¹ Wanman chəna sənwo wa, kətləm nachi ndiktə tə fe sən chə sərta, ndatwa sərta chət kuturak tə kə nɗar nef khur nat khaa? ² Kətləm təmɗi sərta nunef nachan kə kənan məɗi chəmata'an khur nat yan khaa, ma mər chəmata'an, nggə sərtəs tə retsə ində yan wa. ³ Ma pe chəmata'an khaa, kana pəɗat tərtə kani yowuna nafe yandə wa fəlau. Ma mər chəmata'an pa'wu sərtə retsə indiyan wa, kətləm kən kə fəlauwa ma kakhan tə nefe. ⁴ Kətləm nda'an wanman chəna, ndəf fe wunchə kə mərwun təmɗi sərta təmɗi fati Almasihu. Kətləm kə wumon chəfe ret tə yowuna tla tla'an ndə fe khur məmatacha 'to arta kətləm kə nggətamən Fartə wanchəsi. ⁵ Fartə di nat mən khur fata, na fe 'yara ndə əna chəch yamən i ɓəɓifata tla ne khur yamən təmɗi sərta, kətləm kə nggət mən wancha kəmɗi mərta. ⁶ Nakanya khəra'a mənchə fe khari sərta, mər mən kə bera ɗənɗi kəna məncha, kətləm kə chəmən mafak əta khur yuwa semete, ngga khur yara dokh tə sərta wa. ⁷ Nachamən ndat wa kəni? sərtaan ɓuɓifata wa? Kə chok kə ɗuwa, chəka kədu ma ngga təmɗi doka wa, məni tam sən ɓuɓifata wa, ma ngga təmɗi sərta wa ni tam yakh əni nefawa, se ndak sərta wa, "Kə yekhən əni nefawa." ⁸ Nakan ɓuɓifata mbəs kan mba'ata təmɗi sərta, ɓakan tə ndəchə di tlə yakh tə khurin chi. Kətləm ma nggə sərtəsuwa, ɓəɓifat mərta'an. ⁹ Chokh nachə khaa ngga tə sərta wa, ɓak sərta kə ɓuɓifata nggət paɗ mərki. ¹⁰ sər ta'an tla kəm chəsi kə ɓə tə sisingnde, mbəsanchi kə mərta'an. ¹¹ Kətləm ɓəɓifata mbəs chan mba ndə təmɗi sərta, ləmkan nenchi təmɗi sərta ɓəlikan. ¹² Kətləm nda'an sərta'an nachan chəɗ chəɗ, tə mbəs ən khar paɗ ndiichan. ¹³ Nakan ən ndiichan chəchan kaɗ məɗən chə kə mərtawa? nggan tam chə kəɗuwa. Penchə ɓuɓifatwa ɓuɓifat nakan təmɗi ɗənɗi ne ndiichan, ɓakan tə mərtə kə khurinchi. chok chan kəɗuyu kətləm təmɗi sərta'an ɓəɓifata chok kan kə ɗiiɗ ɓuɓifata. ¹⁴ Sən mən wa doka ta'an i kaa semete, nakan nggət nachi khur fata. Khəyi chə fe kaɗ kə mafa ta khur ɓuɓifata. ¹⁵ Kətləm nggət sənwi dəchidi tlə chəti wa. Kətləm ɗənɗi tlə yakhti kə chi ngga nda'an tlə chəti wa, paɗ ɗənɗi tlə yakh wakti da'an tlə chəti. ¹⁶ Ma chənchə ɗənɗi yakh wakti nggəmani wa sərtəsi, ndat wa sərta ndiichan. ¹⁷ Nakan ya ngga nggət tləchəch ɗənɗi tlə chəti wa, ɓuɓifa di ne khurin chi. ¹⁸ Kətləm sənin chəwa ə khurin chi. ndat wa ə khur fatənchi ənsə ndiichan wa. Kətləm yakhənchə chət ən ndiichan, nakan mbakhən wi chəta wa. ¹⁹ Kətləm ɗənɗi ndiichan tlə yakhti kə chi, mbakchən wi chəta wa, nakan səɓtə əndi tlə yakh wakti kə chi, nda'an tlə chəti. ²⁰ Ma chənchə ɗənɗi tlə yakh wakti kə chi ngga nggət tlə chəcha wa, ɓəɓifa di ne khurin chi. ²¹ Kətləm nda'an mbəsan ki wa ənsə khurin chə tlə yakhchə chət ən ndiichan, chək kəɗu ndetə ɓuɓifasə khurin chi. ²² Kətləm khurin chi, mbənfatsi kə nɗar sərti Farta. ²³ Nakan tlə nachə sərtə samən tla ne ya ndə tə yuwa sərchədi ne khur wandə kadatənchi nakandə dəf nenchə kə mafakəta khur ɓuɓifata tla nech finchi. ²⁴ Nggət tla ne ɓakhtə khaa, wun ne khəra ita khur fatən chi i mərta? ²⁵ Usoko Farta təmɗi Yesu Almasihu chənmən! Nggəta chani ter sərti Farta ə kaɗatənchi tlə chan chi mafakət sərti Farta. Chək kəɗu təmɗi tla chan che mafakət ɓuɓifata tla ne khur fatinchi.