nbtt-igb-x-etuno_1pe_text

Irẹsụ 4

¹ Fụvavọ, fụvọki Ikristi ọrụya inẹchẹngwụ, teni ẹngwụ awụ tẹtẹ ki ọvọ zẹ vaa vivi yụ wụ. Fụvọki, ẹzẹna ra rụya ini ẹchẹngwụ vana javọ fini aichama. ² Fụvavọ, ọnọviki, ẹngwa azẹnẹ eikwa mẹshẹ ini osisi anẹshẹ, ọchishi osisi Oshomoshi poro dọ fụrẹshẹ. ³ Ẹfi enefụ ọsi parafụ yi Ijẹntaini nini, kẹ misa enee si kẹ naa mẹ; osisi ẹchẹngwụ, ọshi-shẹngwụ-sha ̣misa, eche-ofifụ jinẹfi, ̣ọmimẹre-eche, ọnri ọ̣mimẹrẹngwụ ana razi zarẹsụ, ori ọfifẹkẹ. ⁴ Ọvi isa ene shụweyi, ki ẹzi vaabẹ, re wa ini isọshimi ẹnẹ, fụvavọ dẹ karẹyi ọshimi awụ. ⁵ Ẹ vaa kụrenụ anini inọvidi ene teni ẹngwụ tẹtẹ, ana jishi ẹnẹna yẹ ẹshẹ, shi ẹnẹne sụ da. ⁶ Fụvavọ, ana si karenụbe ọiza zẹyi yi ene ne sụ da, shọọdakavi kaa jishi yụ wa da ini ẹchẹngwụ, doti ẹva zụ ra venebiri Oshomoshi ini ifẹ. ⁷ Iraami isa bo ee sheniipe. Fụvavọ, navọ dụ wa nyi ọtụtụrụma ọizạ, di ẹngwa awụ ọ va nẹtẹ ini oriro awụ fụvị ozụrenụ ọtitụ. ⁸ Enefụ boo, navọ wa nyi osisi yẹngwụ̣ nin, fụvọki osisi vana kụ aichama kụra. ⁹ Navọ wa shụvọ sha yẹngwụ, di ̣waa ma rifufụ. ¹⁰ Ụmọvi ki ọzọnyọnya awụ nini, o re ọiza doo, navọ dụ wa siọ mọgụvọ yẹngwụ̣ nini. Mẹ ọnọni venebiri ọza ọna ga ọiza Oshomoshi ẹrụrụ inoze ene zoza. ¹¹ Ọzọnyọnyi ana ra karẹyi, navọ dọ kaa vene ọza ana si irẹyi Oshomoshi zụ. Ọọ nyi ọzọnyọnyi ana mụkọrọ, a navọ doti ọvi ki Oshomoshi mẹ si ụkata yọ ọnọ si mẹẹ. Re kụ wa misa ẹnẹni ana vaa si ụga yi Oshomoshi inoze turoze zirẹngwu Ijesu Ikristi. Ụga ọnri ukata ọva si vi ayi Ikristi poro-pooro. Aami. ¹² Ọnim ngwụyani, a sụ re ki isa ene reirire ọnọ vi,̣ ụmẹ ẹkatẹngwụ vene ira ra vẹ, do vene ki isa owowa onu wee re. ¹³ Akikọnọ, ụya ọnu ri ini Ijesu mẹ ra ya, navọ dụwa jụje doti wa zẹ zu jijụjẹ ụmọni ụga aani vaa sẹngwu zụ. ¹⁴ Ọvika a kụuf̣u ̣fụvi irẹsha Ijesu, waa nyi ẹdabẹrẹ, fuvoki Ifẹ ụga onri Ifẹ Oshomoshi ọ vakụ wụ. ¹⁵ Ama, navọ asi ọzọnyọnyi awụ nini rụya venebirị ọwụọza, oyi, anaichama, navẹki oji-ngwụrẹyi. ¹⁶ Ama, ọọ nyi ọzọnyọnyi ana ra rụya anọdọwụ, a siọ nyụshi; akikono, ọsi irẹsha ọnọ suga yi Oshomoshi. ¹⁷ Fụvọki efi osi tụ ki ishọji o nyima fụri ovụovụ ireshi Oshomoshi. Aaviki o nyima ̣fidayi, sẹnẹ vaa vi oṿaviramani yi ẹnẹna razi vatụri irenụbe-ọiza Oshomoshi? ¹⁸ Onri ka, aaviki, "ọza ana manasere, kavụri jụ wa ̣tụ, ọza ọna razi yi Oshomoshi ọnri anaichama nini mẹ vaa sẹngwụ zụ kẹ?" ¹⁹ Fụvavọ, a navọ di ẹnẹna rụya fụvi Oshomoshi, ẹẹ si ifẹ anini chire Oshomoshi ọni irẹiza ụvọ, ana ra ini rẹiza ọmimẹ.