1 Mani chǝkhata, "Tǝ kar Fartǝ nafchan Yahudawachawa?" Nach ngǝmnan natwa,"auwa ngga kuɗuwa! kǝ kaɗowun khar ngǝt paɗ tlǝ Israilawat naki. Nachi khur nggǝtkekti Ibrahim. Mee i Bilyaminu, chǝka kǝɗu karwǝ Fartǝ nanchǝwa! 2 Auwa, karwu Fartǝ nafchanwa, fe taɗtǝn ndukwawa kǝ chokndǝ kǝ nafchiɗi natǝn fǝranda mbǝs ǝn khar tǝ mbandǝ ndi'ichan, kaɗawowun kharwa kəɗ ɗənɗi sitə Iliya kəmɗi Farta kə ɗar Israilawacha.. 3 "tlǝ manda, tǝkandǝ takǝt Annabawach kaɗi, paɗ welenkandǝ mǝt choktǝ 'yo kaɗ tla nech chəɗchəɗ, nggǝt ndak pe' chǝ tǝ sinsingndǝfa tla fǝrchǝ kit, nakanya tandǝ kat kǝ ɓǝlichǝnda. 4 Ngǝman kǝ Fartǝ wa; Nga chǝ ndak takchǝs nech kǝ tlǝ fǝr kit kǝmɗǝnchǝ wa, kǝsinchǝ nafchǝnchǝ khar mǝɗinchǝ kumchit kum-kum muɗ (7000) khǝssǝ ǝ Israila. khǝssǝɗi manawakchǝ ɗǝkhachǝɗi tlǝ 'yafe wa Ba'al" 5 Kǝɗ ɗǝnni paɗ, nafchǝs nakanya malti sǝ khur ngga'an Yahudawacha fe chokchǝ kǝ fǝ fǝr kit. Taɗchǝ Fartǝ mǝnchi kǝ chokmǝn kǝ fe fǝrchǝ kit ka fat'yan kǝmɗiyamǝn tǝ mbanchǝɗi kǝmwakchǝs kǝ mbǝsmǝn. 6 Nakan kǝtlǝm ka fat'yan kǝmɗi fe taɗtǝn, ngawa kǝtlǝm tǝ chǝndǝ ǝn ndi'ichanwa, mamwa tlǝ taɗchǝ Fartǝ nafchǝ kǝtlǝm ka ɗǝna chǝch 'yanda, mǝ nan tlǝ pǝn kakǝt kǝmɗiyandawa. 7 Mə paɗ taɗkǝ Fartǝ fowun nafchi Israilawach khar, nda'an chǝch kǝ sǝnmǝnwa Yahudawach ka'an mbǝswandǝ ɗǝnɗi nat ndǝ katawa. Ka'an Yahudawacha yakhwandǝ kǝ sǝndǝ ǝnɗi tlǝ mba'andǝ Fartǝ tanda wa. 8 Chokchan kǝ nde tǝ ǝnɗi yarandǝ Annabi Ishaya kǝ ɗaran; 'Yach Fartǝ ǝn mi kǝ ɗar nanda kǝ chǝndǝ kǝ fǝ kum tlǝmacha wa. Kǝmchansǝwa kǝ sǝndǝ kit kǝ ɗar Kristi, ngǝmwandǝfawa. Kimsǝ kǝ parandǝ ǝnɗi mba' tǝ Farta, chǝwandǝ kuɗu wa. Nachan kuɗuyu pa' kǝ ɓukuya." 9 Kuɗǝkichǝ Yahudawach ǝnɗi mba'tǝ Dauda kutire, fartǝ ɗi chǝkhandǝn Farta kǝ 'ya ɗǝch mi kǝ ɗar tǝkricha'an kǝ chokhi ind'yandǝ kaɗ kǝ ɓamcha; "Kǝ nandǝ kǝ fe 'kwa'kwa tǝ incha kǝɗ ɗǝparachǝɗi khǝmchǝ kǝ khur ngamngam! kǝ chok ndǝ yiryir kǝɗ nachandǝ mǝt khombat'yanda kǝ chok khombata'an kǝ sǝk mbǝnanfa kǝ ɗǝna kǝsandata, nandǝ chǝt ɓǝɓifata kǝrsata'an kǝ sǝɓendachndǝn kaɗi. 10 Kǝ nandǝ ɓakhtǝɗi nech ɓat kǝ mbǝstandawa, kǝ pikin tandǝ kǝ khur ɓakhtǝkhawa kǝtlǝm fǝ ɓakhandǝ nafchǝ nakanda. 