¹ Ijesu mẹ karẹyi ẹnẹni da, dọ vi eyi shirẹ dọ ka, "Adaa, ẹfi ọnọ otụ, sụga yi Ozi awụ, di ozi awụ ọ zẹ sụga yụ wụ, ² venebiri ụmẹ si ụmọ yi ọ fụvi aza bo, di zụ si ẹshẹ poro-pooro yi ẹnẹnụ si chire e ụvọ. ³ Ọnọni ọ vi ẹshẹ poro-pooro ka, ẹ zụ yẹ ụ renya ana vi Oshomoshi ọnri Ijesu Ikristi ọnụ tụ. ⁴ Maa si ụga yi wụ inẹshẹ. Maa mukọrọ ọnu si yi mi ki ma va mẹ bo da. ⁵ Ọmẹyani, Adaa, si ụga u zu; ụga ọni ẹmi rẹwụ nyi da tangwa va mẹshẹ. ⁶ Maa si irẹsha awụ zụ aza ọnụ kụ yi mi inẹshẹ . Ayawu ẹnẹ vi, du kụ wa yi mi, ẹẹ sụvọ zarẹyi awụ. ⁷ Ẹẹ yẹ ki isa bo ọnụ si yi mi vana fi idawụ vẹ; ⁸ fụvọki maa karẹyi ọnụ si yi mi bo yụ wa da. Ẹẹ dọ mi wụ, dẹ yẹ ini irẹiza ka, idawụ ọnim fụrẹ vẹ, dẹ zẹ di dọ wụ ka ẹwụ aa tụ mi vẹ. ⁹ Maa tụozụrenụ yụ wa. Ẹni ọnu si yi mi, ama ma zi tụozụrenụ yi anẹshẹ bo, ama ẹnẹnụ si yi mi fụvọka ayawụ ẹnẹ vi. ¹⁰ Isọni mi nyi bo vi ayawụ, di ayawụ vi ayami, dim zirẹngwụ anini nyi ụga. ¹¹ Maikụ yi inẹshẹ, ama aza ẹnẹni yi inẹshẹ ọnri ki mee vee tụ wụ. Adaa Ọnini, daka kụ wa tẹ ini irẹsha awụ ọnụ si yi mi, dẹ zụ vi ọnya, ẹmi rẹwụ mẹ vi ọnya. ¹² Mmẹ ya pee wa, ma kụ wa tẹ ini irẹsha awụ ọnụ si yi mi. Maa seyi pe wa. Ọ zi nyi ọzọnyọnyi anini ene vụ, ọzi vi ọza ovivụ ana bẹrẹ wa, doti irẹyi ana chẹrẹ tẹtẹ tụ ini iwe ọnini, ọ zụ sẹ. ¹³ Maa vi ida wụ ọmẹyani, maa karẹyi ẹnẹni mmẹ ya pe wa inẹshẹ, fụvi di ma zụ si ụjẹ oshishi yụ wa. ¹⁴ Maa karẹyi awụ yụ wa, di anẹshẹ̣ aa kụayi anini fụvọki ẹ zi vi ayi ẹshẹ vene mmẹ raa zi vi ayi ẹshẹ. ¹⁵ Mee zi fisụe ki wa kụ wa fụrẹ ẹshẹ, ama, dọ wa tụ fi inụvọ ọza ọshimi ọnọ. ¹⁶ Ẹ zivi ayi ẹshẹ ọnọni, vene mmẹ ra zị vi ayi ẹshẹ. ¹⁷ Si irẹiza awu shawa tụ, irẹyi awụ vi irẹiza. ¹⁸ Maa tụ wa ni nẹshẹ, vene u ̣mẹ tụ mi vi nẹshẹ. ¹⁹ Fụvọ anini maa shẹngwụ ami tụ yụ wa, doti ẹ zu ̣shẹngwụ anini tụ ini rẹiza. ²⁰ Aivi ẹni kẹnẹ ọnim otụozụrenụ yi, ama shi ẹnẹna vaa zirẹngwụ anini dọ mi wụ, ²¹ ki ẹnbo ọ vi ọnya, vene ẹwụ Adaa, mẹ yi ininẹ ami, di ẹmi zẹ yi ininẹ awu. Ma tụozụrenụ kẹ zụ yi ininẹ ayi doti anẹshẹ ẹ zụ dọ wụ kẹ waa tụ mi. ²² Ụga ọnu si yi mi, ọni ẹmi zẹ si yụ wa, doti ẹ zụ vi ọnya vene imẹ vi ọnya. ²³ Ẹmi yini ininẹ anini, dụ yi ininẹ ami, doti ẹ zụ vara ọnya bo, fụvọ di anẹshẹ ẹ yẹ ka, ẹ waa tu mi, ka mee sirẹyi anini vene ụmẹ sirẹyi ami. ²⁴ Adaa, mee si ka ẹnẹ ọnụ si yi mi, ẹ yi izi mi raa ya, dẹ ree ụ̣ga ami; ụga ọnụ si yi mi di tangwa va mẹshẹ, fụvọka wee sirẹyi ami. ²⁵ Adaa ọni rẹiza, anẹshẹ ẹ zi yẹ wu, ama, ẹ maa yẹ wụ, di ẹnẹni yẹ ka ẹ wa tụ mi. ²⁶ Maa mẹ kẹ yẹ irẹsha wụ. Avọọ mmẹ va mi mẹ tụọ kẹ yẹ wụ, fụvọ di osisi ọnụ nyi yi mi, ọ zụ yi ininẹ anini, ọnri ka di ma yi ininẹ anini."