¹ Nggət siyowun nda wan manchəna kətləm ka kəti Farta, fəram fat yowon əna fərta kəmɗi sisingnde, tla ne chəɗchəɗ, əna tlət kəmɗi Farta. Nda an ne kə manandə Farta khur kit ta'an. ² Kə chokh wun kəɗ khesiɗiyawa kə mbəs wun ɓeɗet kha khur wandəkaɗat yowun. Cham kəɗuyu kə sən wun ɗənɗi ne ndiichan, əna tləta kə ndiita'an məɗi Farta. ³ Ndachiwa kətləm kakət di fəri tə fe kə manan nef indiy'an khurwun wa kə mbərantə mədi khaa ndəftə Fartə anchəsi. Məni Kəɗu nam tə mbər ənfa kəɗ ɗənɗi fəra ndə Fartə chək wun fərkit. ⁴ Kətləm tlə tle fatch yamənsə khur fat arta, chək kəɗu ngga nat ndə tlə chəch we'tə ter artawa. ⁵ Kə ɗuyu natən mədyamən, kəɗ ɗənɗi nat mən tərchan khur fati Almasihu, nat mən tlə tle fati ra'an. ⁶ Fəramən chə Fartə mbər ən samən samən təmɗi mbəs əni ɗi khar ne məɗyamən. Ma ən ɗi fərandə fe nef mba ən ɗi nda Farta, kə chə ə khur fər kityan. ⁷ Tla fəra ndə Fartə mbər chət əna chəkan tə alkəta. Tla fəra ndən mbər cha'andə kaɗi, kə cha'anchə kaɗi ⁸ Ma mbər əni nefsi i fəran alkət nefe kən fərta, ma mbər əni nef i fərta kə fər tə khur chakh lar, ma mbər əni nef i para nafchə khar kənfiyan, ma mbər əni i khadandə nafchəfa kə chə tə wandə kadat khaskhas. ⁹ Kən yakh nef yo khur wandə kadata. Kə kar wun əndə ne kə səbta'an kə chəwun ɗənɗi ne kə kata'an. ¹⁰ Kə ɓəra yakh wanmancha yakham ra'an kəɗ fər mandə fəraman ra'an manda. ¹¹ Kə nɗar kwetə khaa kə mbiɗ fat yowun kaɗwa, kə mbəra semete kwe'yem khaa kə ɓəra Farta chaman tere. ¹² Kə ɓəra mbən fata cham tə kheɗ ɗi tə wandə kaɗata, kə ɓəra kumi chok khaskhaskə ta kərsama, kə ɓərə sita kwe'em khaa. ¹³ Cham kə fə fəran ən nafchi Farta. Chokam kə fə tlət ramcha. ¹⁴ Ɗəfaman mbəs ən khar kə fə karchə wun chə kə ndowunwa ngga ən nakan ndawa. ¹⁵ Mbənam fat tə fe khur mbən fat fa, tamat tə fe ne təta. ¹⁶ Kaɗat yowun kən arta. Kən kə i mandə indawa. cham tlaw raktə tə fə ɓakh cha. Kətl kaɗ nowon wa khur wun wa pədantə nowun khawa. ¹⁷ Kə tiwun ɓuɓifat tə ɓuɓifata wa. cham ən ndiichan pangn nafchə nat. ¹⁸ Cham chəka mə nat, kətləm kə chok wun khaskhas tə nafcha. ¹⁹ Kə mbi'wun kaɗwa malaman Farta kə mbiyowunchəs kaɗ,i kə yarata'an natən "Mbi'tə kaɗi yina; ni tiyandə chəka wuni," nda Farta. ²⁰ Ma mitə fi təkritəwa fəran ndəsəm ndə kə səma, ma ku chəm ndə fiyan fəran 'yeme. Ma chuwun kəɗu, no tləran chalwat kə inde." ²¹ Kə ndiiɗ wun tə səɓtə fata wa, ndiiɗ ɗam tə kaa fata təmɗi chət ter ndiichan.