¹ Malan chəkwun kə fərran mandə kuturcha, kətləm kutəraktəs wa, man ngga ɓachan məɗi Farta wa. Kutərak təɗi ne məɗya ɓachan məɗi Farta. ² kətləm nda'an nat tla njər chə kutrakta, sərti Farta njər tən, fe paɗ karchə kutrakta, na fe chaka nda mee. ³ Kətləm kutərcha ngga əna lekət kəmɗi kaa nafcha wa, se kəmɗi fe tlə chəch səɓtə ɗəcha. yakh wun sə kə nowun kə fe tlə lekewakchə kutər chawa! cham ən ndiichan, nowun mbəs chəmnda kətləm inni. ⁴ Kətləm nən kə mafati Farta kəmɗiyowun kətləm kaa fata. Ma chuwun ən ndəɗwawa, lekeme, kətləm chonggom kheryan pafən wa. Kətləm mətlan mafati Farta tla tlə nggəran chə səɓtə nefsə tə khup tə khure. ⁵ Kətləm nda'anchokchan waat kə fərwun manda, ngga kətləm khup tə khure wa, kətləm kaa fata. ⁶ Kətləm ɗin'ini tlə tituwun chamnda. kətləm kutərcha mafachi Farta, fe tlə ne chət kəɗu ɗing. ⁷ Tiyaman chəkwun ɗənɗi kəmchəs wa kə tiyawun, chamnda kəmɗi tlə tlət chamnda, kənau tere kəmɗi tlə chət tere, lekəte kəmɗi tla kəmchəs kə leken fe, manda kəmɗi tla kəmchəs tə manda. ⁸ Kə kəswun kumatinef khar wa, se kə yakhwun ra'an. Kətləm tla nat yakh chə wanmanan, ndiiɗan tə sərtə khaa. ⁹ Kə chuwun fəlau kətawa, kə ɓəlwun fatawa, mə yarkənwun wa, kə yakhwun əni nefa wa, ma pə sərtəs sə paɗ, kənan chə fe khaa wa, "Yakhu wanmu kəɗ indiyo." ¹⁰ Yakh nefe səɓawun khuri nafɗi kaɗ nat wun nduk nduk wa. Kətləm nda'an yakh ra'an nda'an ne kə ndiiɗti sərtə khaa. ¹¹ Kətləm tlenniya, sənwun wa sa'a farta'an kə nakhənwun 'yene. Kətləm nakanya far tə tlət mənchə kaɗi ɓi nduk mani fartəɗi fər tə mən kit. ¹² Wita ə chə langnga, mət nduk wende. Kətləm nda'an kə chakmən khaa tə tarchi wutla, kə məkmən kapa ɗakəta. ¹³ Wi 'yan kəɗ ɗənɗi kəmchəsi, kəɗ ə farta ngga kəɗ khur wuwukəta tə tla tərandə ɗəchawa, paɗ kə wimən khur fəlaukət tə yakh ɗəch samsamən wa, paɗ ngga khur assində ndu səra'tawa. ¹⁴ Məkan Yesu Almasihu kafa kə chəwun kəfə əna fachawa kətləm para yakh tə səɓte ɗəchi fata kətləm para səɓtə ɗəchiɗi yakhtən.