¹ Izẹni irazi ọnri ẹshankata fụrẹ inakaakana awụ nini kẹ? Avi fini osisi awụ nin ọnọvi kụwa zirazi ini inakaakana awụ nini? ² Wee si, ama wazi nyi nini. Waa wụ, dụụ dọza mẹ ayawụ nini, dụụ raizụ nyi nin. Waa vụrẹvụ, dụwa zirazi nini. Wazi nyi nin, fụvoki wezi fisụe nini. ³ Ụmẹ vene fisụe nin, we zi ree dọ, fụvọki wezi fisụe inoze ene zoza, fụvọki dụ wezụ roze noo inoze ọnụ wee si nini. ⁴ Ẹwụ ọsẹrẹka nin! Waa zi yẹ ka ẹnẹna ra vi ọta anẹshẹ, ẹnẹvi ọnivi Oshomoshi? Fụvavọ, enene re si ki, ọnọvi ọta anẹshẹ, vaa mẹngwụ aani ọnivi Oshomoshi. ⁵ Ụ we roo ka osụsụ ọni iwe ọnini si kaa ki, "Ọni Ifẹ ee si yiyi, vana kụshini ini ẹngwụ ayi kokoro"? ⁶ Ama Oshomoshi ọọ si ọiza-ọfẹ, venebiri iwe ọnini mẹ kaa, "Oshomoshi o veyi irazi ki ẹnẹna ra kụ ẹngwụ tụẹba, ama dọ va si ọiza ọọfẹ yi ẹnẹna kẹngwa anini chi." ⁷ Fụvavọ, si ẹngwa awụ chire Oshomoshi ụvọ. Veyi irazi ki eshụ, o vee zụe kavana fida awụ. ⁸ Waa vẹ, dụ wa kavape Oshomoshi, ọva kavape wụ. Nyini ụvọ awụ, ẹwụ nini anaichama, dụ wa mi ọtụtụrụma awụ ọnini, ẹwụ nini ọna mayi ẹvẹẹva. ⁹ Che-ẹngwụ, karẹsụshi, dụwe sụne! Navọ di ụnyii awụ, ọ vara ine oodụ, dii ụjẹ awụ ọ vara inẹ oodụ. ¹⁰ Kẹngwa wụ chi inọvidi Ananyiyi; Ọ vaa ka wụ shirẹ. ¹¹ Ẹwụ nin ẹnyarami, asu kachire ẹngwụ nini. Ẹzẹna ra kachire ọnyara aani navẹki, dọ jishi, jivi yiọ, vana kachire ofi. Aaviki wa mi ishoji ofi, wazi vi ẹzẹna mẹ isẹni ofi ka, ama ọjishi ọnụ vi. ¹² Ọni renya ọnọvi ẹzẹna mi ofi, dọ zẹ vi ọjishi. Ọni renya ọnọ vaa zụ dọzatụ, dọ zẹ zụ dụsa shaa. Ẹnụ vi ọnaa mi ishọji yi ọzọfụva awụ kẹ? ¹³ Ọmẹyani bemi-atọ, ẹwụ nin ana kaa ki, "Irajini navẹki ụfụọ, ii vaa nọ irẹkụra ọnọọ, dii yi izọ irayi ọnya, dii sofụ, dii zẹ riọgụ." ¹⁴ Ẹnẹ yẹ isẹnẹ va mẹ ụfụọ kẹ?, ọnri sẹnẹ vi ẹshẹ awụ kẹ? fụvọki, waa ya venebiri egushi ọnaa jinẹ vẹ inẹfi keere, ẹfi che do ze vụeyi. ¹⁵ Akikọnọ, ọvọrọ kụ wa kaa ki, "Aaviki Ananyiyi oo si, ii va ra, di ma mẹ isa ọnọni navẹki ọnọọ." ¹⁶ Ama ọmẹyani, wa garogụ inọpati ini ọki-kụengwụ tụẹba ọnụ vaa mẹ. Ẹngwụ otowụ ọnọ bo vi isa ọshimi. ¹⁷ Fụvavọ, aichama ọnọvi yi ẹzẹna ra yẹ isa ọiza ọmimẹ, ama dọ ra zi mẹ, ivi ọnọvi.