¹ Nggamən təɗi ne kwakwa kəmchansi kə tərmən ləklək kə ti fe nawak chə kwakwa. Kəmwa si kə pənmən yakh indawa. ² Malan chəkawun kə təranchi khuri tla khaa ne nduk tə ndi, kətləm ndichansi, kətləm kə mannan fe. ³ Chək Yesu tərawa khuri fat yan khaa wa. kəd'dənni yaradə fe, "Yaradi tlə tən yu, tərchan kakh kə indinchi" ⁴ Ɗənɗi yaradə fe kha, chokh, yaranchə fe khaa kətləm kə təɗanfe tləmach'yamən kə mbəsmən alkəta. ⁵ Nakanya Farta tlə kərəsta tlə kəsamən ndəsi kə fərowun wanɗə kaɗat artə təra'an kəɗ ɗəchəti Almasihu Yesu. ⁶ Kətləm chəchan kəɗuyu tə wanɗə kaɗat arta mano wun chəm nɗə tə mi chəyowun arta. ⁷ Tlam ra'an, kəɗ ɗənɗi tlət Yesu wunchi, kə manan fe Farta. ⁸ Ndachi wa chan fe Yesu kə mafati khəchete kə ɗar kit ta'an yi Farta. Chəch fe kəɗuyu kə sə fe ndik təɗi ɓa'anɗə fe chukwach nanɗə kə chokh. ⁹ Ma'na fe kumi fə fərkit chə mannanɗa Farta kətləm kakət yan. Kəɗ ɗənɗi yaranɗə fe khaa, "Kətləm kəɗuyu nati chəm wech khur fə kumi fərkitcha kə inni yəməs manandə tləmwa. ¹⁰ Paɗ ndachan wa "Kwalam fata, nggun fə kumi fərkitche tə nafchiyan." ¹¹ paɗ , chəmam Farta, nggun nat fə kum fərkiche, nafchəɗ nat kə mananda." ¹² Paɗ ndach Ishaya wa, "na fe ɓəssandə kwatl Yessi, tla ne tlata kə chət kutrakta ɗar fə kumi fəkitche, fə kumi fərkitcha nandə mbəs alkət məɗyan. ¹³ Nakanya kə ndidowun chi tə kheɗi tə khure, khaskhas tə fata, kətləm fər kit yowun, kətləm kə mbəswun alkəta təmɗi alkəti semet tla chəɗchəɗ. ¹⁴ Nggət tə indinchi nggəmən wunchi, wanman chəna. Paɗ nggəmani ndatwa nggun tə indiyowa khur kakəta, tə sənda. nggəmani ndatwa nowun ɓəs mbanda kə ndikə wun tə ra'an. ¹⁵ Nakan nggət yarowon nɗə si tə alkət kə ɓəra ɗicha, kətləm kə kuɗukowunchi, kətləm sən əniɗi fəritə Farta. ¹⁶ Sən ən ini dəfchə nenchi kəni kə mafati Yesu Almasihu tla tlənɗə fe kəmɗi fe kumi fərkitche, kə kapa tlə ɓas ndikti Farta. Nachi chət kəɗu kətləm fər əni fə kumi fərkitche kən kə əna tləta kəmɗi Farta təmɗi semete tla ne chəɗchəɗ. ¹⁷ kəɗuya nggət sək mbənd fa khur Yesu Almasihu tə ɗəchi Farta. ¹⁸ Kətləm ənsə natə mbutawa se ənɗə tlənɗə Yesu təmɗinchi kə i fər manda kəmɗi fə kumi fər kitchaan. Nɗəchi'ini chət fe təmɗi ndikte te chəta. ¹⁹ Təmɗi nɗəchəɗi ne kə yi sakainde tə alkəti semet tla ne chəɗchəɗ. Nachan kəɗuyu ə Urushalima tə Ilirikum, ma'ani nɗət tə ndikti Almasihu chəka kə kayi. ²⁰ Khur mben əniya yakh tənchə kə ɓasi ndikti Farta, mədi sənwak tə fe tləm Yesu, kətləm kə təni nɗar məɗi tamwaktəndəsi. ²¹ Kəɗ ɗənɗi natən kə yarata'an, "Fe tamwaktə fe mba'anda ndiktiyan kə sənda. Fe tamwachə sək ndiktiyan kə sək nda." ²² 'Yatichə fe ɗəɗ kəmɗiyon fartə sam saman kaan. ²³ Nakanya pe'wu mətən chəs tlə khakhiɗawa, nɗuk wawa khurach kaan yakhin chəs kə di kəmdowun. ²⁴ Fartiɗi yakh ti ɗət kə Asbaniya tlə nɗachiwa ni na wunchə ma nggət mbərtə khaa, kətləm kə dəfwun nenchi, ma chokin chə tə wunchi wan mənchə tap kəɗa. ²⁵ Nakanya ni kə Urushalima kə ɗi chan ter nafchi Farta. ²⁶ Əna mbəɗəfa kəmɗi Makidoniyacha tə Akayacha kə fərandə ən sertə nafcha fe fərchə kit ə Urushalima. ²⁷ Tlə nacha nɗə sək mbəndə fə kaan kətləm kə ndanwa kumatə ne ɓər yanda. Kətləm fə kumi fərkitcha wu mandə inɗə tə tanda khur semete chok chan kə nɗən kumatə məɗyanda kə kəsandach nɗəs tə ɗicha. ²⁸ Ma fərandachi wanɗəɓetla, sənin chəwa sa andach kə khar ni ɓat kəmɗiyon kan pəɗa tənchə kə Asbaniya. ²⁹ Sənin chəwa ma ɓinchə kəɗiyowun, ni ɓat tə ndiiɗ mbəsta'an khar i Almasihu. ³⁰ Nakanya nggət siyowun nda wanman china təmɗi chənmən Yesu Almasihu, tə yakhti semet tla ne chəɗchəɗ kwewun kha tə sita kəmɗi Farta kətləm nggəta. ³¹ Cham kəɗu kətləm kə khəra i mədi fe tlə fəranchə mandə yahudawacha, kətləm terinchi kəmɗi Urushalima kə chok kə tləta'an. ³² Siyama kə ɓi kəmɗiyowun tə kheɗɗi tə wanɗə kada ta təmɗi yakhti Farta, ndatwa nggun tə nggəta kə mbəsmən yipta. ³³ Farta tlə khaskhas kəta kə chok tə wunchə nat, kə chok kəɗu.