¹ Ijesu ọọ shirẹ ni irẹsụfa Onivi. ² Ini ajụveni, dọ zẹ vi ini itẹmpụrụ. Aza ẹrụrụ ẹẹ vẹ, dẹ yatụ dọ zụ wa isa. ³ Di ọzụọza ụmọ nini ọnri Ifarisi nini si ọnyẹnẹ ọnyi ẹnẹ za ka ọọ sẹrẹka inụvọ ve tụ Ijesu. Dẹ si ọ tụni akaakana. ⁴ Dẹ kaa yi Ijesu ka, "Ọzụọzisa, aa za ọnyẹnẹẹ ọnọni izọ yaa sẹrẹka. ⁵ Ini ụmọ Imosisi ọ kaa ki, a si irẹta wụ ẹngwụ aza ẹnẹni; ụ mẹ ka inọpati aani kẹ?" ⁶ Irẹyi ọnọni vẹnẹ si vi irẹpa yọ, doti e re isa sụvọ za, ji ivi yọ. Ama, di Ijesu nyima, dọ si ụvọ ọ chẹrẹ isa tụ nẹtẹ. ⁷ Ẹ mẹ vaa fii fọ ọ, di Ijesu kwẹtẹ, dọ ka, "Ọọ nyi ọzọnyọnyi ini akaakana wụ nini, ana rai chi chamayi, ọzọ ọnọ ọ bidi ne irẹta nya." ⁸ Dọ zee nyima, dọ sụvọ chẹrẹ isa tụ nẹtẹ. ⁹ Ụmẹ ẹ maan si wụ, dẹ vẹrẹ aa fi izọ ọnyọnya, vẹrẹ fini ọzọku nini. Ụmono tụ, dọ si vi Ijesu ọnri ọnyẹnẹ ọnọ renya. ¹⁰ Di Ijesu kwẹtẹ, dọ fọ ọ ka, "Ẹwụ ọnyẹnẹ, ẹnẹna va tụrẹka irẹyi awu wọ? Ọ wa nyi ọza anini ọnya ana ji ivi wụ." ¹¹ Dọ voshi ka, "Ọ zi nyi Ạnanyimi." Di Ijesu ka, "Ẹmi nyẹmbẹ ma zi ji ivi yụ wụ. Waa na, asuụ̣ kụ chamai." ¹² Di Ijesu zẹ kaa yụ wa ka, "Ẹmi ọnọ vi ẹtofei ẹshẹ, ọza ana raa vatụra ami, ọ zaa zụsẹ ini oozi, ọ vaa nyi ẹtofei ẹshẹ." ¹³ Di Ifarisii nini kaa yọ ka, "Waa divenụ ẹngwu awụ, iveenụ ọnọ ọ zi vi irẹiza." ¹⁴ Di Ijesu tụ wa oshi ka, "Maa daka divenụ ẹngwụ ami, irẹiza ma ka. Maa yẹ izi mi fụrẹ vẹ, dim yẹ izi maa nọ, ama ẹwụ nini ọzi yẹ izim fụrẹ vẹ, navẹki izi maa nọ. ¹⁵ Waa jishi nini inoze ẹchẹngwụ; ẹ mazi mi ishọji yi ọzọnyọnyi. ¹⁶ Ama, shi maa daka jishi, ishọji ami vi irẹiza, fụvọki mazi vi irenya, ama ma ya pe Adami ana tụ mi. ¹⁷ Ini ofi awụ nini, aa chẹrẹ ka, azẹnẹva raa divenụ tụ ini irẹyi, irẹyi ọnọ vi irẹiza. ¹⁸ Maa divenụ inọpati ẹngwụ ami, di Adaa ana tụ mi zẹ divenụ inọpati ami. ¹⁹ Dẹ fọ ọ ka, "Ada awụ wọ?" Ijesu o tụoshi ka, "Wa zi yẹ mi navẹ̣ki Adaa mi nini. Waa yaan yẹ mi, ụ yaan zẹ yi yẹ Adaa ami nini." ²⁰ Ọọ karẹyi ẹnẹni akiza yaa tụ ẹkẹshi ini itẹmpụrụ ọ mẹ zụ wa da, ọzi nyi ẹzẹna za a fụvọki ẹfi aani oi titụ. ²¹ Dọ zẹ varama kaa yụ wa ka, "Maa na, ụ vee si mi nin, dụ sụ ini aichama awụ nini. Wai zụa vi izi