¹ Kətləm nda'an nggə chakme sə ə ɗar fe ne khur Yesu Almasihu wa. ² Kətləm əna chəti semeti səsingndə ə Almasihu khəra'mənchə khur ɗəchəti sərta i ɓəɓifat tə mərta. ³ kətləm ɗənɗi tlə mbakhənwaktə sərtə chəta kətləm kuɓandə fat təmɗi fata,chə Farta.Tləntə wa'yan kakh khur fat i ɓəɓifata kətləm kə chokkə tlərandə fat kaɗ kətləm ɓəɓifata 'yakan ən mi tə ɓəɓifat ə khur fata. ⁴ Chəchan kəɗuyu kətləm ɗənɗi mba'tə sərta kə ndiiɗ kha khurmən,nggamən təɗi nggawakchə wi'tə khur fata paɗ təmɗi semete. ⁵ Fe ne nat kha khur fata ɗəfchə wanɗəkaɗat kə ɗəna chəti khesi.Fe ne kha khur semete tlə ɗəfchandə wanɗəkaɗat kə əna semete. ⁶ Ɗəf wanɗəkaɗat kə fata mərtə kaɗi,ɗəf wanɗəkaɗat kə semete səsingndə tə khaskhaskəta. ⁷ Nachan kəɗuyu ɗəf wanɗəkaɗat kə fata yakhwə Farta wa, kətləm mətlan para sərti Farta kəna nat kə mbəra. ⁸ Fe ne khur fat tərawandə khuri Fartə kha wa. ⁹ Chəka mə nakan nggun khur fata wa nggun khur semete. Ma kit wa semeti Fartə khur'yowun ma yowun nggawaktə semeti Fartə fə'yan mətlan ngga ya'an wa. ¹⁰ Ma Almasihu sə fə'yo fat'yo kə mərta'an kəmɗi ɓəɓifata,semet nach kha kətləm kakəta. ¹¹ Ma semeɗi tla'anchə Yesu khur məmatacha ne'sə khur'yowun,mətlan təɗi tla'anchə Yesu khur məmatacha na səsingndə nat fat'yowun fe ne kə fə mərchə təmɗi semet'yan tla nach kha khurwun. ¹² Wanmanchən kumatəs ində'yamən ngga kafi fata wa natmən nat kha kə sərti fata. ¹³ Ma niwun kha kə ɗənɗi yakhtə fata nowun mərta.Nakan ma təmɗi semete ɓəlawun ɗə chəti fata,nowun nat khaa. ¹⁴ Nat fe na semet parat tə tandə wanchi Fartə nakanda. ¹⁵ kətləm tləwowun seme mafakət tlə ɓach tə lekəta wa ə tləwun seme nat arta,təmɗə'yan tlə tla'andəmən ɓərata kənamən ndat wa, Abba chənnda." ¹⁶ Semeta'an tə ində'yan sənsi tə semet'yamən ndat wa nggamən wanchi Farta. ¹⁷ Ma nggamən wancha nggamən ne tlən ɗənɗi ne sə i Fartə paɗ nggamən ne tlət ɗənɗi ne sə i Fartə wa' tə Almasihu. Ma ɓakhmən kha tə ndi nafe manamən ndə waat tə ndi. ¹⁸ Tlə tərchi wa ɓakhtəɗi nakanya sa' wa kə kaɗamən tə maanɗi nafe ɓamən nda wa. ¹⁹ Kəɗ ɗənɗi na ɗənɗi təndə Farta yakh ɓati wanchi Farta. ²⁰ Kətləm njiran fe ɗənɗi kaɗ təndə Fartə ngga kə əna wa ngga kaɗataan wa, i tla nggəranchə kaɗi nacha khur tləndə tə ndikta'an. ²¹ Ɗənɗi takhəstə Fartə tə ində'yan nan khəra'tə khur mafakət mətltə kaɗi, paɗ nafe ɓat ta'anchə kəmɗi khəra'ta i mandi wanchi Farta. ²² Kətləm sənmən wa nat ɗəchəɗi takhəstə Fartə tandə fəfərta tə ɓakhta tə sək khatəfat nat kə nakanya. ²³ Ngga kəɗuyu ndak wa chəka mə nggamən təɗi ne kə ɗəfkan wanchi semete nggamən fəfərtə kə ra'an pəktə kə tləfe mənchi,kətləm khəra'ti fat'yamən. ²⁴ Təmɗi fər kit ta'an khəraamən ndə fe ɗənɗi ɗəftəmən kaɗat sə wa nan səɓta nawamən kwaɗən wa kətləm wun ɗəfchə kaɗat sə tə pəktə wa nan nata? ²⁵ Ma ɗəfmən wanɗəkaɗat kə ɗənɗi nawaktəmən pəkaməntə kərəsta. ²⁶ Tə kəɗu tlə kəsamənndə semet sə khur kuɓandə fat'yamən kətləm sənwamən mbanɗi tlə sitəmən wa semet tə ində'yan tlə nachan siyamənndə si tə ɗəchəɗi tlə nach ɓakhamənnda. ²⁷ Mətlan təɗi tlə tausanchə wanɗəkaɗach sənchə kaɗati semete kətləm mətlan siyamənndəs kəɗ ɗənɗi yakhtə Farta. ²⁸ Sənmən wa fe tlə yakhchə Fartə tlə chəchan kaa ɗəchə nat kətləm kət tanda kəmɗi fe 'ya fe tə yakhtə'yan. Nat ɗəcha tlə chokchan kə kakəta. ²⁹ Kətləm fe səndən tang tang fen yaktən kənandə kəɗ wa'yan,kətləm kə chok kə wan la waa. ³⁰ Fen təɗi ɗəfandatən fen 'yatən,fe 'yatən fen khəra'andatən.Fen təɗi khəra'andatən fen manandatən. ³¹ Mə namən mba'tə kə ɗar ɗəchəɗəya? Ma Fartəs tə mənchə wun ne njər mənchi? ³² Mətlan təɗi tlə 'yatawakchə wa'yan, fərtə anchə kətləm natmən, mə ne 'yatanda fəramən ɗəch nat pafən tə ndi. ³³ Wun ne ɓat tə təkhuɓtə kəmɗi tatə wanchi Farta? Fartə tlə khəra'anchə nefe. ³⁴ Wun ne chak mee? Almasihu tla mərchə kətləm mənchə tə kəɗu paɗ pəɗanchə minni khaa. Mətlan chət kutəraktə tə Fartə məɗi ne manchan mətlan paɗ ne sitə kətləm mənchi. ³⁵ Wun ne chakamənndə kha tə yakhti Farta? ɓakhta wa,səɓtə wanɗəkaɗata wa,mita wa, ɓakh ɗəcha wa, khangal wa? ³⁶ Kəɗɗnni yarandə fe,"kətləm cha tlə nafe ɓəlanda wendiməta, chamənchə fe kəɗ chokhreche fe tlətlemən ɓəracha." ³⁷ Khur ɗəchə di natya m'bəramən alkət khaa təmɗi tla yakchə mənchə. ³⁸ Fərchə kit ndat wa ndu mərta ndu sissingde, ndu fə tlənchi Farta, ndu kutərakta, ndu ɗecheɗi ne nakanya, ndu fe nə ɓata ndu alkəta, ³⁹ Ndu mbarata ndu khwengngə kəta ndu chək mə chət farta, cha'wandəs kə chakamənchəndə khaa tə yakhti Farta tla ne khuri Yesu Almasihu chənmən wa.