11 Ndachiya, "kwet chǝt Yahudawach ɓǝɓifata tǝmɗi kar fǝr kit kǝmɗi Kristi, chokchan wa nachandǝ nat langngǝ tǝ Fartawa?" nachi ngǝmndǝswa, "Auwa nga tǝ chakndǝ kha tǝ Fartǝ kǝpori wa! kǝtlǝm chǝndǝ ɓǝɓifata, Fartǝ tlǝ khǝra'anchan fe nawakchǝ kǝ Yahudawacha, ma' na Yahudawach sǝra mbǝs ǝnɗi khar natǝn fǝrandǝ fe nawakchǝ kǝ Yahudawach yu, ma' nandǝ 'ya Kristi kǝ tlǝt tanda." 12 Karkǝ yahudawach Kristi yu, Fartǝ paɗ fǝrankan mbǝs ǝnkhar fowun nafchǝ khur khesi tǝmɗi ina nda mband'si kǝ fǝrndǝ kit. Fartǝɗi kartǝ yahudawach semet fa, ɗǝnɗi sǝɓcha kǝrsata'an Fartǝ fǝrankan fe nawakchǝ kǝ Yahudawach yu mbǝsta'an khar ka;an. ma chokchan kit'ta'an, kaɗan kha nach saka inan nat wa kǝni, mamwa na Yahudawach nat fe taɗtǝ Farta nandǝ fǝr kit kǝ Kristi! 13 Kǝmɗǝyowun nakanya ngun tǝɗi nawakchǝ kǝ Yahudawacha ǝnɗi nati mba'ta. Ngǝt nech kǝ tla tlǝndǝ Farta kǝmɗi fe nawakchǝ kǝ Yahudawacha kǝɗ ngun, paɗ tǝrinchǝ tarɗiya tǝ alkǝt fa tla ɗǝfitǝ Fartǝ kǝ khar kǝ chi. 14 Tǝ kǝɗu ngǝt tǝptǝf wa tarɗi nati chǝta nan tla'andǝ wandǝkaɗati fenchǝna yahudawacha, kǝ chok wa fowun nandǝ fǝr kit ma'nandǝ khǝ'rata. 15 Karchǝ Fartǝ fowun fenchǝna Yahudawacha, kǝtlǝm karndǝ fǝr kit, nda'an chǝcha nak Fartǝ chok yǝryǝr kǝt tǝ fowun takǝt nafchǝ khurkhesi, ma chokchan kǝɗuyu kǝrsǝ karkǝ Yahudawach Kristi, No kaɗo kwastǝ ɗǝchiɗi mǝ nech sǝɓta kǝrsǝ fǝr kit kǝ ndi. Mǝ nachan choktǝ kǝndenwa 'tlachandǝ khur mǝmatacha! 16 Ma tǝrkan wanan chǝɗchǝɗ, na njarta'an nat chǝɗchǝɗ, ma tlaran chǝɗchǝɗ, njartata'an paɗ nan nat kǝɗu. 17 Ma tlakhan fe fowun njartǝ ɗǝftǝ kaɗi, ma chǝ ɗǝftǝɗi nach kǝ sǝɓtǝ ɗǝfta ɓi fe wummandata tǝ tlaar ɗǝftǝ tla nach ndi'chan, 18 Kǝ ɗifin wandǝkaɗat'yo kǝ ɓǝra njarta'an wa. Ma tle'en ind'yo, ngga chǝ kǝschǝ tla'archa'an khar wa, tlacha'an kǝschǝ wech khar. 19 No mbǝla ndatwa, chenfe njarcha'an kaɗi kǝtlǝm kǝ mbǝsichǝ fe khuran. 20 Tlaya nach kə kit! kǝtlǝm kǝt kumi fǝr kit chǝch chǝchendǝ fe fi njarta'an, tlaram kha tǝ alkǝtfa khur fǝr kit 'yowun. Kǝ tǝrwun inchǝ'yowun kǝ pǝɗantǝ ǝnɗi kǝmchǝs wa, kǝ lekǝwun. 