaichama ọnọvi." ²⁵ Ẹfi ọnọ, di ọnọrụ ọnọ tụoshi ka, Ma zi yẹ tụka anaichama ọnọvi. Isa ọnya ọni mi yẹ ọnọ vika, ma bidi gurii, ama mee retẹ ọmẹ̵yani." ²⁶ Dẹ fọ ọ ka, "Sọ mẹ shụ wụ kẹ? Ọ mẹ mẹ sha wụ irii?" ²⁷ Do ṭụoshi ka, "Ma bidi kaa yụ wụ nini da, we zi batọ nin. Sụ zee si ki wa varama wụ nini? "We zi si kụ wa vara eziafụ aani nini, navẹ!. ²⁸ Dẹ kụọ ụfụ, dẹ ka eziafụ aani ụ vi, ama di ẹyi vi eziafụ Imosisi. ²⁹ Yaa yẹ ka Oshomoshi o pe Imosisi karẹyi, ama, yazi yẹ izi ọnọni fụrẹ vẹ." ³⁰ Di ọzọnọọ tu wa oshi ka, "Irẹyi oshisho-zeyi yọ ka wazi yẹ izọ furẹ vẹ nin, ama ọ sha mi irii da." ³¹ Yaa yẹ ka Oshomoshi ọ ma wụ ọngwẹ anaichama, ẹzẹna raa mi isa ọnini, dọ za mi osisi Oshomoshi, ọnọ wụ ọngwẹ aani. ³² Ẹshẹ mẹ fụrẹ vẹrẹ, azẹ zi wi wụ yẹyẹ, ki a sha iri ọza one gụ iri fini inọ ọnyani jinẹ vẹ. ³³ Ọza ọnọni ra zi fidi Oshomoshi vẹ, ọizụa mẹ isọnyọnyi." ³⁴ Di ẹ tụoshi ka, "Ini aichama ọbani ana ya ma wụ, dụ waa zụ yi isa?" De nee na jinẹ. ³⁵ Ijesu mẹ wụ ka, ẹ dụ ọzọnọ jinẹ fini isinagọgụ. Do sio, do ree, dọ fọ ọ ka, ụ wa di Ozi Ọza wụ?" ³⁶ Di o voshi, dọ ka, Ẹni ọzọnọọ vi kẹ Ananyimi, di ma zụ dọ wụ?" ³⁷ Di Ijesu kaa yọ ka,"We ree da, Ọni ọ nee pe wụ karẹyi aani." ³⁸ Di ọnọrụ ọnọ kaa, "Maa dọ wụ Ananyimi." Dọ fẹkẹ ẹ. ³⁹ Di Ijesu ka, "Maa vẹ ẹshẹ va mi ishọji doti ẹnẹne zi retẹ, e retẹ, di enene e nee retẹ, e zụ gụri." ⁴⁰ Ifarisi ẹnyi ana ya pee, mẹ wụ irẹyi ẹnẹni, dẹ fọ ọ ka, "Ẹyi wa zẹ vi ogụrii?" ⁴¹ Di Ijesu kaa yụ wa ka, "Aaviki we gụri nin, wa zaa nyi aichama nini, ama, ọmẹyani, 'Yee retẹ,' aichama awụ nini vana yi yinaani."