¹ Tlə mbuchi kitta'an khur Yesu. Lekwi wa. fatənchi tlə pənichan khur semete tla chəɗ chəɗ, ² Ndat wa kapa səɓtə wanɗəkaɗatsi tla tlarwaktə khata'an khaa khur wanɗəkaɗatənchi. ³ Nggət kaɗat wa kə ɗəf Fartə nenchi kə chaki khaa tə kərəsti kətləm wan manmanchəna fe ne kə kwatl na təmɗi fata. ⁴ Ta ndə ne kə Israilawacha tlə fe tanda, tə manda, tə sən chak mee tə manandə Farta tə ɗəchəɗi ndatənwa nan chandata. ⁵ nat chənchiyanda, khur nanda ɓa Almasihu təmɗi fata tla ne kə Farta ə ɗar chək wuni kən chəmndə kə ya'an kə fere kə chok kəɗu. ⁶ Ngga tə kuɓan Fartə ɗənɗi nan chətawa,ngga nat Israilawacha ne kə kaa Israilawacha wa. ⁷ Kəɗuyu paɗ ngga nat kwatl Ibrahim ne kə wanchə yanwa. "Təmɗi Ishaku na fe 'ya kwatl wa." ⁸ Pənamənchan wa ndatwa ngga wanchə fata nekə wanchi Farta wa. wanchəɗi ndafe wa fen ne kə kwatlan fen sengnge ndə fe, ndak. ⁹ Nda'an ne kə ndiktiɗi mbati Farta, "ɗong mət kəɗaya, Saratu nan mbəs waa." ¹⁰ Ngga tlaya ne ndak wa ɗəfkə Rifkatu khur tə chəmata'an, chən mən Ishaku. ¹¹ Kən fe nggət wanchəɗiya tapa wa chəndə in ndichan ndu kə səɓta'an wa kətləm tatəɗi chət Farta kəm wa khaa tə ɗənɗi chət nda wa ndu kətləm terawa, kətləm mətlan ne kə tlə yata'an. ¹² Kəɗ ɗənɗi mba'andən "Tla ne manchan nan mana ndə tla nggwiit." ¹³ nachan kəɗu kə yarata'an, "Yakubu yakhtənkarkan Isuwa." ¹⁴ Nachamən ndatwa kəni? chəwaknə Farta kakət khachawa? chəwawa. ¹⁵ Ndankan Musa wa, "Nandə khaɗitəfa tla kəmchəs wa kə khaɗəchəfa." ¹⁶ Ma tan kəɗu ngga kətləm tla tlə kwechə khaa wa, kətləm Farta tla tlə khaɗandə mən fa. ¹⁷ Ndachə yarata'an Fir'auna wa "kətləm ɗənni tla'uchi kətləm kə pəni mandichə kə ɗar wa mana tləm na wetlə khaa khur khesi nat." ¹⁸ Kəɗu pəndə Fartə kakətyan kəmɗi tla yakhtən, chankan wanɗə kaɗati tla yakhtən kwakwa. ¹⁹ Nachowun ndi təwa, kətləm mi, "tlə nggətlamənndən tə ɓuɓifata?" wun tamchə asan ind kaɗati Farta? ²⁰ ma ɗəpa mən, chə nefe wun nako nato tara mee tə Farta? ndu ɗənɗi təndə fe nandə ndandə tlə tənan wa kətləm mə təndu nanchə kəɗa? ²¹ Tlə tən ɓuta alkətyansi kə ɗar tamta'an natən tən ɓutə ndiichan tə tla paɗ i chət chəkami. ²² Ma tə ndə fewa na Fartə pən səɓtə khuryan tə alkətyan, sən fe, kərəs kan khur khuɓtə khure ɗechəɗi takhsandən khaa kə səɓanchə kaɗwa. ²³ Chək chəchan kəɗu kətləm kə pən mandiyan tla na kakət ɗar tla takhsandən ə tər kanan. ²⁴ Nan chət kə chə kəɗuyu kətləm mənchəwa nggəməntəɗi yatən ngga khur yahudawachə ɗeng wa paɗ khur fe fərwakchə kit. ²⁵ Kəɗ ɗənɗi mbatən khur ɗelwer i Yushau: "Ni 'ya fe nawakchə kə nafchənchəwa nafchənchi, tə paɗ fe yakhtən ngga fe yakhtən wa. ²⁶ Nan nat paɗ məɗi nda fe tə ta ndəwa, "Ngga nggun nafchənchə wa nafe 'ya tandə wa wanchi Farta tla tə sisingndə fa. ²⁷ Ishaya ndiik tə Israila, "Ma ndife wa tertə wanchi Israilawacha nan nat kəɗ chekwte ə mi kufa, tak tə nandə ndak ne mbəs khərata. ²⁸ Na Fartə ndiɗandə ndiktiyan kha nat nggə təla fatsəwa. ²⁹ Kəɗ ɗənɗi yarandə Ishaya khaa "Mam wa malamən wu Fartə kwetl khaa wa mə nachamən nat kəɗ Saduma, tə paɗ mə chamənchə fe kəɗ Gomarata. ³⁰ Nachamən ndatwa kəni? chək fə kumi fərkitchəɗi tlə kawakchə kakət yu, mbəs ndə kakət təmɗi fər kit. ³¹ Israilawach fe kach kakət sərta sa'wa ndawa. ³² Kətləm mi? kətləm kawandə təmɗi fərkit wa, təmɗi tarcha. Chəkandə ³³ wan sartə kha tə ɗakwan chət wansarta. Kəɗ ɗənɗi yarandə fe. "Nakanya ɗəfinchə ɗekwan kha kə ɗar sihiyona ɗakwan chət wansarta. tla fər chə kit kə anchi nə fat kharanchəwa."