¹ Imẹkizẹdẹẹki ọnọni ọnọ vi oshinọyi Isarẹmụ, dọ zẹ vi arụfa Oshomoshi ọne Fu Keekere, ọna na gẹrẹ Abrahamụ, dọ tuozurenu ẹdabẹrẹ yọ, ẹfiọni Abrahamụ aa varama vẹ furi izẹnọ ya na fụ oshinọyi ẹnẹ ini irẹkụ. ² Ọni ọnọ vi ọzẹni Abrahamụ si oche-ẹwụ isa bo yi. Ọshafụsha irẹsha Imẹkizẹdẹẹki ọnọ̣ vi "Oshinọyi ọmimanasẹrẹ." Irẹsha aani ọsa ọnọ vi "Oshinọyi Isarẹmu", ọni ọshafụsha aani vi "Oshinọyi Ẹngwọrọ." ³ Ọzi nyi ada navẹki ọnyi, ọzi nyi oshuku, ẹkụshi aani ọzi nyi enyima navẹki ikọọta. O vene Ozi Oshomoshi fụvọki oshirẹsụ arụfa Oshomoshi ọnọ vi poro pooro. ⁴ Re ọzọnọni me vishi nyi ụbani tu nini. Abrahamụ oshuku ayi ọ si oche-ẹwụ isa bo ọnọ ku fini ọvidi irẹkụ yọ̣. ⁵ Aa mẹ ụmọ ka, ezi Inẹvi nin ana si ụdi yi ki ẹnẹ nyi ụmọ ọdidọ oche-ẹwụ finụvọ aza ana vi ẹ̣nyara aanini, shọmẹ daka vi ki enbo vana jinẹ fini ẹngwụ Abrahamụ. ⁶ Ama inoze ọsa, Imẹkidẹzẹẹki, ọni ezirama aani razi chi fiini oshuku aanini vẹ, ọ dọ oche-ẹwụ finụvọ Abrahamụ, dọ tuozurenu ẹdabẹrẹ yọ, ọnọni ọnọ vi ki ẹ nyi otoowu ẹnẹ. ⁷ Ọzi nyi ọjirẹka ka ọzẹna nyi ụbani fu ọnọọ mẹ ẹdabẹrẹ yi ọzẹne weyi fu. ⁸ Inoze ọnọni, aza ri ẹyi rẹsụ ẹ dọ oche-ẹwụ; ama inoze ọnọ, iwe ọnini ọ siọzụ ki ̣ọ yi yẹshẹ. ⁹ A va zụụ kaa ka Inẹvi ana dọ oche-ẹwụ, ọn nyẹmbẹ o ze si si oche-ẹwụ zirẹngwụ Abrahamụ, ¹⁰ fụvọki Inẹvi yini ẹngwụ oshuku aani ụmọni Imẹdizẹẹdẹki na gẹrẹ Abrahamụ. ¹¹ Aaviki aza yaan a vara tụni ọgụrigụ zirẹngwụ ọmimẹ arụfa Oshomoshi vene ẹngwụ ọi Inẹvi (fụvọki ini afụ aani ọna ya mẹ ofi yi aza) ọwa sẹrẹ ki a yaan ku ze sii si arụfa ọsa ọna vaa kwẹẹtẹ vene ẹngwụ ọi Imẹchizẹdẹẹki, one rezee re ki ẹngwụ ọi Erọọni ọnọ vi? ¹² Fụvọki, ụmọvi ki avara arụfa da, a bẹdọ zẹ vara ofi. ¹³ Fụvọki ọzẹna karẹyi ẹnẹ inọpata aani, vana fini anda ọsa ọnọ vi ka ọzi nyi ọzọnzọnyi aanini one si si mụkọrọ ini ọpẹtẹ oshẹtẹ. ¹⁴ Yaa yẹ ẹtẹrẹ ki Ijudiya ana ya ma Ananyiyi; Ijudiya ọna vi anda ọnọ vi ka Imosisi ọi vana shi irẹsha aanini inọpati ọsi si mẹ arụfa. ¹⁵ Irẹyi ọni yaa ka vee tenii shafụụ sha aavikị arụfa ọsa ene vene Imẹchizẹdẹẹki ọ kwẹẹtẹ. ¹⁶ Aivi inoze amẹmẹ si vi ezirama oshuku ini ụpẹngwụ ọna si si ọ mẹ arufa, ama inoze ụkata ẹshẹ ọmimẹ poro pooro. ¹⁷ Fụvọki iwe ọnini ọ divenu inọpati aani ka, "Arụfa ọnụụ vi poro pooro vene ẹngwụ ọi Imẹchizẹdẹẹki." ¹⁸ Fụvọki aa kụ ụmọ ipaapa fụrẹtẹ da, fụvọki ọzi nyi ụkata, ọnri ka ọzi nyi ọgụvọ ọnọ zụ mẹ yi ọza. ¹⁹ Fụvọki ọzi nyi isọnsọnyi ọni ofi varạ ọgụrigụ. Ama, da si ọkụayitụra ọsa ana dashi funa ofi, ọnii vaa nyi ọkụayitụra ini iramụfụọ, di yaa zirẹngwụ aani zi gụrẹ Oshomoshi. ²⁰ Oshomoshi ọ savọ shieku dọ tangwa maan vaa vi. Inoze ọnya, azẹzi shieku ẹfi ana si si ẹnẹnavọ mẹ arufa. ²¹ Ama, inoze ọsa, Ijesu ọnọn vọna si mẹ arufa zirẹngwụ eku ọshishi ẹfiẹni ẹzẹna si ọ mẹ arufa kaa yọ ka, "Ananyiyi ọ shieku ọnọ ra zaa va afụụ naama: 'Arụfa ọnụụ vi poro pooro.'" ²² Ijesu vana zẹ si ọnọni si ireji ene ze fu, ọna razi nyi ọjirẹka yi yi. ²³ Inoze ọnya, aza ẹrụrụ ẹ vara arụfa fụvọki isu ọ ma navọ ki ọza ọnya ọọ mẹẹ na poro. ²⁴ Ama, inoze ọsa, fụvọki Ijesu vana ra poro, dọ vi arụfa poro pooro. ²⁵ Fụvavọ, ẹnẹna zirẹngwụ aani va ka Oshomoshi vẹ, ọ va zụụ dọ wa a tụ ini ọgụrigụ, fụvọki ọ yẹshẹ poro pooro, doo pe wa tuozurenu. ²⁶ Fụvọki ẹngwụ oshirẹsụ arụfa ọnọni ọnọ sẹrẹ yi. Ọ zi nyi aichama navẹki ivi ọnyọnyi, ọọ ni kirikiri, a sha a tụ fini akaakana anaichama nin, ọ ka shirẹ nẹba funa ẹbẹẹba bo. ²⁷ Ọi kụ nyi ka, ọọ mẹ isẹvọ eyinieyini fụvọ aichama aani savọ da, ọnri aichama azẹnẹsa, venebiri arụfa ọsa nin maa mẹ. Ụpọnya chọ ọnọ si ẹngwụ aani mẹ isẹvọ yi aza bo. ²⁸ Fụvọki ofi vana si aza ana nyi ụkụmi mẹ oshirẹsụ arụfa. Ama ireyi irẹzẹ ana vẹ inaama ofi, ọọ ni Ozi aani, ọnọ mẹ ki ọ nyi ọgụrigụ poro pooro.