¹ Inaama isẹnẹni bo, di Ipọọrụ kwẹẹtẹ fụri Atẹnsi do si fu aa ni Ikọrinti. ² Izọ, dọ vaji Iju ọnyi anaa shi Akuina ana vi anrẹkụra Ipọntusi, ọni ọnri ose ani anaa shi Iprisira shẹshẹ fụri Itani vẹ. Fụvọki Ikinadiyọsi ọ sụmọ kaa yi Iju nin ki ẹ fụri Iromu. ³ Di Ipọọrụ ne tu wa; fụvọki ụkọrọ ajẹngwụ ọdida ẹnẹẹ mẹ ọni Ipọọrụ ọn za mi mẹ, dọ yi izọ pe wa, dọọ mụkọrọ. ⁴ Ẹkụshi Isabati bo, di Ipọru a ni ni Isinagọgụ, doo pe wa karẹyi. Doo pe Iju ọnri Igiriki nini karẹyi ana vaa mẹ ki e rinẹvarama. ⁵ Ama, Isainasi ọnri Itimoti mẹ fụri Imasidoniya ve, di Ifẹ Ọnini kushi Ipọọrụ inẹ kọ divenu yi Iju nini ki Ijesu ọnọ vi Ikristi. ⁶ Ẹfiẹni Iju nini kachiree, dẹẹ kuọụfụ, di Ipọru bani auru aani shu wa, dọ ka, "Anya awụ nini ọ va ya wụ rẹsu nini; maa rishi. Fụrẹ ẹgọnọni va na, mee si fu e ne tu Ijentaini nini." ⁷ Umotu, dọ kwẹẹtẹ fiizọ, do si fu a ni ni ireshi Ititiyusi Ijọsitọsi, ọnọrụ ọnọ vi ki ọọ fẹkẹ Oshomoshi. Ireshi aani vana gụri isinagọgụ. ⁸ Ikrisipọsi, anavi ọshirẹsụ isinagọgụ ọnọ, shi ọn shi ovuovu aani vana dọ Ijesu wụ; ani Ikorinti nini ana wụ inọpati aani vana dọ wụ, da mẹ isami yụ wa. ⁹ Di Ananyiyi kaa yi Ipọọrụ ini ẹtoore inaafụ, ka, "A suu shangwa, akikọnọ waa karẹyi, a suu chiiji. ¹⁰ Fụvọki, maa ya pee u, ọzi nyi ọza ana va mọọre ki ọ na vaa zama wụ, fụvọki ma nyi azẹrụrụ tuni irẹkụra ọnọni." ¹¹ Ipọọrụ yi izọ mẹ irayi ọnya ̣ọnri ụfẹ shinọnyi, dọ yini akaakana aanini a zụ wa irẹyi Oshomoshi. ¹² Ama, ẹfiọni Iganiyo kụ vi igomina Achaya, di Iju nini kwẹẹtẹ tu Ipọọrụ, dẹ shọirẹka tụni ụta ishọọji; ¹³ dẹ ka, "Ọnọrụ ọnọni a kuu shi aza inẹ ki ẹẹ fẹkẹ Oshomoshi inoze ana razi vatụra ofi." ¹⁴ Tuavọ tuavọ, ẹfiọni Ipọọrụ a vaa vẹrẹ irẹyi ọkika, di Iganiniyo kaa yi Iju nin ka, "Ẹwụ nin Iju, aaviki a kaak ki irẹyi akụvi navẹki irẹyi sọshimi ọni irẹh̄ ọnọni wa vi, ẹwụ nin ọ vọrọ ki a siẹngwụzụ. ¹⁵ Ama, fụvọki irẹka ọnọni vi ọi ireyọka, irẹsha ọnri ofi awụ nini, jishi aani yi ẹngwụ awụ nini. Me zee si ki ma jishi tụni ẹngwụ irẹyi ẹnẹni." ¹⁶ Di Iganiyo kaa yụ wa ki ẹ tụ fiini ọvidi udi ishọọji. ¹⁷ Fụvavọ, di enbo ne tu Isostẹnẹsị, ana vi oshi isanagogu, dẹ za a, de tu o inọvidi ụta ishọọji. Ama, Iganiyo ọzi tuoshi tụ wa yọ. ¹⁸ Inaama ọni Ipọọrụ yi izọ mẹ ẹkụshi ẹrụrụ dọ tangwa va nyi kọọ navọ ẹnyara anọdọwụ ẹnyi tụzọ, dọ fiizọ aa ni Isiriya bẹri Ipirisina ọnri Akuina. Dọtangwa va nyi kọọ kwẹẹte furi Isẹnkiriya, izẹnaa kụ ẹpaa tụ, dọ savọ na kuẹyi aani fụvọ ireji ọnọ ji. ¹⁹ Ẹfiẹnẹ ngwụ Efisọsi, di Ipọọrụ navọ Ipirisina ọnri Akuina tụzọ, di onrenya ngwụ isinagọgụ, do nee pe Iju nini karẹyi. ²⁰ Ẹ mẹ kaa yi Ipọọrụ ka aso si na, do yi. ²¹ Ama, dọtangwa va nyi kọọ fiizọ, dọ ka, "Mvaa varama vee tu wu nini, Oshomoshi re si." Inaani, dọ kwẹẹtẹ fụri Ẹfisọsi. ²² Ẹfi ọni Ipọọrụ ngwụ Isiseriya, dọ shirẹ na kụ iragụ ichọọchi Ijerusanẹmu, do vee chii ni Antiyọkụ. ²³ Ọ mẹ mẹ ẹfi keere izọ da, di Ipọru do si fu kwẹẹte na varakara ọkakooro Igaritiya ọnri Ifirigiya, dọọ tụ ẹziafụ nini bo ụkata. ²⁴ Ọ nyi Iju ọnyi anaa shi Aporọsi, ana vi oziẹṭe Arẹkzandiriya, dọ vẹ Ẹfisọsi. Irenu aani ọ vi tụni irẹyi ọkika kokoro, dọ yẹ inopati iwe ọnini ẹtẹẹtẹrẹ. ²⁵ A bidi zụ Aporọsi da ini ọzizụ Ananyiyi. Aporọsi vi ẹzenọ vi ki ọ jẹngwụ ngwụ ọzizụ Ijesu ẹtẹrẹ, dọọ karẹyi dọọ zuazisa inọpati Ijesu ọmẹmẹ vi gẹdẹgẹdẹ, ama isami Ijọọnụ renya ọnọ yẹ. ²⁶ Di Aporọsi vẹrẹ a si ayọọvi karẹyi ini isinagọgụ. Ama ẹfiẹni Ipirisira ọnri Akuina wụ irẹyi aani, dẹ shi ọ tuoboka, de deni shaafụsha yọ inọpati irẹyi Oshomoshi mẹmẹ ya gẹdẹgẹdẹ. ²⁷ Ọmẹ fini ọtụtụrụma aani vẹ ki ọ naa na akajinẹ na ngwụ Achaya, di ẹnyara nini ana yi izọ tụ ọ ụkata, dẹ chẹrẹ iwe tushi eziafụ ana yi izọ ki e si o ọzọga. Ẹfi ono tuzọ, dọ mọgụvọ ọbani yi ẹnẹna dọwụ zirẹngwụ ọiza ọfẹ. ²⁸ Di Aporọsi ̣a si ọyiyẹ aani ini iwe ọninii zụ ẹtẹẹtẹrẹ, aaviki ọnri Iju nin a nyi ẹshanakata ini ibamba, dọọ siọ zụ wa fiini iweọnini ka Ijesu ọnọ vi Ikristi.