¹ Mə namən mɓatə khachya? Namən nat kə pang tə ɓuɓifata kətləm kakəti Fartəs kaan wa? ² Ngetam səɓawa kəɗuwa. Ngaməntədi mərchə kə ɓuɓifata nacha nat kən kə naməm fiyan? ³ Sənwowunuwa nat fe chandə fe baptisma khur tləm Yesu Kristi, chanɗach fe kə khur mərti Yesu wa? ⁴ Tlokhamən chəfe, tə ndi təmɗi baptisma khur mərtəyan. Chokchan kəɗuyu kətləm kəɗ ɖənɗi taltə Almasihu khur məmattacha tə mandi chənnan. Na chan nat kəduyu tə ngamən, namən nat khur yuwa nat khaa. ⁵ Kətləm ma nggamən tə ndi kəɗ mətlan təmdi mərtiyan, namən choktə tə ndi, kə tla mən tə ndi tlə khaa tlata. ⁶ Sənmən wa kukanfe sertə nafdi yamən yu tə ndi kətləm kə ɓəllan fe fadi ne kə yi ɓuɓifata. Səɓchan kəduyu mani mən nat kə panga khur chan mafakət ɓuɓifata. ⁷ Nat tla mərcha nach fe tər ndi kə tlə kakəta ɗar ɓuɓifata. ⁸ Ma mər mən tə Kristi, fər mən kit wa namən natkhaa tə ndi. ⁹ Sənmən wa tla'an fe Kristi khur məmattacha. Kətləam nda'an ngga mərtə nakanwa. Pe'wu alkəti mərtəs ə ində yan wa. ¹⁰ Kə ɓəra mərtə di mərtən kə ɓuɓifata, mərchan artə ndak, kə tləm nat mən. Natyan khaa paɗ nachan khaa kətləm Farta. ¹¹ Kəduyu taan ngun paɗ kə tərwun in chiyowun kəd məmatacha kə ɓəɓifata paɗ tə sisingən chəfa kəmdi Farta. Khur Almasihu Yesu. ¹² Nakan kəduyu kə malawun ɓuɓifata kə chət kutraktə kafyouwun wa, tla nach dəf wunchi kə chəwan ɖənɗi yakhtən wa. ¹³ Kə fərwun fatayowun kəmɗi ɓuɓifata wa, kə chok kə əna tar ɓəɓifata wa. Fəraman Fartə 'inchəyowun kəɗ fe nech tə sising nɗəfa khur məmatacha, paɗ kə fərwun fat'yowun nat kəmɗi Farta kə chət kaa ter tə wunchi. ¹⁴ Kə fərawun ɓuɓifata mɓanɗa kə chət kutraktə tə wunchə wa, kətləm nga nachowun khur kiita wa, nachowun khur kakəta. ¹⁵ Mə khacha? Kə chekemən ɓuɓifata, kətləm nga nachamən khur sərta wa, ne tam chawa. ¹⁶ Sən wowun wa, nat tla fəraduwun fat 'yowun kə mafakəta, məɗ yan nggun mafacha wa? Tlən niya kit'ta'an ndatwa ndu kənowun kə mafachi ɓuɓifata tla ne dəttə wunchi kə mərta, ndu kə nowun kə mafacha tla ne dət tə wunchi kə khur kakətta. ¹⁷ Usoko kaan chok kəmɗi Farta kətləm chokh nggun mafachi ɓuɓifata, nakan pariwun khar khur wandəkaɗachyowun we'tə ɗənɗi chaowundə fe khar. ¹⁸ Tlə fe wunchə kaɗi khari ɓəɓifata, chowun kə fe kə mafa chi kakətta. ¹⁹ Nachi ndiktə tə wunchi kəɗ nefe, kətləm kuɓandə fat yowun, yi tlu tə fere, kəɗ ɖənɗi fərtəwun inchiyowun kə tar təkəmnda tə səɓtə tarcha, kəduyu paɗ kə fəram inchiyowun kəɗ mafachi kakəta. ²⁰ Kətləm tləkhadi nat wun kə mafachi ɓuɓifata nachowun kə fe khəracha kə khur kakətta. ²¹ Far təiniya mə ɓəstəwun khar tə tarchədi tlə na fat kharowundəs nakanya? Kətləm ɗənɗi na tarchiini ɓowunda nda'an ne kə mərta. ²² Nakanya tlək fe wunchi kadya khari ɓuɓifata chowun chə fe kaɗ kə mafachi Farta, ɓəsta'an yowun khar nda an ne kə chok chəɗchəɗ kəta tə ɓəs sisingnde kə fere. ²³ Kətləm ɓəsta an khar i ɓuɓifata mərta, nakan pafən i Farta, nda'an ne kə sisingnde khur Almasihu Yesu chənmən kə fere.