¹ Chi paɗ a mbǝ'in ǝnɗi nach ke'ke' tǝ tlǝnda. ² Waat paktǝ nafcha kǝmchansi kǝnandǝ kǝfa kǝs'inchandǝ khar kaa nafcha, tǝ ke'ke' khur fǝr kit, khur yakhra'an tǝ krǝsta. ³ Kǝɗu paɗ pakte nǝssǝ paɗ kǝ chokwun tǝ kǝs'inchonkhar tǝ manda, nga fǝ ǝsfacha. Kǝ chokwun kǝ mafati sa'yam innabi kǝ cha'awun ka ɗich kaɗi ndǝchan. ⁴ Kǝtlǝm kǝ cha'awun nuwanchi khar sǝ'ǝna kǝ yakh ndǝ khǝssandǝ tǝ wanchannda. ⁵ Kǝ chan'annadach wun khar kǝ chokndi kǝfǝ sǝn'ǝna tǝ chaptǝ wandǝkadata, fǝ pǝk wurchandǝ khar paɗ fǝ kantlǝ mat khǝsanda. Kǝchiwun ɗichi'ini manǝ ndiktǝ Fartǝ mbǝs 'yaratawa. ⁶ Padda kǝfǝran alkǝt kǝmsicha kǝ chokndǝ kaa nafcha. ⁷ Chika kweti pǝnu ind'yo kǝtlǝ chǝt dich ndichan; ma chǝ,ǝnkadi, kǝ pinin kakǝta tǝ chatǝsi. ⁸ Kǝ mbǝ'ǝn nafchi ndikta'an tla khaskhas nawak tǝfe 'yarata. Tlana fe 'yanchǝ tǝ ndǝkti Farta sǝk khartǝfata, kǝtiem bakh sǝbtǝ'ǝna kǝdarmǝn. ⁹ Mafacha fǝraman mandǝ fǝ wurchowun khu chikami. Kǝ tǝrawun khurchandǝ kha, kǝ assan ndachwun indǝ wa. ¹⁰ Kǝ yarkǝndawa. Əndi kǝmchǝsi, kǝ pǝnndǝ kakǝt nat tla ndichan, kǝtlǝm kǝ takh san ndǝ ftkaɗi khur chikamǝ nat. ¹¹ kakǝti Farta bii kǝmdi chikawun nefe ¹² Cha'amǝnchan khar kǝ karmǝn chok kumi sǝn Farta tǝ yakh ǝna khǝsi. Cha'amǝnchan khar kǝ chokmǝn khaskhas, tǝ choktǝ ke'kǝ khur mbandǝ Farta khur yuwa nadikhaya. ¹³ Ɗǝfkamǝn fat kǝ pǝk ɗǝɗi takhsandǝn khaa,ɓati mandi chǝnmǝn tlǝt mǝnchi Yesu Almasihu. ¹⁴ Fǝrchǝ Yesu indǝ'yan mǝnch khur ɓubi ɗicha kǝtlem kǝ khǝramǝn, kǝ chamǝnchi kaɗ chǝdchǝd kǝya'an. Nafchinchi ƒere wanɗǝ kada chit ǝnɗichan. ¹⁵ Ndiku tǝ alkǝt fa kǝ nggirin mba'an ɗǝchǝ'ini. Takhsan nat chǝka mǝ tǝ alkǝta, kǝ meleen yowun kǝ njirwech wa.