¹ Kuɗu kwa ndatǝn kǝtl manandǝ kutǝrcha tǝ fe manchan kǝtl manandach nda kǝ chǝndǝ tarɗi nech ndiichan. ² Kǝ kuɗukendechǝn paɗ kǝ nandǝ kǝ fǝ 'yara facha wa, fǝ as incha wa, kǝ malandǝ nafchǝ kǝ parandǝ wanɗǝkaɗach'yandǝ kǝtl nandǝ fǝran mandǝ. ³ Kǝtlǝm chǝk nggamǝn chokh tǝ indǝ'yamǝn sakawamǝn ǝn kha wa, fǝrawamǝn mandǝ fe kǝmchǝs wa; leng mǝn kha chokkamǝn kǝ fǝ para ɗǝnɗi yakhtǝ khǝssi tǝ fe yakhchǝ kǝnandǝ manchan. Chokkamǝn khur ɓǝɓifata tǝ wenikǝte ngamǝn kar ra'an. ⁴ Bak kafati Farta, tǝ tlǝ tlǝt mǝncha kaɗi tǝ tlǝrɗaktǝ'yan kaf'yamǝn. ⁵ Ngga kǝtlǝm kǝt kakǝt'yamǝn wa, kǝtlǝm tǝ khaɗamǝn fǝ tlǝtǝn mǝnchi, tlǝchan mǝnchǝ kaɗ tǝmɗi chapamǝnndǝ kaɗi tǝ nggǝtta tǝmɗi semeti Farta. ⁶ Fartǝ tlǝramǝnchǝ semet kaf tla chǝɗ chǝɗ ka'an tǝmɗi Yesu Almasihu tlǝ tlǝch mǝnchǝ kaɗi. ⁷ Chǝcha kǝɗuyu kǝtlǝm kǝ mbǝsmǝn khǝra'tǝ tǝmɗi kakǝt'yan namǝn choktǝ kǝ fe ne mbǝs sǝsingndǝ kǝfere. ⁸ Niktǝ'ini ka ndikte. Yakhchisǝ kǝ ndikin tǝ alkǝt fa kǝ ɓǝra ɗǝchǝ'ini ma'nafe fǝr kit kǝmɗi Farta. Nandǝ chǝt ka dicha tla ɗifandatǝn kǝ pangha paɗ mbǝs ǝn kǝmɗi nafchi. ⁹ Kǝ rekeen as indǝ khar tla nawakchǝ kǝ kata'an; tǝ ndik kwetle, tǝ as indǝ kǝ har ¹⁰ nat wa, ɗǝcǝ'ini nngo mbǝs ǝn khar khur nanda wa, paɗ ǝnsǝ natndǝ chuta wa. Karu ɗǝnɗi ne ɓat tǝ chaktǝ kha ǝ pǝtlǝrwun, kǝrsǝ minni kǝ yeneen kha arta cheka chep. ¹¹ Kǝtl sinin tǝ ndat wa nafɗǝya leng kha patlangwun khur ka mbanda, ɓǝɓifat natǝn chǝta paɗ khimkha. ¹² Ma tlǝninchǝ artimas tǝ Tikikus kǝmɗǝyo, kǝ wesen leɗ leɗ ɓen mbǝs nenchi ǝ Dikapoli, ǝ minni takhǝstǝfi kǝtlǝm wiftǝ. ¹³ Kǝ wesen kha kǝ tlinin Zinas tla nach kǝ tlǝ mbǝr mee, paɗ tǝ Apolos tǝmni nandǝ ɓakh ǝna wa. ¹⁴ Kǝmchansǝ nafchǝ'yamǝn kǝ cha'andǝ chǝt ter ndi'chan kǝnandǝ kǝsandǝ inchandǝ si ma tla taran kǝtlǝm kǝ nandǝ ɗas kǝɗu wa. ¹⁵ Nat fe nata'an mǝɗya, tandǝ inchandǝ ndu ǝna, kǝ ndeen ǝn fa fǝ tlǝrɗaktǝ kǝmǝɗ'yamǝn ǝ khur fǝ kit tǝɗa, mbǝs ǝn khar kǝ chok tǝ wunchi nat.