¹ Ifẹ Ọnini ọ mẹ ki ya yẹ ẹtẹrẹ ki ini ụmẹ ọikọọta, azẹrụrụ vaa varama fiini ọdọwụ, dẹẹ kụ veyika ifẹ ọjọzavene ọnri ọzizụ azeeshi, ² ini apinẹ ọnri ọfifatụ vaku. Ivefu aanini vana vaa nyi ọtẹrẹwa ọna vaa sha wa a tụ renyi. ³ Ẹ vaa kaa yi anọdọwụ nin ki asẹ nyi ọva navẹ ki ose, dee gu wa ki asẹ risari ẹnyi ọni Oshomoshi tụ vẹshẹ, ki anọdọwụ nin ẹẹ ri, dẹ gẹẹ ga a, ini avọọkụ, ini akaakana ẹnẹna nyi ọdọwụ, dẹ yẹ irẹiza. ⁴ Fụvọki isa ọni Oshomoshi tụ vẹshẹ bo vene vi isọiza. Ọzi vọrọ ki yaa nyisi isa ọnii re dọ, dii mẹ avọọkụ tụọ. ⁵ Fuvọki irẹyi Oshomoshi ọnri ozurenu ọ vara wa ọnini da. ⁶ Aaviki waa si isẹnẹni tuni ọvidi ẹnyara ayi nin, ọnọ vi ki ozida ọiza Ijesu Ikristi ọnụụ vaa vi aavọ. Fụvọki irẹyi ọdọwu ọnri irẹyi irẹiza ọnaa zụ wụ, dụ waa vatura a, ọnaa mẹ wụ fụ ini ọdọwụ. ⁷ Ama, kavana yi ụshi tụrụshi ana razi zarẹsụ ọni ọnyọzọkụ ninii che. Akikọnọ, waa pa ẹngwụ awụ ini ọmimẹ Oshomoshi. ⁸ Omimiẹngwụ ọnọ zẹ nyi nyi ọgụ ayaani, ama ọvivatụra ọmimẹ Oshomoshi ọ nyi ọgu ini ozeturoze yi isa bo. Fụvọki ọ nyi ọgụ ini ẹshẹ ọnọni, ọnri ẹshẹ anaa vẹ. ⁹ Irẹyi ọnọni vi irẹiza ọna va zụụ dọrenu; ọ vọrọ ki aza bo ọ dọ ọ ngwụreshi. ¹⁰ Fụvavọ ọnii sii vụri, dii si kamarenu ini ụkọrọ ayi. Fụvọki yaa kụ ọtụtụrụma tụra Oshomoshi ana nyi ifẹ, ana vi Ọdọzatụ aza bo, paapa anọdọwu nini. ¹¹ Showu irẹyi ẹnẹni, dụ waa zu aza inọpati aani. ¹² Asuu navọ ki ọzọnzọnyi ọ si eyi wụ wụ fụvọki ozueyi ọnụụ vi. Akikọnọ, navọ dụ wa mẹ isa ọni ẹnẹna nyi ọdọwụ vee re fama wụ, ini ieẹyi ọkika, ọmimẹ, osisi, irẹiza ọmimẹ ọnri ọnini. ¹³ Poro di ma va tangwa vẹ, navọ wa veyi ka iwe irẹyi Oshomoshi ọnọnl, dụ waa ka a, dụ waa si ọ tụ aza ụkata, dụ waa zụ wa yọ. ¹⁴ Asuu sieyiwụ irẹiza Ifẹ Ọnini ana yininẹ awụ, ana si yụ wụ ini oze ẹtoore ọnri ọkikụvọ tụra ọni azẹkụ ichọọchi nin mẹ. ¹⁵ Navọ di isẹnẹni ẹ jụwụareyi. Ji ẹngwụ ngwụọ doti aza bo e zu re ọninọvidi awụ inaani. ¹⁶ Sieyipe ẹngwụ awụ ẹtẹrẹ, shi irẹyi Oshomoshi ọnụ waa zụ aza. Asụụ zụvọ dinẹ ini isẹnẹni. Fụvọki, aaviki ụ vọvọ aa mẹ, ụ vaa dọ ẹngwụ awụ ọnri ẹnẹnee batọ tụni ọzizụ awụ tụ.