21 Kǝtlǝm ma malawu Fartǝ kaa njarcha'anwa, nech malowunchǝwa. 22 Ɗǝpamandǝn we'tǝ kafati Farta tǝ ɗǝna chǝt'yan tla nech khaɗchan. Tǝ yowun mbandǝ paɗ, khata'an tlǝ ɓachan kǝ ɗar yahudawach fe khǝmchǝkha, pa kǝ ɓukuya ɓi kafati Fartǝ kǝmɗǝyowun ma ɗuwun kǝ pang tǝ khur ka fat'yan, nǝfe chatlowunchǝ kaɗwa. Ma ǝ karwunfa na fe chatlowundǝ kaɗi. 23 Kuɗuyu paɗ ma ɗuwandǝ kǝ pang khur kumi fǝr kit 'yandawa, na fe ngǝrandat kaɗ kafi ɗǝfta'an. Kǝtlǝm na Fartǝ mbǝla nggǝrandat kaɗi. 24 Ma ǝ chatluchǝ fe kaɗ fi ɗǝftǝ zaitun tla nech khur chanjaya maə wumuchǝ fe tǝ ka dǝftǝ zaitun nachan nat kǝn tǝ Yahudawach fe nech kǝ ka njarcha'an tla nafe nggǝrandǝ kǝ khur ka zaitun? 25 Wan manchǝna, yakhwi sǝ kǝ chokwun khur wutlawa kǝ ɗar wuɓtǝndiktǝɗyawa, kǝtlǝm kǝ nowun tǝ sǝnan khur kaɗa ǝn'yowun. wuɓtǝ ǝni ya ndatwa 'kwa'kwa tǝ ində sǝɓchan khur Israila, se yimkǝ fǝ sǝnwakchǝ Fartǝ kǝ khuran 26 Tǝ kǝɗuyu na Israilawach nat khǝra'ata, kǝɗ ɗǝnɗi natǝn kǝ yarata'an; "ǝ khur sihiyona na tlǝ khǝra'andǝ nafchǝ kha ɓata; Nan tǝrandǝ tǝkǝmdǝ kaɗ khuri Yakubu. 27 Tlaya nech choktǝ kǝ tle ndiktinchǝ tǝ tanda fartǝɗi tǝrandi ɓǝɓifach'yandǝ kaɗi,", 28 Tǝ mǝt yowuna kǝtlǝm ndik Farta, tǝkrichǝ nakanda kǝtlǝm nguwun tǝ mban samǝn paɗ ɗar taɗti Farta, yakhfe tanda kǝtlǝm kǝt parchǝnnandǝ chokh. 29 Kǝtlǝm fǝr ǝn tǝ "ya fati Farta mbedewa khawa. 30 Kǝtlǝm nggun tǝɗi tlǝ chǝ wakchǝ ɗǝnɗi mba'tǝ Farta, nakanya khaɗawun Fartǝfa kǝtlǝm kumi chǝt ɗǝnɗi ndǝɗwakchǝsi. 31 Tǝ mben ini Yahudawach chǝndǝ kaɗ kǝ fǝ kumi chǝt ɗǝnɗi mbatǝ Farta, mbǝsta'an khar tǝmɗi khaɗandǝwun Fartǝ fa, fen paɗ kǝ khaɗan fe tandǝ fa. 32 Kǝtlǝm ngǝlan Fartǝ chǝka wuni kǝ kumi ɗǝnɗi mba'tǝ Farta, kǝtlǝm kǝ khaɗan chǝka wunfa. 33 Nach saktǝ khwengǝ kǝt tǝ mbǝsǝna tǝ paɗ sǝn ǝna i Farta! kita 'yan mbǝranchǝ sǝndi nef kha, mbanchǝ'yan mbǝranchǝ kha kǝ sǝnfe! 34 "Wun sǝnchǝ kaɗati Farta wun paɗ tlǝ kaɗa nda ndǝ ǝn kha? 35 Wuni tǝrchǝ kan fǝran Fartǝ ǝna, kǝtlǝm kǝ tiyanchi?" 36 Kǝtlǝm mǝɗ'yan tǝmɗan paɗt na chǝkami. Kǝmɗiyan manda tǝ nat khaa kǝ fere. kǝ chok kǝɗu.