maa nọ nini." ²² Di ani Ijuu ẹnẹ ka, "Ọ wa vaa wụ ẹngwụ aani?" Fụvavọ ọnọ wa si ka ki, 'Wai zụa vi izi maa nọ nini?" ²³ Di Ijesu kaa yụ wa ka, "Ẹshẹ ọnọni ọnụ fụrẹ vẹ nini, Ẹmi vana fụrẹ ẹbẹẹba vẹ. Ayi ẹshẹ ọnọni ọnụ vi nini; mazi vi ayi ẹshẹ ọnọni. ²⁴ Fụvavọ ma si kaa wụ nin ka, ụ vee sụ ini aichama awụ nini. Aziviki ụ dọ wụ ka, 'ẸMI YỌỌ,' ụ vee sụ ini aichama awụ nini." ²⁵ Dẹ fọ ọ ka, "Ẹnụ vi?" Di Ijesu tụoshi ka, "Ẹzẹni mi kaa yụ wụ nini fini ivẹrẹ ki maa vi." ²⁶ Ọọ nyi isa ọrụrụ ọni mi yaan zụ ka, di ma si ji ivi yụ wụ nini. Ama, ẹzẹna tụ mi vi ọni rẹiza; onri ka, isim wụ fini ụvọ aani, ọni maa ka yi anẹshe.̣" ²⁷ Ẹ zi yẹ ka irẹyi Adaa ọnọ kaa yụ wa. ²⁸ Ijesu ka, "Ụmẹ ọnụ raa si Ozi Ọza tụẹẹba da, ọnụ vaa yẹ nini ka, Ẹmi yọọ ọnri ka isa Adaa zụ mi, ọni maa ka, ọzi nyi isọnsọnyi ọnim da mẹ yẹngwụ ami. ²⁹ Ọzọna tụ mi, ọọ ya bẹrẹ mi ọnri ki ọzi fụrẹ mi ụvọ fụvọka isọ si mi, ọni maa mẹ ini ẹfi bo." ³⁰ Aza ẹrụrụ ẹ di Ijesu wụ, ọ mẹ maan karẹyi ẹnẹni. ³¹ Di Ijesu kaa yi ani Ijuu ana dọ ọ wụ ka, Waa dinẹ tụ ni irẹyi ami, ẹfiavọ ọnụ vi eziafụ ami irẹiza nini. ³² Ụ vaa yẹ irẹiza, di irẹiza ọnọ tụ wụ nini fini ọrishi. ³³ Dẹ tụoshi ka, "Ezi irama Abrahamụ ọni vi, ọzi nyi ụmẹ oni si vi ọrishi yi ọzọyọnyi. Ụ mẹ va sii ka ki, A vaa tụ yi fini ọrishi." ³⁴ Di Ijesu voshi ka, "Inirẹiza, inirẹiza, ọnim kaa yụ wụ nin ka, ọzatụrọza ana raa chamai vi ọrishi aichama. ³⁵ Ọrishi ọ ma ra ineshi poro-pooro. Ozi ọnọ ra ineshi poro-pooro. ³⁶ Fụvavọ, ozi raa ngwara awụ tẹtẹ, a vaa ngwara ụ tẹtẹ ini irẹiza. ³⁷ Maa yẹ ka ezi rama Abrahamụ ọnụ vi nini. Ama, we si kụ waa wụ mi nini fụvọka irẹyi ami ọzi re irasha ya ini ọtụtụrụma awụ nini. ³⁸ "Maa ka irẹyi ọnim re fidi Adaa mi, dẹ ẹwụ nini zaa mi isa ada wụ ka yụ wụ nini." ³⁹ Dẹ tụoshi ka, "Abrahamụ vi ada yi." Di Ijesu kaa yụ wa ka, "Waa yaan vi ozi Abrahamụ, ụ yaan mẹ isọni Abrahamụ ṃẹ nini. ⁴⁰ Ama, wee si kụ wa wu ̣ẹmi ana karẹiza, ọnim wụ fidi Oshomoshi yụ wụ nini. Abrahamụ ọ zi mẹ ẹnẹni. ⁴¹ Isa ada wụ nin mẹ, oni wa mẹ nini." Dẹ kaa yọ ka, "A zẹ zi sẹrẹka ma yi, Adaa ọnya ọni nyi: ana vi Oshomoshi." ⁴² Di