¹ "Maa karẹyi ẹnẹni yụ wụ fụvọ asụ na varama nini. ² E vee ne wụ nini jinẹ fini isinagọgụ. Ẹfi aa vẹ, dọvika, ẹni ana wụ ụ nin, de ro ka ẹna mụkọrọ yi Oshomoshi. ³ Ẹ vaa mẹ isa ẹnẹni fụvọka ẹ zi yẹ Adaa navẹki ẹmi. ⁴ Maa karẹyi ẹnẹni tụọvidi yụ wụ, ẹfiavọ dụ wa zụ tamayi ki maa bidi ka a yụ wụ nini ụmẹ ree tụ. Ma zi karẹyi ẹnẹni yụ wụ fini ivẹrẹ, fụvọki maa ya pee wụ nini. ⁵ Ama me nee tụ ẹzẹna tụ mi ọmẹyani, ọzi nyi ọza awụ nin ọnyọnyi ana fọ mi ka, 'Izi ụ waa nọ?' ⁶ Ama fụvọki ma karẹyi ọnọni yụ wụ nini, di inẹ awụ nin sidụ. ⁷ Ama inirẹiza ma ka yụ wụ ka, o vee zoza ki ma na. Fụvọki maa zi na, ofufu-ọza ọnọ ọ zaa vẹ, ama maa na, mva tụọ ọ shi ụ nini. ⁸ Ụmọni ofufu-ọza ọnọ raa vẹ, ọ vaa si aichama ẹshẹ zụ, shi irẹiza ọmimẹ ọnri ishọji: ⁹ inọpati aichama, fụvọka ẹ zi dọ mi wụ; ¹⁰ inọpati ọmimẹ anasẹrẹ, fụvọki maa ni idi Adaa, weikụ ee ree mi nini; ¹¹ ọnri ka ini ishọji, fụvọki aa ji ivi yi oshinọyi ẹshẹ ọnọni da. ¹² Maa nyi isa ẹrụrụ ọni mi yaan ka, ama o zee ye wụ nin ọmẹyani. ¹³ Ama ụmọni Ifẹ anaa si irẹiza zụ ọnọ raa vẹ, ọ vaa zụ wụ nini naa ngwụ ini irẹiza bo. Ọ zaa darẹyi kaa yẹngwụani. Irẹyi ọnọ raa wụ, ọni ọ vaa kaa yụ wụ, dọ kaa yụ wụ nini isa ẹna vaa mẹ. ¹⁴ Ọ vaa si ụga yi mi, fụvọka ọọ vaa si fini irẹyi ami, dọ kaa yụ wụ nini. ¹⁵ Isa bo ọni Ada nyi vi ayami. Ọnọ mẹ ki ma kaa yụ wụ nin ka Ifẹ Ọnini vaa sii fiini isa ana vi ayami, dọọ kaa yụ wụ nini. ¹⁶ Ini ẹfi keere, wei kue re mi nin; ọọ zẹ naa daa mẹ che, duu ze re mi nini." ¹⁷ Ụmavọ, di eziafụ aani ẹnyi aa fọ ẹngwụ ka, "Sẹnẹvi afụ irẹyi ọnọ ka yi kaa, 'Ini ẹfi chee, wei kụe re mi,onri oo ze ku cheẹ, ụ vee re mi nini,' ọnri ka, "fụvọki maa ni idi Adaa'?" ¹⁸ Fụvavọ dẹ ka." Ọ mẹ kaa aani kẹ, ka inẹfi chee?" ya zi yẹ irẹyi ọnọ ka inọpati aani." ¹⁹ Ijesu oo re ka ee si ka ẹni vaa fọ ọni, dọ fọ ka, "Sụ waa fọ ẹngwụ tụ ka sẹnẹvi afụ irẹyi ọnim ka, oo ku chee wei kụe re mi nini. Oo ze ku chee ụ vee re mi nini." ²⁰ Inireiza, inireiza, maa kaa yụ wụ nini ka, ụ vee sụ ne, dụ waa mụnayi nini, di anẹshẹ aa jẹ. Ọtụtụrụma awụ nini vee dụ, ama inẹ oodụ awụ vaa vara ụjẹ. ²¹ Ọnyẹnẹ raa barẹyẹ, dọọ nyi inoodu fụvi ozi ọnọ vaa ma. Ama, o si ozi ọnọ ma tẹtẹ, di ayi shio, fụvi ụjẹ ọnọ vaa nyi ka, ono mozi da. ²² Waa nyi inẹ oodụ ọmẹyani, mva varama re wụ, di ọtụtụrụma awụ nini oo shi yi ụjẹ ọni ọzọnyọnyi rai zụa dọ fini ụvọ awu nini. ²³ Ini ọkụshi ishọnọ, wei kụa fọ mi ipẹpẹẹ ọnyọnyi. Irẹiza ma ka yụ wụ ka, waa si irẹsha ami fisụe isọnyọnyi fini ụvọ Adaa, ọ vaa siọ yụ wụ nini. ²⁴ Vẹ vangwụ ụmaani, wei fi fisụe isọnyọnyi ini irẹsha ami. Fisụe, ụ vee ree dọ, dụ ụjẹ awụ oo shi nini. ²⁵ Maa si ụshioche karẹyi ẹnẹni yụ wụ nini, ama ẹfi aa vẹ, ọnim rai kụa sii ụshioche irẹyi karẹyi yụ wụ nini, dim kụa sha irẹyi sha kaa yụ wụ nini inọpati Adaa. ²⁶ Ini ọkụshi ọnọ, ụ vee fisụe ini irẹsha ami, ma zi kaa yụ wụ nini, kim vee bere wụ tụozụrenụ shi Adaa yụ wụ. ²⁷ Adaa nyẹmbẹ oo sirẹyi awụ fụvọki wee sirẹyi ami, dụ dọ wụ ka idi Adaa ọnim fụrẹ vẹ. ²⁸ Maa fi idi Adaa vi inẹshẹ. "Tụọvidi, ma fini inẹshẹ, dim zaa varama ni idi Adaa." ²⁹ Di eziafụ aani ka, "Ree, waa shafụ irẹyi sha yi yi ọmẹyani, wa zi ka ụshioche irẹyi. ³⁰ Yaa yẹ ọmẹyani ki waa yẹ isa bo, ọikụ nyi ka ọza ọ fọ ụ ipẹẹpẹ. Fụvi ọnọni, yaa dọ wụ ka idi Oshomoshi ọnụ fụrẹ vẹ." ³¹ Di Ijesu voshi ka, "Ụ wa vaa dọ wụ nini ọmẹyani." ³² Ree, ẹfi aa vẹ, oo vene tụ da, dụ gara fụrẹ mi irama nini, di ọzọọza aa neeshi aani. Tụavọ-tụavọ, ma zi vi renya, fụvọka Adaa ọọ ya pee mi. ³³ Maa karẹyi ẹnẹni yụ wụ, dụ wa zụ nyi ẹngwọrọ inẹ ami. Ụ vee re ẹkata-ẹngwụ ọnri ụyọọri inẹshẹ, ama sikamarenụ: maa fụrẹkụ ẹshẹ da.