Ijesu kaa yụ wa ka, "Aaviki Oshomoshi ọ si vi anda ụ nini, ụ we vee sirẹyi ami nini fụvoki ida Oshomoshi ọnim fụrẹ vẹ. Ọnọ tụ mi vẹ; mazi tụ ẹngwu ami. ⁴³ Sẹnẹvẹ di irẹyi ami re zi ye ụ nini kẹ? Fụvọki wai zụa wụ irẹyi ami nini. ⁴⁴ Ayi ada wụ eshụ ọnụ vi nini, ọnri ki we si kụ wa mẹ isa ọni ada wụ nin si. Ọwụọza ọnọvi fi ini ivẹrẹ, ọnri ọ ma dinẹ tụ ini irẹiza fụvọka irẹiza ọzi yi ininẹ aani. Ọọ nyi apinẹ, ọ mẹ ya gẹdẹ-gẹdẹ, ọnọ sii zụ aavọ, fụvọka ọnapinẹ ọnọvi, dọ vi ada apine. ⁴⁵ Ama, fụvọki maa karẹiza, wazi dọ mi wụ nini. ⁴⁶ Yere ọza ọnya awụ nini ana va zụ kaa ki ma chamayi? Maa va karẹiza, sẹnẹvẹ dụ raa zi dọ mi wụ nini? ⁴⁷ Ẹzẹna vi ayi Oshomoshi, va naa wụ irẹyi Oshomo-shi; waa ma dọ wụ nin fụvọki wazi vi ayi Oshomoshi nini. ¹⁰ Dẹ vaa fọ ọ ka, amẹmẹ shawụ irii kẹ? ¹¹ Do tụoshi ka, "Ọza anaa shi Ijesu ọọ tụvụ, dọ kụo mụna mi irii, dọ ka, waa ni inadagụ Isinoamụ, dụ wa na fụenyi." Dim na fụenyi, dim kụe retẹ." ¹² Dẹ fọ ọ ka, "Izọ ya?" Do tụoshi ka, "Ma zi yẹ." ⁵⁰ Aivi ụbani ẹngwụ ami oni mee si; ọ nyi ọza enee si ụbani, dọọ mẹ ishọji. ⁵¹ Inirẹiza, inireiza, ma ka yụ wụ nini, ẹzẹna raa vatụra irẹyi ami ọikụ ve re isụ." ⁵² Di ani Ijuu kaa yọ ka, Yaa yẹ ọmẹyani kụ waa nyi ifẹ azeeshi. Abrahamụ ọnri ọkisẹ nini ee sụ, ama ẹwụ ka, "Ọnyi ọza ana vatụra irẹyi ami, o zee ri isụ." ⁵³ Wazi bani fụni ada yi Abrahamụ ene sụ, navẹki we fụna? Ụwa bani fụni ọkisẹ nini ene ze sii si sụ da. Sẹnụ shi ẹngwụ awụ kẹ." ⁵⁴ Di Ijesu tụoshi ka, "Aavi ẹmi aa sẹngwụ ami tụẹẹba, ụbani ọnọ ọzi vi isọnsọnyi; Ada mi ọnọ si mi tụẹẹba, ọnụ ki ọ vi Oshomoshi awụ nini. ⁵⁵ Wazi yi yẹ Ọni nini, ama ẹma yẹ Ọni. Ma ki mazi yẹ ẹ, 'dim si vi anapinẹ vene ụ nini.' Maa yẹ ẹ, dim sụvọ za irẹyi aani. ⁵⁶ Inẹ ada wụ nini Abrahamụ o shine ini orire ọkụshi ami. Oo ree di inẹ aani shine." ⁵⁷ Di ani Ijuu ka, "Wa zi gigụ irayi ẹbẹrẹẹva-rẹẹwụ, dụ re Abrahamụ da?" ⁵⁸ Di Ijesu kaa yụ wa ka, "Inirẹiza, inirẹiza, ma ka yụ wụ nini, da tangwa va ma Abrahamụ, ọnim fụrẹ yi inaani." ⁵⁹ Ụmavọ, dẹ kụ irẹta ka, ene vee ne Ijesu yọ. Ama, di Ijesu vụtẹ, dọ jinẹ fini itẹmpụrụ.